ಅಣ್ಣಾವ್ರ ವಿಚಾರದಲ್ಲಿ ಮಾಡಿದ ತಪ್ಪನ್ನು ಸರಿಪಡಿಸಿಕೊಂಡ ಗೂಗಲ್

ಅಣ್ಣಾವ್ರ ಫೋಟೋ ತೆಗೆದ ಗೂಗಲ್

ಗೂಗಲ್‌ನಲ್ಲಿ ವಿಕ್ರಂವೇದ ಸಿನಿಮಾ ಎಂದು ಟೈಪ್ ಮಾಡಿದರೆ, ಆ ಚಿತ್ರದ ಕಲಾವಿದರ ಪಟ್ಟಿಯಲ್ಲಿ ರಾಜ್‌ಕುಮಾರ್ ಭಾವಚಿತ್ರ ಬರ್ತಿತ್ತು. ಈಗ, ಈ ಪಟ್ಟಿಯಲ್ಲಿ ಅಣ್ಣಾವ್ರ ಫೋಟೋ ತೆಗೆಯಲಾಗಿದೆ. ರಾಜ್ ಕುಮಾರ್ ಎಂಬ ಕಲಾವಿದ ನಟಿಸಿದ್ದು, ಈಗ ಮೂಲ ವ್ಯಕ್ತಿಯ ಫೋಟೋ ಹಾಕಲಾಗಿದೆ.

ಮತ್ತೆ ಇಂತಹ ತಪ್ಪು ಮಾಡುವುದು ಬೇಡ

#ವಿಕ್ರಂವೇದ ತಂಡ ಅವರ ತಪ್ಪನ್ನು ಸರಿಪಡಿಸಿಕೊಂಡಿದ್ದಾರೆ... ಮತ್ತೆ ತಪ್ಪಾಗದಂತೆ,,ತಪ್ಪಾದರು ಬೇಗ ಎಚ್ಚೆತ್ತುಕೊಳ್ಳುವಂತೆ ಮುನ್ನೆಚ್ಚರಿಕೆ ಇರಲಿ.. #Google GoogleIndia #ಅಣ್ಣಾವ್ರು ಎಂದಿಗೂ ಅಜರಾಮರ'' ಎಂದು ನಿರ್ದೇಶಕ ಸುನಿ ಮಾಹಿತಿ ಹಂಚಿಕೊಂಡಿದ್ದಾರೆ.

ರಿಪೋರ್ಟ್ ಮಾಡಲು ಒತ್ತಾಯಿಸಿದ ಕಲಾವಿದರು

ಅಣ್ಣಾವ್ರ ಫೋಟೋ ಮತ್ತು ಹೆಸರು ಗೂಗಲ್‌ನಲ್ಲಿ ತಪ್ಪಾಗಿ ಬಳಕೆಯಾಗುತ್ತಿದೆ ಎನ್ನುವ ವಿಚಾರ ತಿಳಿದ ಮೇಲೆ, ಕನ್ನಡ ನಟ-ನಿರ್ದೇಶಕ ರಿಷಬ್ ಶೆಟ್ಟಿ ರಿಪೋರ್ಟ್ ಮಾಡಲು ಅಭಿಮಾನಿಗಳಲ್ಲಿ ಕೇಳಿಕೊಂಡಿದ್ದರು.

ವಿಜಯ್ ಸೇತುಪತಿ ಸಿನಿಮಾ

ಅಂದ್ಹಾಗೆ, ವಿಕ್ರಂವೇದ 2017ರಲ್ಲಿ ತೆರೆಕಂಡು ಸೂಪರ್ ಆದ ಚಿತ್ರ. ಈ ಸಿನಿಮಾದಲ್ಲಿ ವಿಜಯ್ ಸೇತುಪತಿ, ಆರ್ ಮಾಧವನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದರು. ಹಿಂದಿಯಲ್ಲೂ ಈ ಸಿನಿಮಾ ರಿಮೇಕ್ ಆಗುತ್ತಿದೆ. ಕನ್ನಡದ ಖ್ಯಾತ ನಿರ್ಮಾಪಕರೊಬ್ಬರು ಈ ಚಿತ್ರದ ರಿಮೇಕ್ ಹಕ್ಕು ಖರೀದಿಸಿದ್ದಾರೆ ಎಂಬ ಮಾಹಿತಿ ಇದೆ.