ಆರ್‌ಸಿಬಿ ಮ್ಯಾಚಿನ ದಿನ ಸಿಂಪಲ್ ಸುನಿಯ ಈ ವಿಡಿಯೋ ನೋಡಲೇ ಬೇಕು

'ಯಾರಿಗೂ ಉರಿಸಲು ಅಲ್ಲ, ಮನರಂಜನೆಗೆ ಮಾತ್ರ'

ವಿಡಿಯೋದ ಆರಂಭದಲ್ಲಿಯೇ 'ಈ ವಿಡಿಯೋ ಯಾರಿಗೋ ಉರಿಸಲು ಅಲ್ಲ, ಮನರಂಜನೆ ಮಾತ್ರವೇ ನಮ್ಮ ಉದ್ದೇಶ' ಎಂಬ ಡಿಸ್‌ಕ್ಲೇಮರ್‌ ಹಾಕಿದ್ದಾರೆ ಸುನಿ. ವಿಡಿಯೋದಲ್ಲಿ ಸುನಿ ಸ್ವತಃ ಅಭಿನಯಿಸಿದ್ದು, ಜೊತೆಗೆ ಅವರ ಗೆಳೆಯರೂ ಒಬ್ಬರಿದ್ದಾರೆ.

'ನೀನೂ ಸಹ ಸಿಎಸ್‌ಕೆ ಅಭಿಮಾನಿ'

ಸಿಂಪಲ್ ಸುನಿ ಯನ್ನು ಭೇಟಿ ಮಾಡಲು ಬರುವ ಸಿಎಸ್‌ಕೆ ಅಭಿಮಾನಿ, ಹಳದಿ ಬಣ್ಣದ ಬಟ್ಟೆ ಧರಿಸುತ್ತಾರೆ. ಸಿಂಪಲ್ ಸುನಿಯ ಶರ್ಟ್‌ನಲ್ಲೂ ಹಳದಿ ಬಣ್ಣ ಇರುತ್ತದೆ. 'ನಿನ್ನ ಬಟ್ಟೆಯಲ್ಲಿ ಹಳದಿ ಬಣ್ಣ ಇದೆ, ನೀನು ಚೆನ್ನೈ ಅಭಿಮಾನಿ' ಎನ್ನುತ್ತಾನೆ.

ಕೈಗೆ ಗಾಯ ಮಾಡುವ ಸಿಂಪಲ್ ಸುನಿ

ಕೈಯಲ್ಲಿ ಚಾಕು ಹಿಡಿದು ಹಣ್ಣು ಕತ್ತರಿಸುತ್ತಿದ್ದ ಸುನಿ, ಗೆಳೆಯನ ಕೈಯನ್ನು ಚಾಕುವಿನಿಂದ ಗಾಯಗೊಳಿಸಿ, ನಿನ್ನ ಮೈಯ, ಕಣ-ಕಣದಲ್ಲೂ ಆರ್‌ಸಿಬಿ ಇದೆ (ಕೆಂಪು ಬಣ್ಣ) ನಿನಗೇ ಗೊತ್ತಿಲ್ಲ, ನೀನು ಆರ್‌ಸಿಬಿ ಫ್ಯಾನ್‌' ಎನ್ನುತ್ತಾರೆ.

ಆರ್‌ಸಿಬಿ ಅಭಿಮಾನಿಗಳಿಗೆ ಮಾತ್ರ

ಸುಮ್ಮನೇ ಕೂತು ಹರಟೆ ಹೊಡೆಯುವಾಗ ಈ ಐಡಿಯಾ ಹೊಳೆಯಿತು ಹಾಗಾಗಿ ವಿಡಿಯೋ ಮಾಡಿದ್ದೀವಿ ಎಂದಿದ್ದಾರೆ ಸಿಂಪಲ್ ಸುನಿ. ಈ ವಿಡಿಯೋ ಮನರಂಜನೆಗೆ ಹಾಗೂ ಆರ್.ಸಿ.ಬಿ ಅಭಿಮಾನಿಗಳಿಗೆ ಮಾತ್ರ ಎಂಬ ಸೂಚನೆಯನ್ನೂ ಕೊಟ್ಟಿದ್ದಾರೆ ಸುನಿ.