Upendra Hijab Look: ಹಿಜಾಬ್ ಧರಿಸಿದ ನಟ ಉಪೇಂದ್ರ: ಫೋಟೊ ವೈರಲ್!

ಹಿಜಾಬ್ ಧರಿಸಿದ ಉಪೇಂದ್ರ!

ಉಪೇಂದ್ರ ಟ್ವಿಟ್ಟರ್‌ನಲ್ಲಿ ಒಂದು ಫೋಟೊ ಹಾಕಿಕೊಂಡಿದ್ದಾರೆ. ಈ ಫೊಟೋದಲ್ಲಿ ಉಪೇಂದ್ರ ಹುಡುಗಿಯ ವೇಷದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಮುಖ ಮುಚ್ಚಿಕೊಂಡು ಹಿಜಾನ್ ಕೂಡ ಧರಿಸಿದ್ದಾರೆ. ತಲೆಗೆ ಮತ್ತು ಮುಖಕ್ಕೆ ಉಪ್ಪಿ ಬಟ್ಟೆ ಕಟ್ಟಿಕೊಂಡುವ ಕಾರಣ ಇದು ಹಿಜಾಬ್ ಎಂದು ಹಲವರು ಕಮೆಂಟ್ ಮಾಡುತ್ತಿದ್ದಾರೆ. ಉಪ್ಪಿ ಸದ್ಯ ತಮ್ಮ ಹೊಸ ಅವತಾರದ ಮೂಲಕ ಸದ್ದು ಮಾಡುತ್ತಿದ್ದು, ಈ ಫೋಟೊ ನೋಡಿದರೆ ಇದು ಉಪ್ಪಿನೇ ಎಂದು ಸುಲಭವಾಗಿ ಗುರುತಿಸಬಹುದು.

ಟ್ರೋಲ್ ಆಯ್ತು ಉಪೇಂದ್ರ ಹೊಸ ಡಿಪಿ!

ಉಪೇಂದ್ರ ಮಹಿಳೆಯ ವೇಷದಲ್ಲಿ ಕಾಣಿಸಿಕೊಂಡ ಕಾರಣ ಈ ಫೋಟೊ ವೈರಲ್ ಆಗುತ್ತಿದೆ. ಕಪ್ಪು ಬಣ್ಣದ ಟಾಪ್ ಧರಿಸಿ, ತಲೆ ಮತ್ತು ಮುಖಕ್ಕೆ ಕಪ್ಪು ಬಣ್ಣದ ಬಟ್ಟೆ ಕಟ್ಟಿಕೊಂಡಿದ್ದಾರೆ. ಈ ಹೊಸ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ಟ್ರೋಲ್ ಕೂಡ ಆಗಿದೆ. ಹಲವು ಮಂದಿ ಉಪ್ಪಿಗೆ ಏನಾಗಿದೆ? ಅವರ ಅಕೌಂಟ್ ಹ್ಯಾಕ್ ಆಗಿದೆಯಾ? ಎಂದೆಲ್ಲಾ ಪ್ರಶ್ನೆ ಮಾಡುತ್ತಿದ್ದಾರೆ. ಜೊತೆಗೆ ಅಲ್ಲು ಅರ್ಜುನ್, ಮಹೇಶ್ ಬಾಬು ಫೋಟೊಗಳನ್ನೂ ಮಹಿಳೆಯರ ರೂಪಕ್ಕೆ ಎಡಿಟ್ ಮಾಡಿ ಕಮೆಂಟ್ ಮಾಡುತ್ತಿದ್ದಾರೆ. ಜೊತೆಗೆ ಹಿಜಾಬ್ ವಿವಾದದ ನಡುವೆ ಹೀಗ್ಯಾಕೆ ಕಾಣಿಸಿಕೊಂಡಿದ್ದೀರಾ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ

ಇದು ಉಪ್ಪಿಯ ಪ್ರಮೋಷನ್ ಗಿಮಿಕ್ ಅಷ್ಟೇ!

ಉಪೇಂದ್ರ ಈ ಹೊಸ ಅವತಾರಕ್ಕೆ ಕಾರಣ ಅವರ ಮುಂದಿನ ಸಿನಿಮಾ. ಹೌದು 'ಹೋಮ್ ಮಿನಿಸ್ಟರ್' ಚಿತ್ರದಲ್ಲಿ ಉಪೇಂದ್ರ ಮಹಿಳೆಯರ ಜವಾಬ್ದಾರಿಯನ್ನು ತಾವು ಹೊತ್ತುಕೊಂಡಿದ್ದಾರೆ. ಏಪ್ರಿಲ್ 1ರಂದು ಈ ಸಿನಿಮಾ ರಿಲೀಸ್ ಆಗುತ್ತದೆ. ಈ ಕಾರಣಕ್ಕೆ ಆ ಚಿತ್ರದ ಒಂದು ವೇಷವನ್ನು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಡಿಪಿಯಾಗಿ ಹಾಕಿಕೊಂಡಿದ್ದಾರೆ.

ಟ್ರೈಲರ್‌ನಲ್ಲಿ ಹೊಸ ಅವತಾರ!

ಉಪೇಂದ್ರ ಈ ವೇಷ 'ಹೋಮ್ ಮಿನಿಸ್ಟರ್' ಚಿತ್ರದ ಟ್ರೈಲರ್‌ನಲ್ಲಿ ರಿವೀಲ್ ಆಗಿದೆ. ಮೇಕಪ್ ಹಾಕಿಕೊಂಡು ಇದೇ ವೇಷದಲ್ಲಿ ಉಪೇಂದ್ರ ಫೈಟ್ ಕೂಡ ಮಾಡುತ್ತಾರೆ. ಇದು ಈ ಫೋಟೊದ ಅಸಲಿ ಕಥೆ. ಇದನ್ನು ಬಿಟ್ಟರೆ ನಟ ಉಪೇಂದ್ರ ತಮ್ಮ ನಿರ್ದೇಶನದ ಚಿತ್ರದಲ್ಲಿ ಬ್ಯುಸಿ ಆಗಲಿದ್ದಾರೆ. ಜೂನ್‌ನಿಂದ ಹೊಸ ಚಿತ್ರದ ಶೂಟಿಂಗ್ ಆರಂಭ ಆಗಲಿದೆ.