'ರಾಜಕೀಯ' ಸುದ್ದಿಗೆ ಪೂರ್ಣ ವಿರಾಮವಿಟ್ಟ ಸೆಂಚುರಿಸ್ಟಾರ್

ರಾಜಕೀಯ ನನಗೆ ಇಷ್ಟವಿಲ್ಲ

''ರಾಜಕೀಯ ನನಗೆ ಇಷ್ಟವಿಲ್ಲ. ಆದ್ದರಿಂದ ನಾನು ರಾಜಕೀಯ ಕ್ಷೇತ್ರಕ್ಕೆ ಪ್ರವೇಶ ಮಾಡುವುದಿಲ್ಲ'' ಎಂದು ಹಾಸನದಲ್ಲಿ ನಟ ಶಿವರಾಜ್ ಕುಮಾರ್ ಸ್ಪಷ್ಟಪಡಿಸಿದ್ದಾರೆ ಕನ್ನಡಪ್ರಭ ವರದಿ ಮಾಡಿದೆ. ಕಲ್ಯಾಣ್ ಜ್ಯುವೆಲರ್ಸ್ ಉದ್ಘಾಟನೆ ಸಮಾರಂಭದ ನಂತರ ಮಾತನಾಡಿದ ಶಿವಣ್ಣ, ಮಾಧ್ಯಮದವರು ಪ್ರಶ್ನೆಗಳಿಗೆ ಉತ್ತರಿಸಿದರು. ಈ ವೇಳೆ ರಾಜಕೀಯದ ಬಗ್ಗೆಯೂ ಮಾತನಾಡಿದರಂತೆ.

ಶಿವಣ್ಣ ರಾಜಕೀಯ ಸೇರೋದು ಸುಳ್ಳು

''ನಾನು ರಾಜಕೀಯ ಸೇರೋದು ಸುಳ್ಳು. ಒಂದು ವೇಳೆ ರಾಜಕೀಯಕ್ಕೆ ಬಂದ್ರೆ, ಜನರಿಗೆ ಮೊದಲು ತಿಳಿಸುತ್ತೇನೆ ಎಂದು ಹೇಳಿದರು.

ರಾಹುಲ್ ಗಾಂಧಿ ಬಂದ ಉದ್ದೇಶ ಬೇರೆ

ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರು ಮನೆಗೆ ಭೇಟಿ ನೀಡಿದ್ದು, ಅಮ್ಮನ ಸಾವಿನ ಹಿನ್ನೆಲೆ ಸಾಂತ್ವನ ಹೇಳುವುದಕ್ಕೆ. ಅವರ ಮೇಲೆ ನಮಗೆ ಗೌರವವಿದೆ. ಹಾಗಾಗಿ, ರಾಜಕೀಯ ಬರುತ್ತೇವೆ ಎನ್ನುವುದು ಸುಳ್ಳು ಎಂದು ಶಿವರಾಜ್ ಕುಮಾರ್ ತಿಳಿಸಿದ್ದಾರೆ.

ಗೀತಾ ಶಿವರಾಜ್ ಕುಮಾರ್ ಸ್ಪರ್ಧಿಸುತ್ತಾರಾ?

ಇನ್ನು ಶಿವರಾಜ್ ಕುಮಾರ್ ಅವರ ಪತ್ನಿ ಗೀತಾ ಶಿವರಾಜ್ ಕುಮಾರ್ ಅವರು ಮತ್ತೆ ಚುನಾವಣೆಯಲ್ಲಿ ಸ್ಫರ್ಧಿಸುತ್ತಾರೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಶಿವಣ್ಣ ಅದನ್ನ ಕೂಡ ಅಲ್ಲೆಗೆಳೆದಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.