ಮತ್ತೊಂದು ಮಾಸ್ ಟೈಟಲ್ ಜೊತೆ ಬಂದ ರೋರಿಂಗ್ ಸ್ಟಾರ್

ಭರಾಟೆ ಶ್ರೀ ಮುರಳಿ ಹೊಸ ಸಿನಿಮಾ

ನಟ ಶ್ರೀ ಮುರಳಿ ಅಭಿನಯದ ಹೊಸ ಚಿತ್ರದ ಟೈಟಲ್ ರಿವಿಲ್ ಆಗಿದೆ. 'ಭರಾಟೆ' ಅಂತ ಸಿನಿಮಾ ಶೀರ್ಷಿಕೆ ಫೈನಲ್ ಆಗಿದ್ದು ರೋರಿಂಗ್ ಸ್ಟಾರ್ ಸಾಮಾಜಿಕ ಜಾಲತಾಣದ ಮೂಲಕ ಅಭಿಮಾನಿಗಳಿಗೆ ಈ ವಿಚಾರ ತಿಳಿಸಿದ್ದಾರೆ. ಮಕ್ಕಳ ಜೊತೆಯಲ್ಲಿ ಸೇರಿ ಟೈಟಲ್ ಅನೌನ್ಸ್ ಮಾಡಿದ್ದು ವಿಶೇಷ.

ಮತ್ತೆ 'ಭ' ಅಕ್ಷರದಲ್ಲೇ ಚೇತನ್ ಸಿನಿಮಾ

ನಿರ್ದೇಶಕ ಚೇತನ್ ಕುಮಾರ್ ಹಾಗೂ ಶ್ರೀ ಮುರಳಿ ಕಾಂಬಿನೇಶನ್ ನಲ್ಲಿ ಮೂಡಿ ಬರುತ್ತಿರುವ ಚೊಚ್ಚಲ ಸಿನಿಮಾ ಇದಾಗಿದ್ದು ಈಗಾಗಲೇ 'ಬಹದ್ದೂರ್', 'ಭರ್ಜರಿ' ಸಕ್ಸಸ್ ಖುಷಿಯಲ್ಲಿರುವ ಚೇತನ್ ಡೈರೆಕ್ಟ್ ಮಾಡುತ್ತಿರುವ ಮೂರನೆ ಸಿನಿಮಾನೂ 'ಭ' ಅಕ್ಷರದಿಂದಲೇ ಶುರುವಾಗುತ್ತಿದೆ.

ಚಿತ್ರಕ್ಕೆ ಶ್ರೀಲೀಲಾ ನಾಯಕಿ

'ಭರಾಟೆ' ಸಿನಿಮಾದಲ್ಲಿ ಇದೇ ಮೊದಲ ಬಾರಿಗೆ ಶ್ರೀ ಮುರಳಿ ಜೊತೆ ನಾಯಕಿಯಾಗಿ ಶ್ರೀಲೀಲಾ ಕಾಣಿಸಿಕೊಳ್ಳಲಿದ್ದಾರೆ. ಈಗಾಗಲೇ 'ಕಿಸ್' ಚಿತ್ರದಲ್ಲಿ ಶ್ರೀ ಲೀಲಾ ನಾಯಕಿಯಾಗಿ ಅಭಿನಯ ಮಾಡಿದ್ದು' ಭರಾಟೆ' ಶ್ರೀಲೀಲಾ ಆಕ್ಟ್ ಮಾಡುತ್ತಿರುವ ಎರಡನೇ ಸಿನಿಮಾ.

ಅದ್ಧೂರಿ ತಾರಾಬಳಗ -ಉತ್ತಮ ತಂತ್ರಜ್ಞರು

'ಭರಾಟೆ' ಸಿನಿಮಾವನ್ನು ಶ್ರೀಮುರಳಿ ಅವರ ಸ್ನೇಹಿತರಾದ ಸುಪ್ರಿತ್ ನಿರ್ಮಾಣ ಮಾಡುತ್ತಿದ್ದಾರೆ. ವಿ ಹರಿಕೃಷ್ಣ ಸಂಗೀತ ನಿರ್ದೇಶನ ಚಿತ್ರಕ್ಕಿರಲಿದ್ದು ಭುವನ್ ಗೌಡ ಕ್ಯಾಮೆರಾ ವರ್ಕ್ ಮಾಡಲಿದ್ದಾರೆ. ಜುಲೈ 25ರಂದು ಭರಾಟೆ ಸಿನಿಮಾ ಮುಹೂರ್ತ ನಡೆಯಲಿದೆ.