ಸಮಂತಾ ಬಗ್ಗೆ ಶ್ರದ್ಧಾ ಶ್ರೀನಾಥ್ ಅಚ್ಚರಿ ಕಾಮೆಂಟ್, ತೆಲುಗು ಫ್ಯಾನ್ಸ್ ಫುಲ್ ಗರಂ!

ಶ್ರದ್ಧಾಗೆ 'ಯೂ ಟರ್ನ್' ಬಗ್ಗೆ ಪ್ರಶ್ನೆ

ನಟಿ ಶ್ರದ್ಧಾ 'ಜರ್ಸಿ' ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಈ ವೇಳೆ ನಡೆದ ಸಂದರ್ಶನದಲ್ಲಿ 'ಯೂ ಟರ್ನ್' ಸಿನಿಮಾದ ಬಗ್ಗೆ ಪ್ರಶ್ನೆಯೊಂದು ಬಂತು. ಕನ್ನಡದ 'ಯೂ ಟರ್ನ್' ತೆಲುಗು ಹಾಗೂ ತಮಿಳಿನಲ್ಲಿ ರಿಮೇಕ್ ಆಗಿತ್ತು. ಆ ಚಿತ್ರದಲ್ಲಿ ಸಮಂತಾ ಕಾಣಿಸಿಕೊಂಡಿದ್ದರು.

ಸಮಂತಾ ನಟನೆ ಇಷ್ಟ ಆಗಲಿಲ್ಲ

ನಿಮ್ಮ 'ಯೂ ಟರ್ನ್' ಸಿನಿಮಾದ ರಿಮೇಕ್ ನಲ್ಲಿ ಸಮಂತಾ ಅಕ್ಕಿನೇನಿ ಕಾಣಿಸಿಕೊಂಡಿದ್ದರು. ಎಂದು ಅದರ ಬಗ್ಗೆ ಸಂದರ್ಶನದಲ್ಲಿ ಪ್ರಶ್ನೆ ಮಾಡಲಾಯಿತು. ಈ ಬಗ್ಗೆ ಮಾತಾನಾಡಿದ ಶ್ರದ್ಧಾ ಶ್ರೀನಾಥ್ ತಮ್ಮ ಮಾತುಗಳ ಮೂಲಕ 'ಯೂ ಟರ್ನ್' ಸಿನಿಮಾದಲ್ಲಿ ಸಮಂತಾ ನಟಿಸಿದ್ದು ನನಗೆ ಇಷ್ಟ ಆಗಲಿಲ್ಲ ಎಂದರು.

ಅರ್ಧ ಗಂಟೆಗೂ ಹೆಚ್ಚು ನೋಡಲು ಆಗಲಿಲ್ಲ

''ತೆಲುಗು 'ಯೂ ಟರ್ನ್' ಚಿತ್ರವನ್ನು ಅರ್ಧ ಗಂಟೆಗೂ ಹೆಚ್ಚು ನೋಡಲು ನನ್ನಿಂದ ಆಗಲಿಲ್ಲ. ನಾನು ಮಾಡಿದ ಆ ಪಾತ್ರವನ್ನು ಬೇರೆಯವರ ಜೊತೆಗೆ ಉಹಿಸಲು ಸಾಧ್ಯ ಇಲ್ಲ.'' ಎಂದು ಹೇಳುವ ಮೂಲಕ ಸಮಂತಾ ನಟಿಸಿದ್ದ ಪಾತ್ರವನ್ನು ಹಂಗಿಸಿದ್ದಾರೆ. ಎಂದು ಅಭಿಮಾನಿಗಳು ಕೋಪಗೊಂಡಿದ್ದಾರೆ.

ಸಮಂತಾ ಫ್ಯಾನ್ಸ್ ಗರಂ

ಈಗ ತಾನೇ ತೆಲುಗು ಚಿತ್ರರಂಗಕ್ಕೆ ಬಂದಿರುವ ಶ್ರದ್ಧಾ ಈ ರೀತಿ ಮಾತನಾಡುವುದು ಸರಿ ಅಲ್ಲ ಎಂದು ಸಮಂತಾ ಫ್ಯಾನ್ಸ್ ಗರಂ ಆಗಿದ್ದಾರೆ. ನಾನು ಆ ಪಾತ್ರವನ್ನು ಚೆನ್ನಾಗಿ ಮಾಡಿದ್ದೇನೆ ಎಂದರೆ ಓಕೆ. ಆದರೆ, ಸ್ಟಾರ್ ನಟಿಯ ಬಗ್ಗೆ ಮಾತನಾಡಿದ್ದು ತಪ್ಪು. ಸಮಂತಾ ನಟನೆ ಏನು ಎಂದು ಇಡೀ ಸೌತ್ ಇಂಡಿಯಾಗೆ ತಿಳಿದಿದೆ'' ಎಂದು ಅಭಿಮಾನಿಗಳ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ಇದೇ ವಾರ ಚಿತ್ರ ಬಿಡುಗಡೆ

ಶ್ರದ್ಧಾ ಶ್ರೀನಾಥ್ ನಟನೆಯ ಮೊದಲ ತೆಲುಗು ಸಿನಿಮಾ 'ಜರ್ಸಿ' ಇದೇ ಶುಕ್ರವಾರ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ ಕ್ರಿಕೆಟ್ ಆಟಗಾರನ ಕಥೆ ಹೊಂದಿದೆ. ನಾನಿಗೆ ಜೋಡಿಯಾಗಿ ಶ್ರದ್ಧಾ ನಟಿಸಿದ್ದಾರೆ. ಇದು ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ರಾಮನ್ ಲಂಬ ಅವರ ಜೀವನಾಧಾರಿತ ಸಿನಿಮಾ ಎನ್ನಲಾಗುತ್ತಿದೆ.