#metoo ಬಗ್ಗೆ ಶ್ರುತಿ ಮೆಚ್ಚುಗೆ: ಧ್ವನಿ ಎತ್ತಲಿದ್ದಾರಂತೆ ಕನ್ನಡ ನಟಿಯರು

#metoo ಖುಷಿ ನೀಡಿದೆ

'ನನಗೆ ನಿಜವಾಗಲೂ ಖುಷಿಯಾಗ್ತಿದೆ. ಪ್ರಭಾವಿ ವ್ಯಕ್ತಿಗಳನ್ನ ಪ್ರಶ್ನಿಸುವಂತಹ ಮಾರ್ಗವಿದು. ನಮ್ಮ ದೇಶ ಹಾಗೂ ಜಗತ್ತಿನಲ್ಲಿ ಅತಿ ದೊಡ್ಡ ಸಮಸ್ಯಯಾಗಿರುವುದು ಲೈಂಗಿಕ ಕಿರುಕುಳ. ತುಂಬಾ ದೊಡ್ಡ ವ್ಯಕ್ತಿಗಳ ಹೆಸರು ಹೊರಗೆ ಬರ್ತಿದೆ. ನಿಜಕ್ಕೂ ಸಂತೋಷ ಆಗ್ತಿದೆ'

ಎಲ್ಲರೂ ಆತಂಕ ಪಡುತ್ತಿದ್ದಾರೆ

'ನನಗೆ ಗೊತ್ತಿರುವ ಕೆಲ ವ್ಯಕ್ತಿಗಳು ಕೂಡ ಭಯ ಪಟ್ಟಿದ್ದಾರೆ. ಯಾವಾಗ ಯಾರಾ ಹೆಸರು ಬಹಿರಂಗವಾಗುತ್ತೋ ಎಂಬ ಆತಂಕ ಕಾಡುತ್ತಿದೆ. ಬಹುಶಃ ಗೇಮ್ ಚೇಂಜರ್, ಈಗ ಧೈರ್ಯದಿಂದ ಮಾತನಾಡುತ್ತಿರುವ ಪ್ರತಿಯೊಬ್ಬ ಮಹಿಳೆಗೂ ನಾನು ಬೆಂಬಲ ನೀಡುತ್ತೇನೆ' ಎಂದು ನಟಿ ಶೃತಿ ಹರಿಹರನ್ ಅಭಿಪ್ರಾಯಪಟ್ಟಿದ್ದಾರೆ.

ಸತ್ಯ ಯಾವಾತ್ತಿದ್ರೂ ಸತ್ಯಾನೇ

'ಕಾನೂನಾತ್ಮಕವಾಗಿ ಕ್ರಮ ತೆಗೆದುಕೊಳ್ಳಬೇಕು ಅಂದ್ರೆ ಅದಕ್ಕೆ ಸಾಕ್ಷಿ ಬೇಕು. ನನ್ನ ಪ್ರಕಾರ ನೋವು ಅನುಭವಿಸಿದ ಹೆಣ್ಣು ಮಕ್ಕಳು ಧೈರ್ಯವಾಗಿ ಬಂದು ಹೇಳುವುದು ಬೇರೆಯವರಿಗೆ ರಕ್ಷಣೆ ನೀಡುತ್ತೆ. ಒಬ್ಬ ಮಹಿಳೆಗೆ ತನ್ನ ಮೇಲಾದ ಲೈಂಗಿಕ ದೌರ್ಜನ್ಯ ಸಹಿಸಿಕೊಳ್ಳುವುದು ಕಷ್ಟಕರ ಸಂಗತಿ. ಸತ್ಯ ಯಾವಾಗ ಹೇಳಿದರೂ ಅದು ಸತ್ಯವೇ ಆಗಿರುತ್ತದೆ'

ನಾವು ಧ್ವನಿ ಎತ್ತಲಿದ್ದೇವೆ

ಲೈಂಗಿಕ ದೌರ್ಜನ್ಯದಲ್ಲಿ ಗಂಡು ಮತ್ತು ಹೆಣ್ಣಿನ ಪ್ರಶ್ನೆ ಬರಲ್ಲ. ಅಧಿಕಾರ ಬಲ ಹಾಗೂ ಹಣಬಲದಿಂದ ಇಂತ ಕೃತ್ಯ ನಡೆಯುತ್ತಿವೆ. ನಾವು #MeToo ಅಭಿಯಾನದಲ್ಲಿ ಧ್ವನಿ ಎತ್ತಲಿದ್ದೇವೆ ಎಂದು ಶ್ರುತಿ ಹರಿಹರನ್ ತಿಳಿಸಿದ್ದಾರೆ.