Don't Miss!
- News ಬಿಜೆಪಿ ಅಭ್ಯರ್ಥಿ ಬದಲಾವಣೆ ಬಗ್ಗೆ ಶಾಸಕ ಮಹೇಶ್ ಟೆಂಗಿನಕಾಯಿ ಹೇಳಿದ್ದೇನು?
- Technology ಮತ್ತೊಂದು ಅಗ್ಗದ 5G ಫೋನ್ ಲಾಂಚ್ ಮಾಡಲು ಸಜ್ಜಾದ ರಿಯಲ್ಮಿ!..ಫೀಚರ್ಸ್ ಏನು?
- Finance ಜಗತ್ತಿನಾದ್ಯಂತ 6,000 ಉದ್ಯೋಗಿಗಳನ್ನು ವಜಾ ಮಾಡಿದ ಡೆಲ್
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Sports IPL 2024 RR vs DC: ರಾಯಲ್ಸ್ ವಿರುದ್ಧ ಗೆಲುವಿನೊಂದಿಗೆ ಪುಟಿದೇಳುವುದೇ ಕ್ಯಾಪಿಟಲ್ಸ್?; ಸಂಭಾವ್ಯ ಆಡುವ 11ರ ಬಳಗ
- Lifestyle ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಪಂಚ ಪರ್ಯಟನೆ 'ರೂಟ್'ನಲ್ಲಿ ದೀಪಕ್, ನವೀನ್
ಹೀಗಾಗಿಯೇ ಇಂದು ಕಾರ್ಪೋರೇಟ್ ಜಗತ್ತಿನ ಮದುವೆಯೆಂದರೆ ಅದು ಎರಡು ಹೃದಯಗಳ ಬೆಸುಗೆ ಎಂಬುದಕ್ಕಿಂತ ಹೆಚ್ಚಾಗಿ ಹಣದ ನಡುವೆ ನಡೆಯುವ ವ್ಯವಹಾರ ಎನ್ನುವುದೇ ಹೆಚ್ಚು ಸೂಕ್ತ. ಎಲ್ಲದರಲ್ಲೂ ಕೆಲವು ಅಪವಾದಗಳಿರುವಂತೆ ಇಲ್ಲೂ ಇದ್ದರೂ 'ಅಡ್ವಾನ್ಸ್ಡ್ ಜನರೇಶನ್' ಎಂಬ ಹಣೆಪಟ್ಟಿ ಇರುವುದರಿಂದ ಇವರು ಆಡಿದ್ದೇ ಆಟ, ಮಾಡಿದ್ದೇ ಜೀವನ ಎಂಬಂತಾಗಿದೆ.
ಇಂತಹ ಸಬ್ಜೆಕ್ಟ್ ಹೊಂದಿರುವ 'ರೂಟ್ ನಂ.1' ಕಿರುಚಿತ್ರವು ಉಳಿದ ಆಯಾಮಗಳತ್ತಲೂ ಸಾಕಷ್ಟು ಬೆಳಕು ಚೆಲ್ಲಿದೆ. ಜೀವನದ ದೃಷ್ಟಿಕೋನದ ಮೂಲಕ, 'ಹಿಂದಕ್ಕೆ ನೋಡಿ ಅನುಭವ ಪಡೆಯಿರಿ.., ಮುಂದಕ್ಕೆ ನೋಡುವ ಭರವಸೆಯಿರಲಿ.., ಸುತ್ತಲೂ ನೋಡಿ ವಾಸ್ತವತೆ ಅರಿತುಕೊಳ್ಳಿ.., ನಿಮ್ಮೊಳತೆ ಇಣುಕಿ ನಿಮ್ಮನ್ನು ಅರಿತುಕೊಳ್ಳಿ...'
ಈ ತತ್ವವನ್ನೂ ಒಳಗೊಂಡಿರುವ ಕಿರುಚಿತ್ರವು, 'ಮನುಷ್ಯನೊಬ್ಬ ಭೂಮಿಗೆ ಬರುವುದು ಆಯ್ಕೆಯಲ್ಲ, ಆದರೆ ಜೀವನವನ್ನು ಅವನಿಷ್ಟದಂತೆ ಬದುಕುವ ಸ್ವಾತಂತ್ರ್ಯದ ಮಧ್ಯೆ ಹೇಗೆ ಬದುಕುತ್ತಾನೆ' ಎಂಬುದೇ ಜೀವನಕ್ಕೊಂದು ವಿಶೇಷ ಅರ್ಥ ಕಲ್ಪಿಸುತ್ತದೆ ಎಂದ ಸಂದೇಶವನ್ನೂ ಸಾರುವಂತಿದೆಯೇ? ಉತ್ತರಕ್ಕೆ ಕಿರುಚಿತ್ರ ರೂಟ್ ನಂ.1 ನೋಡಿ..(ರೂಟ್ ನಂ.1 ಹಾಡು)
ನವೀನ್ ಕುಮಾರ್ ಜಿಜಿ ನಿರ್ದೇಶನದ ಈ ಕಿರುಚಿತ್ರಕ್ಕೆ ನಿರ್ಮಾಪಕರಾಗಿ ಸಾಥ್ ನೀಡುತ್ತಿರುವವರು ಪ್ರತಾಪ್ ಹಾಗೂ ನಾಗೇಶ್. ಈ ಕಿರುಚಿತ್ರದಲ್ಲಿ ದೀಪಕ್ ಆರ್ ಗೌಡ, ಧನರಾಜ್ ಸುವರ್ಣ ಹಾಗೂ ದಿವ್ಯಾ ಎ ನಟಿಸಿದ್ದಾರೆ. ನವೀನ್ ಕುಮಾರ್, ಮೈಸೂರು ಛಾಯಾಗ್ರಹಣ ಚಿತ್ರಕ್ಕಿದ್ದು, ಸಾಹಿತ್ಯ ಮತ್ತು ಸಂಗೀತ ವಿಜಯ್ ಶ್ರೀನಿವಾಸ್ ಅವರದು. ರಂಜನ್ ನಾಗ್ ಹಾಗೂ ಸಿಲ್ ನವೀನ್ ಸಂಕಲನದ ಚಿತ್ರವನ್ನು ಕಥೆ-ಚಿತ್ರಕಥೆ, ಸಂಭಾಷಣೆ ಜೊತೆ ನಿರ್ದೇಶಿಸಿರುವವರು ನವೀನ್ ಕುಮಾರ್ ಜಿಜಿ.
ರೂಟ್ ನಂ.1 ಚಿತ್ರವನ್ನು ಮಲ್ಲೇಶ್ವರಂ ರೇಣುಕಾ ಥಿಯೇಟರ್ ಪರದೆ ಮೇಲೆ ತರಲು ನಿರ್ಧರಿಸಿದೆ ಚಿತ್ರತಂಡ. ಈ ಚಿತ್ರವು 10-11-12 ರಂದು ಅಂದರೆ ನವೆಂಬರ್ 10, 2012 ರಂದು ಪರದೆ ಮೇಲೆ ಪ್ರದರ್ಶನಗೊಳ್ಳಲಿದೆ. ಕನ್ನಡದಲ್ಲಿ ಯಶಸ್ವಿಯಾದರೆ ಮುಂದೆ ಈ ಚಿತ್ರವನ್ನು ದಕ್ಷಿಣ ಭಾರತದ ಇನ್ನುಳಿದ ಭಾಷೆಗಳಾದ ತೆಲುಗು, ತಮಿಳು ಹಾಗೂ ಮಲಯಾಳಂಗೂ ಡಬ್ ಮಾಡಲು ನಿರ್ಧರಿಸಲಾಗಿದೆ.
ಸಿನಿಮಾ ಹಾಗೂ ಕಿರುತೆರೆ ವೀಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಈ ಕಿರುಚಿತ್ರವನ್ನು ವೀಕ್ಷಿಸಿ ತಮ್ಮ ವಿಭಿನ್ನ ಹೊಸ ಪ್ರಯತ್ನಕ್ಕೆ ಬೆನ್ನುತಟ್ಟುತ್ತಾರೆ ಎಂಬ ಭರವಸೆ ಚಿತ್ರತಂಡಕ್ಕಿದೆ. ಕಾಲ ನೀಡಲಿರುವ ಉತ್ತರಕ್ಕಾಗಿ 'ರೂಟ್ ನಂ.1' ಚಿತ್ರತಂಡ ಕಾಯುತ್ತಿದೆ... (ಒನ್ ಇಂಡಿಯಾ ಕನ್ನಡ)