'ಸೈಮಾ ಏನಿದ್ರೂ ಅಪ್ಪು, ಅಭಿಷೇಕ್ ಅಂಬರೀಶ್ ರೀತಿ ಹಣಬಲ ಇರೋರಿಗೆ ಸಿಗುತ್ತೆ'; ಇದು ನಿಜನಾ?

ಸೈಮಾ ಹಣವಿರುವವರಿಗೆ ಮಾತ್ರ ಎಂದು ಪೋಸ್ಟ್

ಈ ಪೋಸ್ಟ್‌ನಲ್ಲಿ ಸೈಮಾ ಹಣವಿರುವವರಿಗೆ ಮಾತ್ರ ಎಂಬ ಪದವನ್ನು ಬಳಸಲಾಗಿದೆ. ಹಾಗೂ ಈ ಪೋಸ್ಟ್‌ನಲ್ಲಿ ಪುನೀತ್ ರಾಜ್‌ಕುಮಾರ್, ವಿನಯ್ ರಾಜ್‌ಕುಮಾರ್ ಹಾಗೂ ಅಭಿಷೇಕ್ ಅಂಬರೀಶ್ ಚಿತ್ರಗಳನ್ನು ಬಳಸಲಾಗಿದೆ. ಈ ಮೂಲಕ ಪ್ರಶಸ್ತಿಯನ್ನು ಹಣದಿಂದ ಗೆಲ್ಲಬಹುದು ಎಂಬ ಬೆಂಕಿ ಹಚ್ಚುವ ಕೆಲಸವನ್ನು ಮಾಡಲು ಯತ್ನಿಸಿವೆ ಕಾಣದ ಕೈಗಳು.

ಸಿಂಪತಿಗೂ ಅವಾರ್ಡ್

ಇನ್ನು ಅನುಕಂಪದ ಆಧಾರದ ಮೇಲೆ ಅವಾರ್ಡ್ ನೀಡಲಾಗಿದೆ ಎಂದು ಈ ಪೋಸ್ಟ್‌ನಲ್ಲಿ ಉಲ್ಲೇಖಿಸಲಾಗಿದೆ. ಅಂದರೆ ಪರೋಕ್ಷವಾಗಿ ಅಪ್ಪು ಅವರಿಗೆ ಅನುಕಂಪದ ಆಧಾರದ ಮೇಲೆ ಬೆಸ್ಟ್ ನಟ ಪ್ರಶಸ್ತಿಯನ್ನು ನೀಡಿದರು ಎಂದು ಕಿಡಿಗೇಡಿಗಳು ನಾಲಿಗೆ ಹರಿಬಿಟ್ಟಿದ್ದಾರೆ. ಅಂದಹಾಗೆ ಸೈಮಾ ಇತಿಹಾಸದಲ್ಲೇ ಅಪ್ಪು ಪಡೆದಿರುವಷ್ಟು ಸೈಮಾ ಅವಾರ್ಡ್ ಅನ್ನು ಕನ್ನಡದ ಯಾರೂ ಪಡೆದಿಲ್ಲ. ಚಿಕ್ಕ ವಯಸ್ಸಿಗೆ ನ್ಯಾಷನಲ್ ಅವಾರ್ಡ್ ಪಡೆದ ನಮ್ಮ ಹಿರೋಗೆ ಅನುಕಂಪದ ಅವಾರ್ಡ್ ಯಾಕೆ, ಅವಾರ್ಡ್ ಗೆಲುವಿನಲ್ಲೂ ನಮ್ಮ ಅಪ್ಪುನೇ ನಂಬರ್ ಒನ್ ಎಂದು ಪುನೀತ್ ಅಭಿಮಾನಿಗಳು ಈ ಪೋಸ್ಟ್‌ಗೆ ಟಾಂಗ್ ನೀಡಿದ್ದಾರೆ.

ವಿನಯ್, ನಿಖಿಲ್ ಮತ್ತು ಅಭಿಷೇಕ್‌ಗೆ ಅವಾರ್ಡ್ ಬಂದಾಗ ಇತರೆ ಉತ್ತಮ ನಟರಿದ್ದರು

ಇನ್ನು ಈ ಪೋಸ್ಟ್‌ನಲ್ಲಿ ವಿನಯರ್ ರಾಜ್‌ಕುಮಾರ್, ನಿಖಿಲ್ ಕುಮಾರಸ್ವಾಮಿ ಹಾಗೂ ಅಭಿಷೇಕ್ ಅಂಬರೀಶ್ ಸೈಮಾ ಉದಯೋನ್ಮುಖ ನಟ ಪ್ರಶಸ್ತಿ ಪಡೆದಾಗ ಇವರಿಗಿಂತ ಒಳ್ಳೆಯ ಅಭಿನಯ ಮಾಡಿದರಿಗೆ ಪ್ರಶಸ್ತಿ ಸಿಗಲಿಲ್ಲ ಎಂದು ಬರೆಯಲಾಗಿದೆ. ಹೀಗೆ ಸೈಮಾ ಒಂದು ಫೇಕ್ ಅವಾರ್ಡ್ ಆಗಿದ್ದು ದುಡ್ಡು ಬೇಕಾದವರಿಗೆ ಸಿಗಲಿದೆ ಎಂದು ಸುದ್ದಿ ಹಬ್ಬಿಸಲು ಅನಾಮಧ್ಯೇಯರು ತಿಳಿಸಿದ್ದಾರೆ.

ಸುಖಾಸುಮ್ಮನೇ ಸಿಕ್ಕಿಬಿಡಲ್ಲ ಸೈಮಾ!

ದುಡ್ಡು ಕೊಟ್ಟರೆ ಅವಾರ್ಡ್ ಸಿಗುತ್ತೆ ಅನ್ನೋ ಹಾಗಿದ್ರೆ ತಮ್ಮ ಹೆಸರನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳುವುದಕ್ಕಾಗಿ ಬೇಕಾದವರು ಪ್ರಶಸ್ತಿಯನ್ನು ಪಡೆದುಕೊಳ್ಳುತ್ತಿದ್ದರು. ಆದರೆ, ಇಲ್ಲಿಯವರೆಗೂ ನಡೆದಿರುವ ಸೈಮಾದಲ್ಲಿ ಯಾವ ನಟ ಚೆನ್ನಾಗಿ ನಟಿಸಿರುತ್ತಾನೋ ಆ ನಟನಿಗೆ ಅವಾರ್ಡ್ ದೊರಕಿದೆ. ಸೈಮಾ ಅವಾರ್ಡ್ ಅನ್ನು ಜನ ಹಾಕುವ ವೋಟ್‌ನಿಂದ ಹಾಗೂ ಸೈಮಾದಲ್ಲಿನ ಹಿರಿಯ ನಟರ ಜ್ಯುರಿ ಗುಂಪು ಆಯ್ಕೆ ಮಾಡುವ ಕಲಾವಿದರಿಗೆ ನೀಡಲಾಗುತ್ತದೆ. ಈ ಜ್ಯುರಿ ಸದಸ್ಯರು ಯಾವ ನಟನಿಗೆ, ಯಾವ ಚಿತ್ರಕ್ಕೆ, ಯಾವ ಕಲಾವಿದರಿಗೆ ಪ್ರಶಸ್ತಿ ನೀಡಬೇಕೆಂದು ಆರಿಸುತ್ತಾರೆ, ಸುಖಾಸುಮ್ಮನೆ ಸಿಕ್ಕವರಿಗೆ ಅವಾರ್ಡ್ ನೀಡುವುದಿಲ್ಲ.