'ಕನ್ನಡ ಚಿತ್ರಗಳ ಬಗ್ಗೆ ಹೆಚ್ಚು ಗೌರವ ಇದೆ' ಎಂದ ಕಮಲ್ ಪುತ್ರಿ ಶ್ರುತಿ ಹಾಸನ್

ರೂಮರ್ ಹೇಗೆ ಶುರುವಾಯಿತು ಅನ್ನೋದೇ ಗೊತ್ತಿಲ್ಲ

''ಕನ್ನಡ ಚಿತ್ರವೊಂದರಲ್ಲಿ ನಾನು ನಟಿಸುವ ಬಗ್ಗೆ ರೂಮರ್ ಹೇಗೆ ಶುರುವಾಯಿತು ಅನ್ನೋದು ನನಗೆ ಗೊತ್ತಿಲ್ಲ. ಆದ್ರೆ, ಕನ್ನಡ ಚಿತ್ರದಲ್ಲಿ ಅಭಿನಯಿಸಲು ನನಗೆ ಇಷ್ಟ ಇದೆ'' ಎಂದು 'ಟೈಮ್ ಆಫ್ ಇಂಡಿಯಾ' ದಿನಪತ್ರಿಕೆಗೆ ನೀಡಿರುವ ಸಂದರ್ಶನದಲ್ಲಿ ಶ್ರುತಿ ಹಾಸನ್ ಹೇಳಿದ್ದಾರೆ.

ಕನ್ನಡದ ಹಾಡಿಗೆ ಶ್ರುತಿ ದನಿ

''ಈಗಾಗಲೇ ಕನ್ನಡದ 'ಪೃಥ್ವಿ' ಸಿನಿಮಾದ 'ನೆನಪಿದು...' ಹಾಡಿಗೆ ದನಿಯಾಗಿದ್ದೇನೆ. ಹೀಗಾಗಿ ಕನ್ನಡ ಚಿತ್ರರಂಗದಲ್ಲಿ ಕೆಲಸ ಮಾಡಲು ನನಗೆ ಆಸಕ್ತಿ ಇದೆ. ಕನ್ನಡ ಚಿತ್ರರಂಗದ ಬಗ್ಗೆ ನನಗೆ ಹೆಚ್ಚು ಗೌರವ ಇದೆ'' ಎಂದಿದ್ದಾರೆ ಶ್ರುತಿ ಹಾಸನ್.

ಹಲವು ಬಾರಿ ಆಫರ್ ಬಂದಿದೆ

''ನನ್ನ ವೃತ್ತಿ ಜೀವನದ ಆರಂಭದಲ್ಲಿಯೇ, ಹಲವು ಕನ್ನಡ ಚಿತ್ರಗಳಲ್ಲಿ ನಟಿಸುವುದಕ್ಕಾಗಿ ನನಗೆ ಆಹ್ವಾನ ಬಂದಿತ್ತು'' ಎಂದೂ ಶ್ರುತಿ ಹಾಸನ್ ಹೇಳಿದ್ದಾರೆ.

'ಪೊಗರು' ಚಿತ್ರದಲ್ಲಿಲ್ಲ ಶ್ರುತಿ ಹಾಸನ್

ಧ್ರುವ ಸರ್ಜಾ ಅಭಿನಯದ ನಂದ ಕಿಶೋರ್ ನಿರ್ದೇಶನದ 'ಪೊಗರು' ಚಿತ್ರದಲ್ಲಿ ನಟಿ ಶ್ರುತಿ ಹಾಸನ್ ಕಾಣಿಸಿಕೊಳ್ಳುತ್ತಿಲ್ಲ ಎಂಬುದು ಈಗಾಗಲೇ ಪಕ್ಕಾ ಆಗಿದೆ. ಮುಂದೆ ಕನ್ನಡದ ಯಾವ ಚಿತ್ರವನ್ನು ಶ್ರುತಿ ಹಾಸನ್ ಒಪ್ಪಿಕೊಳ್ತಾರೋ, ನೋಡೋಣ... (ಕೃಪೆ: ಟೈಮ್ಸ್ ಆಫ್ ಇಂಡಿಯಾ)