Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಓಂ ಸಿನಿಮಾಕ್ಕೆ 25 ವರ್ಷ: ಸಂಭ್ರಮಕ್ಕೆ ಅಡ್ಡಿಯಾದ ಟೆಕ್ನಿಕಲ್ ಪ್ರಾಬ್ಲಮ್!
ಕನ್ನಡ ಸಿನಿ ಪ್ರೇಕ್ಷಕರು ಎಂದೂ ಮರೆಯದ ಸಿನಿಮಾ 'ಓಂ' ಸಿನಿಮಾ ಬಿಡುಗಡೆ ಆಗಿ ಇಂದಿಗೆ 25 ವರ್ಷ. ಈ ಸಂಭ್ರಮವನ್ನು ಒಟ್ಟಿಗೆ ಆಚರಿಸಲು ಶಿವರಾಜ್ ಕುಮಾರ್ ಹಾಗೂ ಉಪೇಂದ್ರ ತಯಾರಿದ್ದರು, ಆದರೆ ಅದು ಸಾಧ್ಯವಾಗಿಲ್ಲ.
Recommended Video
ಹೌದು, ಓಂ ಸಿನಿಮಾಕ್ಕೆ 25 ವರ್ಷವಾದ ಕಾರಣ ಉಪೇಂದ್ರ ಮತ್ತು ಶಿವರಾಜ್ ಕುಮಾರ್ ಅವರು ಒಟ್ಟಿಗೆ ಲೈವ್ ಬಂದು ಅಭಿಮಾನಿಗಳೊಂದಿಗೆ ಮಾತನಾಡಲು ಯೋಜನೆ ಹಾಕಿಕೊಂಡಿದ್ದರು.
ಸಿನಿಮಾಕ್ಕೆ 'ಓಂ' ಎಂದು ಹೆಸರಿಟ್ಟಿದ್ದರ ಹಿಂದಿದೆ ಸ್ವಾರಸ್ಯಕರ ಕತೆ
ಶಿವರಾಜ್ ಕುಮಾರ್ ಮತ್ತು ಉಪೇಂದ್ರ ಅವರು ಒಟ್ಟಿಗೆ ಲೈವ್ ಬಂದು ಅಭಿಮಾನಿಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತಾರೆ ಎಂದು ನಿರೀಕ್ಷೆಯಿಂದ ಸಾವಿರಾರು ಅಭಿಮಾನಿಗಳು ಕಾದಿದ್ದರು. ಆದರೆ ಅವರೆಲ್ಲರಿಗೂ ನಿರಾಸೆಯಾಯಿತು. ಅದಕ್ಕೆ ಕಾರಣ ತಾಂತ್ರಿಕ ಸಮಸ್ಯೆ!
ಮೊದಲಿಗೆ ಲೈವ್ ಆರಂಭಿಸಿದ ಶಿವರಾಜ್ಕುಮಾರ್
ಹೌದು, ಶಿವರಾಜ್ ಕುಮಾರ್ ಅವರು ಮೊದಲಿಗೆ ತಮ್ಮ ಫೇಸ್ಬುಕ್ ಖಾತೆಯ ಮೂಲಕ ಲೈವ್ ಗೆ ಆಗಮಿಸಿದರು. ಕೂಡಲೇ ಅಭಿಮಾನಿಗಳು ಫೇಸ್ಬುಕ್ ಲೈವ್ ನೋಡಲು ಪ್ರಾರಂಭಿಸಿದರು. ಉಪೇಂದ್ರ ಅವರನ್ನು ಸೇರಿಕೊಳ್ಳುತ್ತಾರೆ ಎಂಬ ನಿರೀಕ್ಷೆ ಇತ್ತು.
ಶಿವರಾಜ್ ಕುಮಾರ್ ಪುತ್ರಿ ಏನೇನೋ ಪ್ರಯತ್ನ ಪಟ್ಟರು
ಶಿವರಾಜ್ ಕುಮಾರ್ ಪುತ್ರಿ ಫೇಸ್ಬುಕ್ ಲೈವ್ ನಲ್ಲಿ ಉಪೇಂದ್ರ ಅವರನ್ನು ಸೇರಿಸಲು (ಆಡ್) ಮಾಡಲು ಸಾಕಷ್ಟು ಹರಸಾಹಸ ಪಟ್ಟರು ಆದರೆ ಸಾಧ್ಯವಾಗಲಿಲ್ಲ. ಉಪೇಂದ್ರ ಗೆ ಕರೆ ಮಾಡಿ ಸಲಹೆಗಳನ್ನು ನೀಡಿದರು, ಅವರು ನೀಡಿದ ಸಲಹೆಗಳನ್ನು ಪಾಲಿಸಿದರು ಆದರೂ ಇಬ್ಬರೂ ಒಟ್ಟಿಗೆ ಲೈವ್ ಬರಲು ಆಗಲೇ ಇಲ್ಲ.
'ಓಂ' ಚಿತ್ರ ಸೃಷ್ಟಿಸಿದ ಅಪರೂಪದ ದಾಖಲೆಗಳು ಹಾಗೂ ಆಸಕ್ತಿಕರ ಸಂಗತಿಗಳು
'ತಾಂತ್ರಿಕ ತೊಂದರೆಯಿಂದ ಉಪೇಂದ್ರ ನಮ್ಮೊಂದಿಗೆ ಸೇರಿಲ್ಲ'
ಕಾದು-ಕಾದು ಸಾಕಾದ ಶಿವಣ್ಣ, ಒಬ್ಬರೇ ಲೈವ್ ಮಾಡಿದರು. 'ಉಪೇಂದ್ರ ಅವರು ನಮ್ಮೊಂದಿಗೆ ಸೇರಬೇಕಾಗಿತ್ತು, ಆದರೆ ತಾಂತ್ರಿಕ ತೊಂದರೆಯ ಕಾರಣ ಅವರು ನಮ್ಮೊಂದಿಗೆ ಸೇರಲಾಗುತ್ತಿಲ್ಲ. ಲಾಕ್ಡೌನ್ ಮುಗಿದ ಮೇಲೆ ಇಬ್ಬರೂ ಒಟ್ಟಿಗೆ ನಿಮ್ಮ ಮುಂದೆ ಬರುತ್ತೇವೆ' ಎಂದರು.
ಓಂ ಸಿನಿಮಾದ ಹಾಡು ಹಾಡಿದ ಶಿವಣ್ಣ
ಸಾವಿರಾರು ಮಂದಿ ಶಿವರಾಜ್ ಕುಮಾರ್ ಅವರ ಲೈವ್ ನೋಡಿದರು. ಮೆಚ್ಚಿನ ನಾಯಕನಿಗೆ ಹಲವಾರು ಪ್ರಶ್ನೆಗಳನ್ನು ಕೇಳಿದರು. ಅಭಿಮಾನಿಯೊಬ್ಬನ ಒತ್ತಾಯದ ಮೇರೆಗೆ ಓಂ ಸಿನಿಮಾದ ಹಾಡೊಂದನ್ನು ಹಾಡಿದರು ಶಿವರಾಜ್ಕುಮಾರ್.