ನಮ್ಮನ್ನು ತುಳಿಯುತ್ತಿದಾರೆ, ಎಲ್ಲಾ ಗೊತ್ತಾಗ್ತಿದೆ ಎಂದು ಆಕ್ರೋಶಗೊಂಡ ಡಾಲಿ, ಯೋಗಿ!

ಎರಡನೇ ಬಾರಿಗೆ ಜನ ನನ್ನ ನಂಬಿದ್ರು ಎಂದ ಡಾಲಿ ಬೇಸರವನ್ನೂ ವ್ಯಕ್ತಪಡಿಸಿದ್ರು

ತುಂಬಾ ಹೆಮ್ಮೆಯಾಗುತ್ತಿದೆ ಎಂದು ಮಾತನಾಡಲು ಆರಂಭಿಸಿದ ಡಾಲಿ ಧನಂಜಯ್ ಬಡವ ರಾಸ್ಕಲ್ ಬಳಿಕ ಮತ್ತೊಮ್ಮೆ ತನ್ನನ್ನು ನಂಬಿ ತನ್ನ ಅಭಿಮಾನಿಗಳು ಚಿತ್ರಮಂದಿರಕ್ಕೆ ಬಂದಿದ್ದಾರೆ ಎಂದರು. ಈ ವಿಷಯವಾಗಿ ತುಂಬಾ ಖುಷಿಯಿದೆ ಹಾಗೂ ಹೆಮ್ಮೆ ಇದೆ ಎಂದಿರುವ ಡಾಲಿ ಧನಂಜಯ್ ತುಂಬಾ ವಿಶ್ವಾಸದಿಂದ ಹೇಳುತ್ತಿದ್ದೇನೆ ನಾವು ಸಾಮಾನ್ಯ ಚಿತ್ರ ಮಾಡಿಲ್ಲ, ತುಂಬ ಒಳ್ಳೆ ಸಿನಿಮಾ ಮಾಡಿದ್ದೇವೆ ಎಂದರು. ಇದರ ನಡುವೆ ಏನೇನೋ ನಡೆಯುತ್ತಿದೆ, ಅದು ನನಗೂ ಅನುಭವಕ್ಕೆ ಬಂದಿದೆ, ಎಲ್ಲಾ ಗೊತ್ತಾಗ್ತಿದೆ, ಬುದ್ಧಿವಂತರು ಏನೇನೋ ಯೋಚ್ನೆ ಮಾಡ್ತಾರೆ ಆದರೆ ನನ್ನ ಜನ ಹೃದಯದಿಂದ ಯೋಚ್ನೆ ಮಾಡ್ತಾರೆ ಎಂದು ಧನಂಜಯ್ ಎದೆತಟ್ಟಿಕೊಂಡು ಹೇಳಿದರು. ಈ ಮೂಲಕ ತಮ್ಮ ವಿರುದ್ಧ ಪಿತೂರಿ ನಡೆಯುತ್ತಿದೆ ಎಂಬುದನ್ನು ಧನಂಜಯ್ ಪರೋಕ್ಷವಾಗಿ ತಿಳಿಸಿದರು.

ನಮ್ಮನ್ನು ತುಳಿಯುತ್ತಿದ್ದಾರೆ ಎಂದ ಯೋಗಿ

ಇನ್ನು ಹೆಡ್ ಬುಷ್ ಚಿತ್ರದಲ್ಲಿ ಗಂಗಾ ಪಾತ್ರಧಾರಿಯಾಗಿರುವ ನಟ ಲೂಸ್ ಮಾದ ಯೋಗೇಶ್ ಕೂಡ ಚಿತ್ರಕ್ಕೆ ಜನ ತೋರಿಸುತ್ತಿರುವ ಪ್ರತಿಕ್ರಿಯೆ ಕಂಡು ಕೈಮುಗಿದು ಧನ್ಯವಾದ ಅರ್ಪಿಸಿದರು ಹಾಗೂ ಇದೇ ವೇಳೆ ನಮ್ಮ ಸಿನಿಮಾವನ್ನು ಅನೇಕರು ತುಳಿಯಲು ಪ್ರಯತ್ನಿಸುತ್ತಿದ್ದಾರೆ ಎಂದು ಓಪನ್ ಆಗಿ ಹೇಳಿದರು. ಅಷ್ಟೇ ಅಲ್ಲದೆ ಅವರು ಎಷ್ಟೇ ತುಳಿದರೂ ಸಹ ಮೈ ಕೊಡವಿಕೊಂಡು ಮತ್ತೆ ಎದ್ದು ಬರುತ್ತೇವೆ ಎಂದು ಯೋಗಿ ಆಕ್ರೋಶದಿಂದ ಮಾತನಾಡಿದರು.

ಜನ ಮೆಚ್ಚಿಕೊಂಡಾಯ್ತು ಇನ್ನು ನೆಗೆಟಿವ್ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ

ಇನ್ನೂ ಮುಂದುವರಿದು ಮಾತನಾಡಿದ ನಟ ಯೋಗಿ ಚಿತ್ರವನ್ನು ವೀಕ್ಷಿಸಿದ ಜನರು ಚಿತ್ರವನ್ನು ಮೆಚ್ಚಿಕೊಂಡಾಗಿದೆ, ಇನ್ನು ನೆಗೆಟಿವ್ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ, ಇಷ್ಟು ದೊಡ್ಡ ಮಟ್ಟದ ಒಪನಿಂಗ್ ಕಂಡು ಅದೆಷ್ಟೋ ವರ್ಷಗಳೇ ಆಗಿದ್ದವು ಎಂದು ಹೇಳಿಕೆ ನೀಡಿದರು.