ಹುಟ್ಟುಹಬ್ಬದ ದಿನ ಸಿಹಿ ಸುದ್ದಿ ಕೊಟ್ಟ ಸೃಜನ್ ಲೋಕೇಶ್.!

ಬೆಳ್ಳಿತೆರೆಗೆ ಲೋಕೇಶ್ ಪ್ರೊಡಕ್ಷನ್ಸ್

''ಲೋಕೇಶ್ ಪ್ರೊಡಕ್ಷನ್ಸ್' ನಿಂದ ಬರೀ ಟಿವಿ ಅಲ್ಲ. ಈ ವರ್ಷ ಸಿನಿಮಾ ಪ್ರೊಡಕ್ಷನ್ ಕೂಡ ಶುರು ಮಾಡಬೇಕು ಅಂತಿದ್ದೀವಿ. ಅದರ ಕೆಲಸ ಆಗಲೇ ಶುರು ಮಾಡಿದ್ದೇವೆ'' ಎಂದರು ನಟ ಸೃಜನ್ ಲೋಕೇಶ್.

ಹೊಸಬರಿಗೆ ಚಾನ್ಸ್ ಕೊಡಲು ರೆಡಿ

''ಬರೀ ದೊಡ್ಡ ಹೀರೋಗಳಿಗೆ ಮಾತ್ರ ಸಿನಿಮಾ ಮಾಡಬೇಕು ಅಂತಿಲ್ಲ. ಒಳ್ಳೆ ಕಥೆ ಇದ್ದರೆ, ಹೊಸಬರಿಗೂ ಚಾನ್ಸ್ ಕೊಡುತ್ತೇವೆ'' - ಸೃಜನ್ ಲೋಕೇಶ್.

ದರ್ಶನ್ ಗಾಗಿ ಚಿತ್ರ ಮಾಡ್ತಾರಾ ಸೃಜನ್.?

ತಮ್ಮ 'ಲೋಕೇಶ್ ಪ್ರೊಡಕ್ಷನ್ಸ್' ಮೂಲಕ ದರ್ಶನ್ ಗೆ ಸಿನಿಮಾ ಮಾಡ್ತೀರಾ ಅಂತ ಕೇಳಿದ್ದಕ್ಕೆ, ''ಖಂಡಿತ ಮಾಡ್ತೀವಿ. ದರ್ಶನ್ ಜೊತೆಗೆ ಸಿನಿಮಾ ಮಾಡಲು ಕಥೆ ರೆಡಿ ಮಾಡಿಕೊಂಡಿದ್ದೇವೆ. ದರ್ಶನ್ ಒಪ್ಪಿದರೆ, ನಮ್ಮ ಬ್ಯಾನರ್ ನಲ್ಲೇ ಸಿನಿಮಾ ಮಾಡುತ್ತೇವೆ'' ಎನ್ನುತ್ತಾರೆ ನಟ ಸೃಜನ್ ಲೋಕೇಶ್.

ಆಲ್ ದಿ ಬೆಸ್ಟ್

ಇಷ್ಟು ದಿನ ವೀಕ್ಷಕರನ್ನು ನಕ್ಕು ನಲಿಸುತ್ತಿದ್ದ ಸೃಜನ್ ಲೋಕೇಶ್, ಇನ್ಮೇಲೆ ಸಿನಿಮಾ ನಿರ್ಮಾಪಕ ಆಗಿ ಒಳ್ಳೊಳ್ಳೆ ಸಿನಿಮಾಗಳನ್ನು ಸ್ಯಾಂಡಲ್ ವುಡ್ ಗೆ ನೀಡಲು ತಯಾರಿ ನಡೆಸಿದ್ದಾರೆ. ಸೃಜನ್ ಹೊಸ ಸಾಹಸಕ್ಕೆ ನಮ್ಮ ಕಡೆಯಿಂದಲೂ ಆಲ್ ದಿ ಬೆಸ್ಟ್.