Don't Miss!
- News Smartphone: ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಬರುತ್ತಿದೆ ಸ್ಯಾಮ್ಸಂಗ್ M35 5G
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲೋಕೇಶ್ ಕುಟುಂಬದ ಹೊಸ ಸಾಧನೆ: ಇನ್ಮುಂದೆ ಯಾರೂ ಮಾಡಲಾಗದು.!
Recommended Video
ಗುಬ್ಬಿ ವೀರಣ್ಣ ನಿರ್ಮಿಸಿದ್ದ ಮೂಕಿ ಚಿತ್ರ 'ಹೀಸ್ ಲವ್ ಅಫೆರ್'ನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಸುಬ್ಬಯ್ಯ ನಾಯ್ಡು ಅವರು, ಕನ್ನಡದ ಮೊದಲ ವಾಕ್ಚಿತ್ರ (1934) 'ಸತಿ ಸುಲೋಚನಾ'ದಲ್ಲಿ ನಾಯಕರಾಗುವ ಮೂಲಕ, ಕನ್ನಡ ಚಿತ್ರರಂಗದ ಮೊದಲ ನಾಯಕ ನಟ ಎಂಬ ದಾಖಲೆ ಬರೆದರು.
ಅವರ ಮಗ ನಟ ಲೋಕೇಶ್ ಕೂಡ ಕನ್ನಡ ಸಿನಿಮಾರಂಗದಲ್ಲಿ ವಿಶೇಷ ಸ್ಥಾನಮಾನ ಹೊಂದಿದ್ದಾರೆ. ನಾಯಕ, ಖಳನಾಯಕ, ಹಾಸ್ಯನಟ, ಪೋಷಕ ನಟ ಹೀಗೆ ಎಲ್ಲ ಪಾತ್ರಗಳನ್ನ ನಿರ್ವಹಿಸಿದ ದಿಗ್ಗಜ. ಲೋಕೇಶ್ ಅವರ ಪತ್ನಿ ಗಿರಿಜಾ ಲೋಕೇಶ್ ಕೂಡ ಸಿನಿಮಾ ನಟಿ.
ಗಜನ ಜೊತೆ ಸೃಜನಿಗೂ ಸಿಕ್ತು ಹೊಸ ಬಿರುದು
ಇವರಿಬ್ಬರ ನಂತರ ಸೃಜನ್ ಲೋಕೇಶ್ ಕೂಡ ಸ್ಯಾಂಡಲ್ ವುಡ್ ಪ್ರವೇಶ ಮಾಡಿ, ತಮ್ಮ ತಾತ, ತಂದೆ-ತಾಯಿಯ ಅವರ ವೃತ್ತಿಯನ್ನ ಮುಂದುವರಿಸುತ್ತಿದ್ದಾರೆ. ಈಗ ಇನ್ನೊಂದು ಪೀಳಿಗೆಯನ್ನ ಮುಂದೆ ಕರೆದುಕೊಂಡು ಬಂದ ಸೃಜನ್, ತಮ್ಮ ಮಗನನ್ನು ಸಿನಿಮಾರಂಗಕ್ಕೆ ಪ್ರವೇಶ ಮಾಡಿದ್ದಾರೆ. ಈ ಸಂತಸದ ಸಂದರ್ಭದಲ್ಲಿ ಸೃಜನ್ ಕುಟುಂಬ ಮಾಡಿದ ಒಂದು ವಿಶೇಷ ದಾಖಲೆಯನ್ನ ಹೇಳಿಕೊಂಡರು. ಏನದು.? ಮುಂದೆ ಓದಿ....
ಲೋಕೇಶ್ ಗೆ ಸುಬ್ಬಯ್ಯ ನಾಯ್ಡು ಆಕ್ಷನ್ ಕಟ್
ಸೃಜನ್ ಲೋಕೇಶ್ ಅವರ ತಂದೆ ಲೋಕೇಶ್ ಅವರ ಅಭಿನಯಿಸಿದ ಮೊದಲ ಸಿನಿಮಾ 'ಭಕ್ತ ಪ್ರಹ್ಲಾದ' (1958). ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಸೃಜನ್ ಅವರ ತಾತ ಸುಬ್ಬಯ್ಯ ನಾಯ್ಡು. ಲೋಕೇಶ್ ಅವರಿಗೆ ಅವರ ತಂದೆ ಆಕ್ಷನ್ ಕಟ್ ಹೇಳಿದ್ರು. ಇದೇ ಹೆಸರಿನಲ್ಲಿ ಡಾ ರಾಜ್ ಕುಮಾರ್ ಕೂಡ ಸಿನಿಮಾ ಮಾಡಿದ್ರು. ಅದು 1983ರಲ್ಲಿ ಬಿಡುಗಡೆಯಾಗಿತ್ತು.
ಸೃಜನ್ ಲೋಕೇಶ್ ನಗುವಿನ ಹಿಂದೆ ಇರುವ ಕಣ್ಣೀರ ಕಹಾನಿ ಬಯಲು
ಸೃಜನ್ ಗೆ ಲೋಕೇಶ್ ಆಕ್ಷನ್ ಕಟ್
ಸೃಜನ್ ಲೋಕೇಶ್ ಅಭಿನಯದ ಮೊದಲ ಸಿನಿಮಾ 'ಭುಜಂಗಯ್ಯನ ದಶಾವತಾರ'. 1991ರಲ್ಲಿ ತೆರೆಕಂಡಿದ್ದ ಈ ಚಿತ್ರವನ್ನ ಲೋಕೇಶ್ ಅವರೇ ನಟಿಸಿ, ನಿರ್ದೇಶನ ಮಾಡಿ, ನಿರ್ಮಾಣ ಕೂಡ ಮಾಡಿದ್ದರು. ಈ ಚಿತ್ರದಲ್ಲಿ ಮಾಸ್ಟರ್ ಸೃಜನ್ ಬಾಲನಟನಾಗಿ ಅಭಿನಯಿಸಿದ್ದರು. ಹೀಗಾಗಿ, ಮಗನಿಗೆ ಮೊದಲು ಆಕ್ಷನ್ ಕಟ್ ಹೇಳಿದ್ದು ತಂದೆ ಲೋಕೇಶ್.
ಮತ್ತೆ ಬಿಗ್ ಸ್ಕ್ರೀನ್ ಗೆ ಬಂದ ಸೃಜ : ಹರಿಪ್ರಿಯಾ ಜೊತೆ ಮಜಾ
ಮಗನಿಗೆ ಸೃಜನ್ ಆಕ್ಷನ್ ಕಟ್
ಈಗ ಅದೇ ಸಂಪ್ರದಾಯವನ್ನ ಮುಂದುವರಿಸಿದ ಸೃಜನ್ ಲೋಕೇಶ್ ತಮ್ಮ ಮಗನಿಗೆ ತಾವೇ ಮೊದಲ ಸಲ ಆಕ್ಷನ್ ಕಟ್ ಹೇಳಿದ್ದಾರೆ. ಹೌದು, ಸೃಜನ್ ಲೋಕೇಶ್ ನಟಿಸಿ, ನಿರ್ಮಾಣ ಮಾಡುತ್ತಿರುವ 'ಎಲ್ಲಿದ್ದೆ ಇಲ್ಲಿ ತನಕ' ಚಿತ್ರದಲ್ಲಿ ಸೃಜನ್ ಮಗ ಸುಕೃತ್ ಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿದ್ದು, ಮಗನ ದೃಶ್ಯಕ್ಕೆ ಸೃಜನ್ ನಿರ್ದೇಶನ ಮಾಡಿದ್ದಾರೆ. ಉಳಿದಂತೆ ಸಿನಿಮಾವನ್ನ ತೇಜಸ್ವಿ ನಿರ್ದೇಶನ ಮಾಡ್ತಿದ್ದಾರೆ.
ಬಂಡೆ ಮಹಾಕಾಳಮ್ಮನ ಮೇಲೆ ಅದ್ಹೇಗೆ 'ಗಜ-ಸೃಜ'ಗೆ ಅಪಾರ ನಂಬಿಕೆ.?
ತಲೆಮಾರಿನಿಂದ ಟ್ರೆಂಡ್ ಇದು
ಇದು ಕಲಾವಿದನ ಕುಟುಂಬ ಹಾಗೂ ಸಿನಿಮಾರಂಗದಲ್ಲಿ ದಾಖಲಾಗಿರುವ ಅಪರೂಪದ ಸಾಧನೆ ಮತ್ತು ದಾಖಲೆ ಎನ್ನಬಹುದು. ಈ ರೀತಿಯಾದ ಕ್ಷಣ ಮತ್ತೆ ಬರುತ್ತಾ ಗೊತ್ತಿಲ್ಲ. ಆದ್ರೆ, ಸೃಜನ್ ಲೋಕೇಶ್ ಕುಟುಂಬಕ್ಕೆ ಇದು ಖುಷಿಯ ವಿಚಾರವೇ ಸರಿ.
'ಎಲ್ಲಿದ್ದೆ ಇಲ್ಲಿ ತನಕ' ಆರಂಭ
'ಎಲ್ಲಿದ್ದೆ ಇಲ್ಲಿ ತನಕ' ಸಿನಿಮಾ ಆರಭವಾಗಿದೆ. ದರ್ಶನ್, ರವಿಚಂದ್ರನ್ ಮತ್ತು ಹಿರಿಯ ನಟಿ ಜಯಂತಿ ಈ ಚಿತ್ರಕ್ಕೆ ಚಾಲನೆ ನೀಡಿದ್ದಾರೆ. ಸೃಜನ್ ನಾಯಕನಾಗಿದ್ದು, ಹರಿಪ್ರಿಯಾ ಜೋಡಿಯಾಗಿದ್ದಾರೆ. ಅರ್ಜುನ್ ಜನ್ಯ ಸಂಗೀತ, ತೇಜಸ್ವಿ ನಿರ್ದೇಶನವಿದೆ. ಲೋಕೇಶ್ ಪ್ರೊಡಕ್ಷನ್ ನಲ್ಲೇ ಈ ಸಿನಿಮಾ ತಯಾರಾಗಿದೆ.