ಮುಖಪುಟ

ಸಿನಿ ಸಮಾಚಾರ

ಕನ್ನಡದ ನಟ-ನಿರ್ದೇಶಕ ದುನಿಯಾ ವಿಜಯ್ ತಾಯಿ ನಾರಾಯಣಮ್ಮ ಕೊನೆಯುಸಿರೆಳೆದಿದ್ದಾರೆ. ಕಳೆದ 20ಕ್ಕೂ ಅಧಿಕ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ವಿಜಿ ತಾಯಿ ಜೂನ್ 8 ರಂದು ನಿಧನರಾದರು.

Recommended Video

ವಿಜಯ್ ತಾಯಿ ನಾರಾಯಣಮ್ಮ ಅವರಿಗೆ 'ಒಳಿತು ಮಾಡು ಮನುಷಾ.....' ಹಾಡಂದ್ರೆ ಬಹಳ ಇಷ್ಟವಂತೆ. ಅದರಲ್ಲೂ ನವೀನ್ ಸಜ್ಜು ಕಂಠದಲ್ಲಿ ಕೇಳುವುದು ಹೆಚ್ಚು ಖುಷಿ ಕೊಡುತ್ತಂತೆ.

'ಸಾವಿರ ದೇವರಿಗೂ ಮಿಗಿಲಿವಳು ನಮ್ಮಮ್ಮ': ತಾಯಿಯಲ್ಲಿ ದೇವರ ಕಂಡಿದ್ದ ವಿಜಯ್

ವಿಜಯ್ ಅವರ ತಾಯಿ ಕೋಮಾ ಪರಿಸ್ಥಿತಿಯಲ್ಲಿರುವಾಗ ನವೀನ್ ಸಜ್ಜು ಅವರು ವಿಡಿಯೋ ಕಾಲ್ ಮೂಲಕ 'ಒಳಿತು ಮಾಡು ಮನುಷಾ.....' ಹಾಡು ಹಾಡುವ ಮೂಲಕ ನಾರಾಯಣಮ್ಮರಿಗೆ ಖುಷಿ ಪಡಿಸಿದ್ದರು.

ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾ ವೈರಲ್ ಆಗಿದೆ. ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದ ವಿಜಯ್ ಅವರ ತಾಯಿ ಕೊನೆ ಕ್ಷಣದಲ್ಲಿ ಖುಷಿಯಾಗಿರಬೇಕು ಎಂಬ ಕಾರಣಕ್ಕೆ ಅವರ ಆಸೆಯೊಂದನ್ನು ಪೂರೈಸಿದ್ದರು.

ಆನೇಕಲ್ ಹುಟ್ಟೂರಿನಲ್ಲಿ ಅಂತ್ಯ ಸಂಸ್ಕಾರ

ದುನಿಯಾ ವಿಜಯ್ ತಾಯಿಯ ಅಂತ್ಯಕ್ರಿಯೆಯನ್ನು ಅನೇಕಲ್ ಬಳಿಯಿರುವ ಹುಟ್ಟೂರು ಕುಂಬಾರಹಳ್ಳಿಯಲ್ಲಿ ನೆರವೇರಿಸಲಾಗುವುದು. ಈ ವೇಳೆ ಮಾಧ್ಯಮಗಳ ಜೊತೆ ಮಾತನಾಡಿದ ದುನಿಯಾ ವಿಜಯ್ ''ತಮ್ಮ ತಾಯಿಯ ಆಸೆಯಂತೆ ಹುಟ್ಟೂರಿನಲ್ಲಿಯೇ ಅಂತ್ಯ ಸಂಸ್ಕಾರ ಮಾಡಲಾಗುತ್ತಿದೆ. ಕಾಶಿ ಅಂದ್ರೆ ಅವರಿಗೆ ಇಷ್ಟ. ಹಾಗಾಗಿ, ಕಾಶಿಯಿಂದ ಗಂಗಾಜಲ ತರಿಸಿದ್ವಿ. ಗಂಗಾಜಲ ಕುಡಿದ ನಂತರವೇ ಅಮ್ಮ ನಮ್ಮನ್ನು ಬಿಟ್ಟು ಹೋದರು'' ಎಂದು ತಿಳಿಸಿದರು.