'ತಲಾ' ಅಜಿತ್ ಚಿತ್ರದಲ್ಲಿ ಕನ್ನಡದ ಶ್ರದ್ಧಾ ಶ್ರೀನಾಥ್

ತಲಾ ಮುಂದಿನ ಸಿನಿಮಾದಲ್ಲಿ ಶ್ರದ್ಧಾ

'ವಿಶ್ವಾಸಂ' ಸೂಪರ್ ಸಕ್ಸಸ್ ಬಳಿಕ ಅಜಿತ್ ಅಭಿನಯಿಸುತ್ತಿರುವ ಸಿನಿಮಾದಲ್ಲಿ ಶ್ರದ್ಧಾ ಶ್ರೀನಾಥ್ ನಟಿಸುತ್ತಿದ್ದಾರೆ. ಇದು ಹಿಂದಿಯ 'ಪಿಂಕ್' ಚಿತ್ರದ ರೀಮೇಕ್ ಆಗಿದ್ದು, ಪ್ರಮುಖ ಪಾತ್ರದಲ್ಲಿ ಅಜಿತ್ ಅಭಿನಯಿಸುತ್ತಿದ್ದಾರೆ.

ತಾಪ್ಸಿ ಪಾತ್ರದಲ್ಲಿ ಶ್ರದ್ಧಾ

ಪಿಂಕ್ ಚಿತ್ರದಲ್ಲಿ ತಾಪ್ಸಿ ಪೆನ್ನು ಬಣ್ಣ ಹಚ್ಚಿದ್ದ ಪಾತ್ರದಲ್ಲಿ ಶ್ರದ್ಧಾ ಶ್ರೀನಾಥ್ ನಟಿಸುತ್ತಿದ್ದಾರೆ. ಹಿಂದಿಯಲ್ಲಿ ಅಮಿತಾಬ್ ಬಚ್ಚನ್, ತಾಪ್ಸಿ, ಕೃತಿ ಕುಲಾರಿ, ಆಂಡ್ರಿಯಾ, ವಿಜಯ್ ವರ್ಮಾ, ಅಂಗಾದ್ ಬೇಡಿ ಸೇರಿದಂತೆ ಹಲವರು ನಟಿಸಿದ್ದರು.

ತಮಿಳಿಗೆ ವಿದ್ಯಾ ಬಾಲನ್

ಪಿಂಕ್ ತಮಿಳು ಚಿತ್ರದ ಪ್ರಮುಖ ಪಾತ್ರವೊಂದಕ್ಕೆ ಬಾಲಿವುಡ್ ನಟಿ ವಿದ್ಯಾ ಬಾಲನ್ ನಟಿಸುತ್ತಿದ್ದಾರೆ. ಇದು ವಿದ್ಯಾ ಬಾಲನ್ ಅವರ ಚೊಚ್ಚಲ ತಮಿಳು ಸಿನಿಮಾ. ಶ್ರೀದೇವಿ ಪತಿ ಬೋನಿ ಕಪೂರ್ ಈ ಚಿತ್ರವನ್ನ ನಿರ್ಮಾಣ ಮಾಡುತ್ತಿದ್ದು, ಎಚ್ ವಿನೋದ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಸೌತ್ ನಲ್ಲಿ ಶ್ರದ್ಧಾ ಕಮಾಲ್

ಕಾಟ್ರು ವೆಲೈಯಾಡು ಚಿತ್ರದ ಮೂಲಕ ಕಾಲಿವುಡ್ ಪ್ರವೇಶ ಮಾಡಿದ ಶ್ರದ್ಧಾ ಶ್ರೀನಾಥ್, ವಿಕ್ರವೇದಂ, ಇವನ್ ತಂತೀರನ್, ರಿಚ್ಚಿ, ಸಿನಿಮಾದಲ್ಲಿ ನಟಿಸಿದ್ದರು. ಈಗ ಕೆ-13, ಎಕೆ-59, ಮಾರಾ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಇನ್ನೊಂದೆಡೆ ತೆಲುಗಿನಲ್ಲಿ ನಾನಿ ಜೊತೆ 'ಜೆರ್ಸಿ' ಸಿನಿಮಾ ಮಾಡ್ತಿದ್ದಾರೆ.