ಅಭಿಮಾನಿಯ ಅಗಲಿಕೆ: ಭಾವುಕ ಸಂದೇಶ ಕೊಟ್ಟ ಶಿವಣ್ಣ

ಟ್ವಿಟ್ಟರ್‌ನಲ್ಲಿ ವಿಡಿಯೋ ಹಾಕಿರುವ ಶಿವರಾಜ್‌ ಕುಮಾರ್‌

ತಮ್ಮ ಆಪ್ತೇಷ್ಟ ಅಭಿಮಾನಿಯ ಅಗಲಿಕೆಯ ನೋವನ್ನು ಟ್ವಿಟ್ಟರ್‌ ವಿಡಿಯೋ ಮೂಲಕ ಹಂಚಿಕೊಂಡಿರುವ ಶಿವರಾಜ್‌ ಕುಮಾರ್ ಜೊತೆಗೆ ಅಭಿಮಾನಿಗಳಲ್ಲಿ, ಸಾರ್ವಜನಿಕರಲ್ಲಿ ಒಂದು ಮನವಿಯನ್ನೂ ಮಾಡಿದ್ದಾರೆ.

ಈಜಲು ಹೋಗಿ ಪ್ರಾಣ ಕಳೆದುಕೊಂಡ ರೋಷನ್

ರೋಷನ್ ಅವರು ಈಜಲು ಹೋಗಿ ಸಾವನ್ನಪ್ಪಿದ್ದಾರೆ. ಆದರೆ ಅವರಿಗೆ ಈಜು ಬರುತ್ತಿರಲಿಲ್ಲವಂತೆ. ಹೀಗೆ ಬರದ ಕೆಲಸಕ್ಕೆ ಕೈಹಾಕಿ ತೊಂದರೆ ಮೈಮೇಲೆ ಎಳೆದುಕೊಳ್ಳಬೇಡಿ. ನಿಮ್ಮನ್ನು ನಂಬಿಕೊಂಡು ನಿಮ್ಮ ಕುಟುಂಬದವರು ಇರುತ್ತಾರೆ ಅವರ ಬಗ್ಗೆ ಕಾಳಜಿ ಇರಲಿ ಎಂದು ಶಿವರಾಜ್ ಕುಮಾರ್ ಹೇಳಿದ್ದಾರೆ.

ಹುಂಬತನದಿಂದ ಗೊತ್ತಿಲ್ಲದ ಕಾರ್ಯಕ್ಕೆ ಕೈ ಹಾಕಬೇಡಿ: ಶಿವಣ್ಣ

ಯಾವೊದೋ ಹುಂಬತನಕ್ಕೆ ಬಿದ್ದು ಗೊತ್ತಿಲ್ಲದ ಕಾರ್ಯಗಳಿಗೆ, ಹುಚ್ಚು ಸಾಹಸಗಳಿಗೆ ಕೈ ಹಾಕಬೇಡಿ. ಅಕಾರಣವಾಗಿ ಪ್ರಾಣ ಕಳೆದುಕೊಂಡರೆ, ನಿಮ್ಮನ್ನೇ ನಂಬಿರುವ ಅಪ್ಪ-ಅಮ್ಮ-ಅಣ್ಣ-ತಮ್ಮ, ಹೆಂಡತಿ-ಮಕ್ಕಳಿಗೆ ದಿಕ್ಕು ಯಾರು ಎಂದು ಶಿವಣ್ಣ ಪ್ರಶ್ನಿಸಿದ್ದಾರೆ.

ಅಭಿಮಾನಿ ರೋಷನ್ ಆತ್ಮಕ್ಕೆ ಶಾಂತಿ ಕೋರಿದ ಶಿವಣ್ಣ

ರೋಷನ್ ಆತ್ಮಕ್ಕೆ ಶಾಂತಿ ಕೋರಿರುವ ಶಿವಣ್ಣ, ರೋಶನ್ ಅನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತೇನೆ. ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿಯನ್ನು ದೇವರು ಕೊಡಲಿ. ಅಭಿಮಾನಿಗಳು ಹೆಚ್ಚು ಜಾಗೃತೆಯಾಗಿ ಇರಿ ಎಂದು ಶಿವಣ್ಣ ಮನವಿ ಮಾಡಿದ್ದಾರೆ.