Don't Miss!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- News ಚಾಮರಾಜನಗರ: ಚೊಂಬುಗಳ ಪಾರ್ಟಿ ಕಾಂಗ್ರೆಸ್
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಾಕ್ಡೌನ್ ಸಮಯದಲ್ಲಿ ಶಿವಣ್ಣ ಪ್ರತಿದಿನ ತಪ್ಪದೆ ಮಾಡುವ ಕಾರ್ಯ
ಇನ್ನೆರಡು ತಿಂಗಳು ಕಳೆದರೆ ಶಿವರಾಜ್ ಕುಮಾರ್ ಅವರಿಗೆ 58 ವರ್ಷ ವಯಸ್ಸಾಗುತ್ತದೆ. ಈಗಲೂ ಶಿವರಾಜ್ ಕುಮಾರ್ ಅವರ ಫಿಟ್ನೆಸ್ ಯುವಕರನ್ನೂ ನಾಚಿಸುವಂತಿದೆ.
Recommended Video
60 ವರ್ಷಕ್ಕೆ ಸನಿಹವಾದರೂ ಸಹ ಇನ್ನೂ ಯುವಕರನ್ನು ನಾಚಿಸುವಂತೆ ನೃತ್ಯ ಮಾಡುತ್ತಾರೆ, ಫೈಟ್ ದೃಶ್ಯಗಳಲ್ಲಿ ಭಾಗವಹಿಸುತ್ತಾರೆ. ದಣಿವಿಲ್ಲದೆ ಹಲವು ಶೆಡ್ಯೂಲ್ಗಳ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಾರೆ.
ಶಿವಣ್ಣ ಅವರ ಆರೋಗ್ಯದ ಗುಟ್ಟೇನು, ಅವರು ಮಾಡುವ ವ್ಯಾಯಾಮವೇನು, ತಿನ್ನುವ ಆಹಾರವೇನು? ಹೀಗೆ ಹಲವು ಅನುಮಾನುಗಳು ಅವರ ಅಭಿಮಾನಿಗಳಿಗಿದೆ. ಇವಕ್ಕೆಲ್ಲಾ ಉತ್ತರವೆಂಬಂತೆ ಶಿವಣ್ಣ ಇಂದು ವಿಡಿಯೋ ಒಂದನ್ನು ಹಂಚಿಕೊಂಡಿದ್ದಾರೆ.
ವ್ಯಾಯಾಮ ಮರೆತಿಲ್ಲ ಶಿವರಾಜ್ ಕುಮಾರ್
ಪ್ರಸ್ತುತ ಲಾಕ್ಡೌನ್ ನಿಂದ ಮನೆಯಲ್ಲಿರುವ ಶಿವರಾಜ್ ಕುಮಾರ್ ಅವರು, ಮನೆಯಲ್ಲಿದ್ದರೂ ಸುಮ್ಮನೆ ಕೂತಿದ್ದರೂ ಸಹ ಫಿಟ್ನೆಸ್, ವ್ಯಾಯಾಮ ಮರೆತಿಲ್ಲವಂತೆ. ಸೀಮಿತ ಸ್ಥಳದಲ್ಲಿಯೇ, ಸರಳವಾದ ವ್ಯಾಯಾಮದ ಮೂಲಕ ಫಿಟ್ನೆಸ್ ಮೇಂಟೇನ್ ಮಾಡುತ್ತಿದ್ದಾರೆ ಶಿವರಾಜ್ ಕುಮಾರ್.
ಪ್ರತಿದಿನವೂ ತಪ್ಪದೆ ಸೈಕ್ಲಿಂಗ್ ಮಾಡುವ ಶಿವರಾಜ್ ಕುಮಾರ್
ಜಿಮ್ಗಳೆಲ್ಲಾ ಬಾಗಿಲು ಹಾಕಿಕೊಂಡಿರುವ ಈ ಸಮಯದಲ್ಲಿ ಶಿವರಾಜ್ ಕುಮಾರ್ ಅವರು ತಮ್ಮ ಮನೆಯ ಕಾಂಪೌಂಡ್ ಒಳಗಡೆಯೇ ಸೈಕ್ಲಿಂಗ್ ಮಾಡುತ್ತಿದ್ದಾರೆ. ಇದನ್ನು ಒಂದು ದಿನವೂ ತಪ್ಪದೆ ಮಾಡುತ್ತಿದ್ದಾರಂತೆ ಶಿವರಾಜ್ ಕುಮಾರ್.
ಕೊರೊನಾ ವಿರುದ್ಧ ಜಾಗೃತಿ ಮೂಡಿಸುವ ಕಾರ್ಯ
ಶಿವರಾಜ್ ಕುಮಾರ್ ಅವರು ಕೊರೊನಾ ಲಾಕ್ಡೌನ್ ನಿಂದಾಗಿ ಮನೆಯಲ್ಲಿಯೇ ಉಳಿದಿದ್ದಾರೆ. ಅಷ್ಟೆ ಅಲ್ಲದೆ ಕೊರೊನಾ ವಿರುದ್ಧ ಜಾಗೃತಿ ಮೂಡಿಸುವ ಕಾರ್ಯವನ್ನೂ ಮಾಡುತ್ತಿದ್ದಾರೆ. ಕೊರೊನಾ ಹೋರಾಟಕ್ಕೆ ಸಹಾಯವನ್ನೂ ಶಿವರಾಜ್ ಕುಮಾರ್ ಮಾಡುತ್ತಿದ್ದಾರೆ.
ಹಲವು ಸಿನಿಮಾಗಳಲ್ಲಿ ನಟಿಸಲಿದ್ದಾರೆ ಶಿವಣ್ಣ
ಲಾಕ್ಡೌನ್ ಮುಗಿದ ಕೂಡಲೇ ಸಾಲು-ಸಾಲು ಸಿನಿಮಾಗಳಲ್ಲಿ ಶಿವರಾಜ್ ಕುಮಾರ್ ನಟಿಸಲಿದ್ದಾರೆ. ತಮಿಳಿನ ಅಸುರನ್ ಸಿನಿಮಾದ ಕನ್ನಡ ರೀಮೇಕ್ನಲ್ಲಿ ಶಿವರಾಜ್ ಕುಮಾರ್ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಇದರ ಜೊತೆಗೆ ತೆಲುಗಿನ ರಾಮ್ ಧುಲಿಪುಡಿ ನಿರ್ದೇಶನದ ಸಿನಿಮಾದಲ್ಲೂ ಶಿವಣ್ಣ ನಟಿಸಲಿದ್ದಾರೆ.