ಆ ಕರಾಳ 21 ದಿನ: ಮಜಾ ಟಾಕೀಸ್ ರಾಣಿ ಹಂಚಿಕೊಂಡ ಕೊರೊನಾ ಅನುಭವ

ಮಗುವಿಗೆ ತೀವ್ರ ಜ್ವರ ಆರಂಭವಾಯಿತು: ಶ್ವೇತಾ ಚಂಗಪ್ಪ

'ಕೂಡಲೇ ನನ್ನ ಪತಿಯನ್ನು ಹಾಗೂ ಪುಟ್ಟ ಮಗುವನ್ನು ಸಂಬಂಧಿಗಳ ಮನೆಗೆ ಕಳಿಸಲು ನಿರ್ಧರಿಸಿದೆವು ಆದರೆ ಅದು ಬೇಡವೆಂದರು ಪರಿಚಿತ ವೈದ್ಯರು. ಸರಿ ಎಂದು ಮನೆಯಲ್ಲಿಯೇ ಮಾಸ್ಕ್ ಧರಿಸಿ ಸ್ಯಾನಿಟೈಸರ್ ಮಾಡಿಕೊಂಡು ಇದ್ದೆವು. ಆದರೆ ಮಾರನೇಯ ದಿನವೇ ನನ್ನ ಪುಟ್ಟ ಮಗನಿಗೆ ತೀವ್ರ ಜ್ವರ ಕಾಡಲಾರಂಭಿಸಿತು. ನನಗೆ ಜಂಘಾಬಲವೇ ಉಡುಗಿ ಹೋಯಿತು. ಮಗುವಿಗೆ ತೀವ್ರ ಜ್ವರ ಆದರೆ ನಾನಾಗಲಿ, ಅಮ್ಮನಾಗಲಿ ಮಗುವನ್ನು ಮುಟ್ಟುವಂತಿಲ್ಲ ಬಹಳ ಕೆಟ್ಟ ಪರಿಸ್ಥಿತಿ ಅದು. ನಾನಂತೂ ಮಾನಸಿಕವಾಗಿ ತೀವ್ರವಾಗಿ ಕುಗ್ಗಿಬಿಟ್ಟಿದ್ದೆ. ನಮ್ಮಿಂದಲೇ ಅವನು ಔಷಧ ತೆಗೆದುಕೊಳ್ಳುವುದಿಲ್ಲ ಇನ್ನು ಪತಿಯಿಂದ ತೆಗೆದುಕೊಳ್ಳುವುದು ಇನ್ನೂ ಭಾವುಕವಾಗಿ ಹೇಳಿದರು ಶ್ವೇತಾ ಚಂಗಪ್ಪ.

ಕೊರೊನಾ ಇದ್ದರು ಮಗುವಿನ ಆರೈಕೆ ಮಾಡಿದೆ: ಶ್ವೇತಾ ಚಂಗಪ್ಪ

'ಕೊನೆಗೆ ವೈದ್ಯರ ಸಲಹೆಯಂತೆ ಕೊರೊನಾ ಪಾಸಿಟಿವ್ ಆಗಿದ್ದರೂ ಸಹ ನಾನೇ ಮಾಸ್ಕ್ ಗ್ಲೌಸ್ ಧರಿಸಿ ಮಗುವಿಗೆ ಔಷಧ, ಆಹಾರ ಕೊಟ್ಟೆ. ಆಗಂತೂ ನನಗೆ ಬಹಳ ಭಯವಾಗಿತ್ತು. ಮಗುವನ್ನು ರಿಸ್ಕ್‌ಗೆ ಒಳಪಡಿಸುತ್ತಿದ್ದೇನಾ ಎಂಬ ಭಾವ ಕಾಡಲಾರಂಭಿಸಿತು. ಆದರೆ ವೈದ್ಯರು ಧೈರ್ಯ ತುಂಬಿದರು. ಆ ದಿನಗಳು ನನ್ನ ಪಾಲಿಗೆ ಭಯಾನಕ ದಿನಗಳು' ಎಂದು ಆತಂಕದಿಂದಲೇ ಹೇಳಿದರು ಶ್ವೇತಾ.

ಅಮ್ಮನಿಗೆ ರೋಗಲಕ್ಷಣ ಉಲ್ಬಣವಾಯಿತು: ಶ್ವೇತಾ

'ಮಗುವಿಗೆ ನಾಲ್ಕು ದಿನಕ್ಕೆ ಜ್ವರ ಕಡಿಮೆ ಆಯಿತು. ಆದರೆ ಆ ವೇಳೆಗೆ ಅಮ್ಮನಿಗೆ ರೋಗಲಕ್ಷಣಗಳು ಆರಂಭವಾದವು. ಎಂದೂ ಸುಸ್ತಾಗದಿದ್ದ ಅಮ್ಮನಿಗೆ ಬೆಡ್‌ನಿಂದ ಶೌಚಾಗೃಹಕ್ಕೆ ಹೋಗಿ ಬರಲು ಸಹ ಆಗದ ಸ್ಥಿತಿಗೆ ಬಂದುಬಿಟ್ಟರು. ತೀವ್ರ ಸುಸ್ತು ಅವರನ್ನು ಕಾಡಲು ಆರಂಭಿಸಿತು. ನನಗೂ ರೋಗಲಕ್ಷ್ಣಗಳು ಕಡಿಮೆ ಆಗಿರಲಿಲ್ಲ. ನನಗೆ ಮೊದಲಿನಿಂದಲೂ ಆರೋಗ್ಯ ಸಮಸ್ಯೆ ಇತ್ತು ಹಾಗಾಗಿ ಆಸ್ಪತ್ರೆಗೆ ದಾಖಲಾಗುವುದೋ ಬೇಡವೋ ಎಂಬ ದೊಡ್ಡ ಗೊಂದಲವನ್ನು ನಾವು ಅನುಭವಿಸಿದೆವು' ಎಂದರು ಮಜಾ ಟಾಕೀಸ್‌ನ ರಾಣಿ.

Recommended Video

ಚಿರು ಇಲ್ಲದ‌ ಸ್ಥಿತಿಗೆ ಭಾವುಕರಾಗಿ ಕಣ್ಣೀರು ತರಿಸುವ ಫೋಟೋ ಶೇರ್ ಮಾಡಿದ ಮೇಘನಾ ರಾಜ್ | Filmibeat Kannada

ಆಕ್ಸಿಮೀಟರ್‌ನಲ್ಲಿ ಪರೀಕ್ಷೆ ಮಾಡಿಕೊಳ್ಳುತ್ತಿದ್ದೆವು: ಶ್ವೇತಾ

'ಆದರೆ ವೈದ್ಯರ ಸಲಹೆಯಂತೆ ಉಪಚಾರ ಮಾಡಿಕೊಂಡೆವು, ಪದೇ-ಪದೇ ಆಕ್ಸಿಮೀಟರ್‌ನಲ್ಲಿ ರಕ್ತದಲ್ಲಿನ ಆಮ್ಲಜನಕ ಪ್ರಮಾಣವನ್ನು ಪರೀಕ್ಷೆ ಮಾಡಿಕೊಂಡೆವು. ಹತ್ತು ದಿನಗಳ ನಂತರ ರೋಗಲಕ್ಷಣಗಳು ನಿಧಾನವಾಗಿ ಕಡಿಮೆ ಆಗುತ್ತಾ ಬಂದಿತು. ಅಲ್ಲಿಗೆ ತುಸು ಸಮಾಧಾನ ಸ್ಥಿತಿಗೆ ತಲುಪಿದೆವು. ಆದರೆ ಮೊದಲ ಹತ್ತು ದಿನಗಳು ಬಹಳ ಆತಂಕಕ್ಕೆ ಒಳಗಾಗಿದ್ದೆ, ದೈಹಿಕವಾಗಿ, ಮಾನಸಿಕವಾಗಿ ಬಹಳ ಕಷ್ಟವನ್ನು ಅನುಭವಿಸಿದೆ, ನನ್ನ ಕುಟುಂಬದವರೂ ಸಹ ತೀವ್ರ ಆತಂಕದಲ್ಲಿದ್ದರು' ಎಂದರು ಶ್ವೇತಾ ಚಂಗಪ್ಪ.

ಅಡುಗೆ ಮಾಡುವುದು ಸಹ ಕಷ್ಟವಾಗಿತ್ತು: ಶ್ವೇತಾ

'ಲೈವ್‌ ವಿಡಿಯೋ ವೀಕ್ಷಿಕರ ಪ್ರಶ್ನೆಗಳಿಗೆ ಉತ್ತರಿಸಿದ ಶ್ವೇತಾ ಚಂಗಪ್ಪ, 'ನನಗೆ ಅಡುಗೆ ಮಾಡಿಕೊಳ್ಳುವುದಕ್ಕೂ ಆಗದಷ್ಟು ತೀವ್ರ ಸುಸ್ತಾಗಿತ್ತು. ಮಗುವಿಗೆ ಸಣ್ಣ ಮಟ್ಟಿಗಿನ ಆಹಾರ ಮಾಡುವುದು ಸಹ ಕಷ್ಟವಾಗಿತ್ತು ಅಷ್ಟೋಂದು ಸುಸ್ತು ಇರುತ್ತಿತ್ತು. ಅಪ್ಪ ಊರಿನಿಂದ ಕರೆ ಮಾಡುತ್ತಿದ್ದರು ಅವರೊಟ್ಟಿಗೆ ಮಾತನಾಡಲು ಸಹ ಸುಸ್ತಾಗುತ್ತಿತ್ತು, ಏದುಸಿರು ಬಂದಂತಾಗುತ್ತಿತ್ತು. ಕೊರೊನಾ ಎರಡನೇ ಅಲೆಯ ರೋಗಲಕ್ಷಣಗಳು ಬಹಳ ತೀವ್ರವಾಗಿದೆ' ಎಂದಿದ್ದಾರೆ ಶ್ವೇತಾ ಚಂಗಪ್ಪ.