ಬಲಗಾಲಿಟ್ಟು ಒಳಗೆ ಬಂದ 'ಚಂದ್ರ'ಮುಖಿ ಶ್ರಿಯಾ

ಕನ್ನಡಕ್ಕೆ ಮತ್ತೊಬ್ಬ ಚಂದ್ರಮುಖಿಯ ಆಗಮನವಾಗಿದೆ. ದಕ್ಷಿಣ ಭಾರತದಲ್ಲಿ ಒಂದು ಸುತ್ತು ಹಾಕಿ ಬಾಲಿವುಡ್‌ಗೂ ಜಿಗಿದು ಅಲ್ಲಿ ಒಂದಷ್ಟು ಹೆಸರು ಮಾಡಿ ಈಗ ಕನ್ನಡ ಚಿತ್ರರಂಗಕ್ಕೆ ಬಲಗಾಲಿಟ್ಟು ಬಂದಿದ್ದಾರೆ. ರೂಪಾ ಅಯ್ಯರ್ ನಿರ್ದೇಶಿಸುತ್ತಿರುವ ಕನ್ನಡ, ತಮಿಳು ದ್ವಿಭಾಷಾ ಚಿತ್ರ 'ಚಂದ್ರ' ಚಿತ್ರಕ್ಕೆ ಹುಣ್ಣಿಮೆ ಚಂದ್ರನ ಆಗಮನವಾಗಿದೆ.

ಶ್ರಿಯಾ ಸರನ್

ಚಿತ್ರದ ನಾಯಕ ನಟ ಲವ್ಲಿ ಸ್ಟಾರ್ ಪ್ರೇಮ್ ಕುಮಾರ್ ಜೊತೆಗೂ ಶ್ರಿಯಾ ಸರನ್ ಹೆಜ್ಜೆ ಹಾಕಿದರು. ಬಳಿಕ ಅವರು ಮಾತನಾಡುತ್ತಾ, "ಚಿತ್ರಕತೆ ಇಷ್ಟವಾಯಿತು. ಚಿತ್ರದಲ್ಲಿನ ನನ್ನ ಪಾತ್ರಕ್ಕೆ ಹಲವು ಆಯಾಮಗಳಿವೆ. ಹಾಗಾಗಿ ಈ ಚಿತ್ರವನ್ನು ಒಪ್ಪಿಕೊಂಡೆ." ಎಂದರು. (ಏಜೆನ್ಸೀಸ್)