'ಕಿರಾತಕ-2' ಚಿತ್ರೀಕರಣ ಮುಕ್ತಾಯ, ಯಶ್ ಅಭಿಮಾನಿಗಳಿಗೆ ಸರ್ಪ್ರೈಸ್

ಕಿರಾತಕ-2 ಶೂಟಿಂಗ್ ಮುಕ್ತಾಯ

ಯಶ್ ನಟನೆಯ ಕಿರಾತಕ ಸಿನಿಮಾ ನಿರ್ದೇಶನ ಮಾಡಿದ್ದ ಪ್ರದೀಪ್ ರಾಜ್ ಡೈರೆಕ್ಷನ್‌ನಲ್ಲಿ 'ಕಿರಾತಕ-2' ಚಿತ್ರೀಕರಣ ಮುಕ್ತಾಯವಾಗಿದೆ ಎಂಬ ವಿಚಾರ ಹೊರಬಿದ್ದಿದೆ. ಆದ್ರೆ, ಈ ಚಿತ್ರಕ್ಕೆ ನಾಯಕ ರಾಕಿಂಗ್ ಸ್ಟಾರ್ ಯಶ್ ಅಲ್ಲ.

ಯಶ್ ಶೆಟ್ಟಿ ನಾಯಕ!

ಕಿರಾತಕ 2 ಸಿನಿಮಾ ಅಂದಾಕ್ಷಣ ಯಶ್ ಅವರೇ ನಾಯಕ ಎಂದುಕೊಂಡಿದ್ದವರಿಗೆ ಇದು ಆಶ್ಚರ್ಯ ತರಬಹುದು. ಏಕಂದ್ರೆ, ಕಿರಾತಕ 2 ಚಿತ್ರದ ನಾಯಕ ಯಶ್ ಅಲ್ಲ, ಯಶ್ ಶೆಟ್ಟಿ. ವಿಭಿನ್ನ ಪಾತ್ರಗಳು ಹಾಗೂ ಖಳನಾಯಕನ ಪಾತ್ರಗಳ ಮೂಲಕ ಗುರುತಿಸಿಕೊಂಡಿರುವ ಯಶ್ ಶೆಟ್ಟಿ ಕಿರಾತಕ 2 ಸಿನಿಮಾ ಮುಗಿಸಿದ್ದಾರೆ. ಕೆಜಿಎಫ್, ಸೂಜಿದಾರ, ಆ ದೃಶ್ಯ ಸೇರಿದಂತೆ ಹಲವು ಚಿತ್ರಗಳಲ್ಲಿ ಯಶ್ ಶೆಟ್ಟಿ ನಟಿಸಿದ್ದಾರೆ.

'ಮೈ ನೇಮ್ ಈಸ್ ಕಿರಾತಕ' ಚಿತ್ರ ಬೇರೆ

ಅಂದ್ಹಾಗೆ, ರಾಕಿಂಗ್ ಸ್ಟಾರ್ ಯಶ್ ನಟನೆಯಲ್ಲಿ ಚಿತ್ರೀಕರಣ ಮಾಡುತ್ತಿದ್ದ 'ಮೈ ನೇಮ್ ಈಸ್ ಕಿರಾತಕ' ಚಿತ್ರಕ್ಕೂ ಯಶ್ ಶೆಟ್ಟಿ ನಟನೆಯ ಕಿರಾತಕ 2 ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ. ಈ ಸಿನಿಮಾ ಬೇರೆ ಆ ಸಿನಿಮಾ ಬೇರೆ. ಆದ್ರೆ, ನಿರ್ದೇಶಕರು ಮಾತ್ರ ಅವರೇ.

Recommended Video

ಹೊಸ ಚಿತ್ರ ಘೋಷಿಸಿ ಮಾಧ್ಯಮಗಳಿಗೆ ಖಡಕ್ ಸಂದೇಶ ಕೊಟ್ಟ ಧ್ರುವ ಸರ್ಜಾ | Dhruva Sarja | Dubari | Nanda Kishore

ಕಿರಾತಕ ಮತ್ತೆ ಆರಂಭವಾಗುತ್ತಾ?

'ಮೈ ನೇಮ್ ಈಸ್ ಕಿರಾತಕ' ಸಿನಿಮಾವನ್ನು ಸದ್ಯಕ್ಕೆ ನಿಲ್ಲಿಸಲಾಗಿದೆ. ಕೆಜಿಎಫ್ ಚಾಪ್ಟರ್ 2 ಚಿತ್ರದ ಮೇಲೆ ಸಂಪೂರ್ಣವಾಗಿ ಫೋಕಸ್ ಮಾಡಿದ್ದಾರೆ. ಚಾಪ್ಟರ್ 2 ಮುಗಿದ ಮೇಲೆ ಕಿರಾತಕ ಮತ್ತೆ ಆರಂಭಿಸಬಹುದು ಎಂಬ ನಿರೀಕ್ಷೆ ಇದೆ. ಆದ್ರೆ, ಈ ಬಗ್ಗೆ ಖಚಿತ ಮಾಹಿತಿ ಇಲ್ಲ. ಗಾಂಧಿನಗರದಲ್ಲಿ ಈ ಕುರಿತು ನಂಬಿಕೆ ಸಹ ಇಲ್ಲ.