'ಬ್ರೇಕಪ್' ಮಾಡಿಕೊಳ್ಳಲು ಸಿದ್ಧವಾದ 'ಕಿಸ್' ನಟಿ ಶ್ರೀಲೀಲಾ

Recommended Video

'ಕಿಸ್' ಹಾಗೂ 'ಭರಾಟೆ' ಸಿನಿಮಾದ ಕ್ಯೂಟ್ ನಟಿ ಶ್ರೀಲೀಲಾ ಇದೀಗ ಬ್ರೇಕಪ್ ಮಾಡಿಕೊಳ್ಳಲು ನಿರ್ಧಾರ ಮಾಡಿದ್ದಾರೆ. ಅವರ ಬ್ರೇಕಪ್ ವೈಯಕ್ತಿಕ ಜೀವನದಲ್ಲಿ ಅಲ್ಲ... ಸಿನಿಮಾದಲ್ಲಿ.

'ಲೆಟ್ಸ್ ಬ್ರೇಕಪ್' ಎನ್ನುವುದು ಶ್ರೀಲೀಲಾ ಹೊಸ ಸಿನಿಮಾದ ಟೈಟಲ್. ಈ ಸಿನಿಮಾದಲ್ಲಿ ನಾಯಕನಾಗಿ ವಿಹಾನ್ ಕಾಣಿಸಿಕೊಳ್ಳುತ್ತಿದ್ದಾರೆ. 'ಪಂಚತಂತ್ರ' ನಂತರ ಈ ಸಿನಿಮಾದಲ್ಲಿ ಅವರು ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಶ್ರೀ ಲೀಲಾ ನಾಯಕಿಯಾಗಿದ್ದಾರೆ.

ಲವ್ ಸ್ಟೋರಿಗಳಲ್ಲಿ ಬ್ರೇಕಪ್ ಎನ್ನುವುದು ಸಾಮಾನ್ಯವಾಗಿ ಬಿಟ್ಟಿದೆ. ಇದೇ ವಿಷಯದ ಮೇಲೆ ನಿರ್ದೇಶಕ ಸ್ವರೂಪ್ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ಜಯಣ್ಣ ಭೋಗೆಂದ್ರ ಬಂಡವಾಳ ಹಾಕುತ್ತಿದ್ದಾರೆ.

ವಿಹಾನ್ ಅಭಿನಯದ ನಾಲ್ಕನೇ ಸಿನಿಮಾ ಇದಾಗಿದೆ. ಶ್ರೀಲೀಲಾಗೆ ಇದು ಮೂರನೇ ಸಿನಿಮಾ. ಇಬ್ಬರು ಸಿನಿಮಾದ ಪಾತ್ರಗಳಿಗಾಗಿ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಇಬ್ಬರು ಇಲ್ಲಿ ಎಂ ಬಿ ಎ ವಿದ್ಯಾರ್ಥಿಗಳಾಗಿದ್ದಾರೆ. ವಿಹಾನ್ ಸಿಕ್ಸ್ ಪ್ಯಾಕ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.