ಎಸ್‌ಪಿ ಬಾಲಸುಬ್ರಹ್ಮಣ್ಯಂ ಹಾಡಿದ ಮೊದಲ ಹಾಗೂ ಕೊನೆಯ ಕನ್ನಡ ಹಾಡುಗಳು ಇವು

ನಕ್ಕರೆ ಅದೇ ಸ್ವರ್ಗ ಸಿನಿಮಾದ ಹಾಡು ಹಾಡಿದ್ದರು ಎಸ್‌ಪಿಬಿ

ಅರುಣ್ ಕುಮಾರ್, ಜಯಂತಿ ನಟಿಸಿದ್ದ 'ನಕ್ಕರೆ ಅದೇ ಸ್ವರ್ಗ' ಸಿನಿಮಾದ 'ಕನಸಿದೋ ನನಸಿದೋ ಮುಗುದ ಮನಸಿನ ಬಿಸಿ ಬಯಕೆಯೋ' ಹಾಡು, ಎಸ್‌ಪಿಬಿ ಕನ್ನಡದಲ್ಲಿ ಹಾಡಿದ ಮೊದಲ ಹಾಡು, ಅವರ ಜೀವನದಲ್ಲಿ ಮುಖ್ಯ ಗಾಯಕನಾಗಿ ಹಾಡಿದ ಮೊದಲ ಹಾಡೂ ಸಹ ಇದೆ. ಈ ಸಿನಿಮಾದಲ್ಲಿ ನರಸಿಂಹರಾಜು ಮುಖ್ಯಪಾತ್ರಧಾರಿಯಾಗಿದ್ದರು.

ಎಂ ರಂಗರಾವ್ ಮೊದಲ ಕನ್ನಡ ಹಾಡು ಹಾಡಿಸಿದ್ದರು

ಮೊದಲ ಕನ್ನಡ ಹಾಡನ್ನು ಎಸ್‌ಪಿಬಿ ಕೈಯಲ್ಲಿ ಹಾಡಿಸಿದ್ದು ಎಂ ರಂಗಾರಾವ್ ಎಂಬ ಸಂಗೀತ ನಿರ್ದೇಶಕರು. ಎಸ್‌ಪಿಬಿ ಹಾಡಿದ ತೆಲುಗು ಹಾಡಿಗೆ ವೀಣೆ ನುಡಿಸಿದ್ದ ರಂಗಾರಾವ್, ಎಸ್‌ಪಿಬಿ ಪ್ರತಿಭೆ ಗುರುತಿಸಿ ಅವರಿಗೆ ಕನ್ನಡದಲ್ಲಿ ಅವಕಾಶ ಕೊಟ್ಟರು. ಆಮೇಲಿನದ್ದು ಇತಿಹಾಸ.

ಅಗಲಿದ 'ಸಂಗೀತ ಮಾಂತ್ರಿಕನಿಗೆ' ಕಂಬನಿ ಮಿಡಿದ ಕನ್ನಡ ಸಿನಿಪ್ರಮುಖರು

Recommended Video

SP Balasubramanyam : ಇದು SPB ಹಾಡಿದ ಕೊನೆಯ ಹಾಡು | Oneindia Filmibeat

ಕೊನೆಯ ಹಾಡು ಹಾಡಿದ್ದು ಪುನೀತ್‌ ರಾಜ್‌ಕುಮಾರ್ ಗೆ

ಕನ್ನಡದಲ್ಲಿ ಸಾವಿರಾರು ಹಾಡುಗಳನ್ನು ಹಾಡಿರುವ ಎಸ್‌.ಪಿ.ಬಾಲಸುಬ್ರಹ್ಮಣ್ಯಂ, ಕನ್ನಡದಲ್ಲಿ ಹಾಡಿದ ಕೊನೆಯ ಹಾಡು, ಪುನೀತ್ ರಾಜ್‌ಕುಮಾರ್ ನಿರ್ಮಾಣದ 'ಮಾಯಾಬಜಾರ್ 2016' ಸಿನಿಮಾದ 'ಲೋಕ ಮಯಾ ಬಜಾರು' ಹಾಡು. ಆ ಹಾಡಿಗೆ ಪುನೀತ್ ರಾಜ್‌ಕುಮಾರ್ ನರ್ತಿಸಿದ್ದಾರೆ.