Don't Miss!
- News ಹಿರಿಯೂರು: ರಾಷ್ಟ್ರೀಯ ಹೆದ್ದಾರಿಯಲ್ಲಿ ಆಟೋ ಪಲ್ಟಿ: NHAIನ ಆ ಒಂದು ಯಡವಟ್ಟಿನ ವಿರುದ್ಧ ಭುಗಿಲೆದ್ದ ಆಕ್ರೋಶ
- Technology Poco: ಹೊಸದಾಗಿ ಲಾಂಚ್ ಆದ ಪೊಕೊ X6 ಪ್ರೊ 5G ಸ್ಮಾರ್ಟ್ಫೋನ್ಗೆ 17% ರಿಯಾಯಿತಿ!8 GB RAM
- Finance ಜಗತ್ತಿಗೆ ಭಾರತವೇ ಬಾಸ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಹೇಳಿದ್ದು ಏನು?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಜಮೌಳಿ ಬಳಿ ಸಲಹೆ ಪಡೆಯಿರಿ': ಟ್ರಂಪ್ ಕಾಲೆಳೆದ ಆರ್ ಜಿ ವಿ
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎರಡು ದಿನಗಳ ಭಾರತ ಪ್ರವಾಸ ಕೈಗೊಂಡಿದ್ದಾರೆ. ಫೆಬ್ರವರಿ 24 ರಂದು ಅಹಮದಾಬಾದ್ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಟ್ರಂಪ್ ದಂಪತಿಯನ್ನು ಭಾರತ ಪ್ರಧಾನಿ ನರೇಂದ್ರ ಮೋದಿ ಸ್ವಾಗತಿಸಿದ್ದರು.
ನಂತರ ಮೊಟೆರಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ವಿಶೇಷ ಕಾರ್ಯಕ್ರಮ ಆಯೋಜಿಸಿದ ಕೇಂದ್ರ ಸರ್ಕಾರ ಟ್ರಂಪ್ ದಂಪತಿಗೆ ಭರ್ಜರಿ ಸ್ವಾಗತ ನೀಡಿತ್ತು. ಸುಮಾರು 1 ಲಕ್ಷಕ್ಕೂ ಅಧಿಕ ಜನರು ಟ್ರಂಪ್ ಸ್ವಾಗತಿಸಲು ಕಾರ್ಯಕ್ರಮಕ್ಕೆ ಬಂದಿದ್ದರು.
ಶಾರೂಖ್ ಖಾನ್ ಸಿನಿಮಾ ಹೆಸರು ಉಲ್ಲೇಖಿಸಿದ ಡೊನಾಲ್ಡ್ ಟ್ರಂಪ್
ಇದೀಗ, ಟ್ರಂಪ್ ಸ್ವಾಗತಿಸಲು ಬಂದಿದ್ದ ಜನಸಂಖ್ಯೆ ಕುರಿತು ಚರ್ಚೆ ನಡೆಯುತ್ತಿದೆ. ಈ ಕುರಿತು ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದು, ಟ್ರಂಪ್ ಕಾಲೆಳೆದಿದ್ದಾರೆ. ಎಸ್ ಎಸ್ ರಾಜಮೌಳಿ ಬಳಿ ಸಲಹೆ ಪಡೆಯಿರಿ ಎಂದು ವ್ಯಂಗ್ಯ ಮಾಡಿದ್ದಾರೆ. ಅಷ್ಟಕ್ಕೂ, ಆರ್ ಜಿ ವಿ ಹೀಗೆ ಹೇಳಲು ಕಾರಣವೇನು? ಟ್ರಂಪ್ ಯಾವ ಕಾರಣಕ್ಕಾಗಿ ರಾಜಮೌಳಿ ಸಲಹೆ ತೆಗೆದುಕೊಳ್ಳಬೇಕು? ಮುಂದೆ ಓದಿ....
ರಾಜಮೌಳಿ ಬಳಿ ಸಲಹೆ ಪಡೆಯಿರಿ
ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಸ್ವಾಗತಿಸಲು ಸುಮಾರು 6 ಲಕ್ಷಕ್ಕೂ ಅಧಿಕ ಜನರು ಬರುವ ನಿರೀಕ್ಷೆ ಮಾಡಲಾಗಿತ್ತಂತೆ. ಆದರೆ, ಮೊಟೆರಾ ಸ್ಟೇಡಿಯಂನಲ್ಲಿ ಭಾಗಿಯಾಗಿದ್ದು ಸುಮಾರು 1 ಲಕ್ಷ ಜನರು. ನಿರೀಕ್ಷೆ ಮಾಡಿದ್ದಕ್ಕಿಂತ ಕಮ್ಮಿ ಬಂದ ಕಾರಣ ಈ ವಿಚಾರ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಸದ್ದು ಮಾಡ್ತಿದೆ. ಈ ಕುರಿತು ಆರ್ ಜಿ ವಿ ಕೂಡ ಟ್ವೀಟ್ ಮಾಡಿ ಟ್ರಂಪ್ ಗೆ ರಾಜಮೌಳಿ ಬಳಿ ಸಲಹೆ ಪಡೆಯುವಂತೆ ಹೇಳಿದ್ದಾರೆ.
ಡೊನಾಲ್ಡ್ ಟ್ರಂಪ್ ಬಳಿ ಇತ್ತು ಐಶಾರಾಮಿ ಖಾಸಗಿ ತಾಜ್ ಮಹಲ್!
ಟ್ರಂಪ್ ಗೆ ಉಡುಗೊರೆಯಾಗಿ ನೀಡಿ
''ಒಂದು ಲಕ್ಷ ಜನರನ್ನು ಒಂದು ಕೋಟಿ ಜನರಂತೆ ಕಾಣಿಸಲು ರಾಜಮೌಳಿ ಬಳಿ ಮನವಿ ಮಾಡಿಕೊಳ್ಳಿ. ಅವರು ಮಲ್ಟಿ ಟೆಕ್ನಿಕ್ ಬಳಸಿ ಗ್ರಾಫಿಕ್ಸ್ ಮಾಡಿ ಜನಸಂಖ್ಯೆ ಹೆಚ್ಚು ಕಾಣಿಸುವಂತೆ ಮಾಡುತ್ತಾರೆ. ಆ ವಿಡಿಯೋವನ್ನು ಟ್ರಂಪ್ ಗೆ ಉಡುಗೊರೆಯಾಗಿ ನೀಡಿ'' ಎಂದು ಆರ್ ಜಿ ವಿ ಟ್ವೀಟ್ ಮಾಡಿದ್ದಾರೆ.
ಟ್ರಂಪ್ ಜೊತೆ ಮೋದಿ ಆಟವಾಡಿದ್ದಾರೆ
''ಟ್ರಂಪ್ ಸ್ವಾಗತಿಸಲು ಒಂದು ಕೋಟಿ ಜನ ಸೇರುತ್ತಾರೆ ಎಂದು ಹೇಳುವ ಮೂಲಕ ನರೇಂದ್ರ ಮೋದಿ ಟ್ರಂಪ್ ಜೊತೆ ಆಟವಾಡಿದ್ದಾರೆ. ಒಂದು ಕೋಟಿಯ ಬದಲು ಒಂದು ಲಕ್ಷ ಜನರು ಮಾತ್ರ ಬಂದಿದ್ದರು. ಇದರಿಂದ ಬೇಸರಗೊಂಡು ಭಾರತದ ಜೊತೆಗಿನ ಒಪ್ಪಂದಗಳನ್ನು ರದ್ದು ಮಾಡುವುದಿಲ್ಲ ಎಂದು ಭಾವಿಸುತ್ತಿದ್ದೇಣೆ'' ಎಂದು ಮೋದಿ ಅವರನ್ನು ವರ್ಮಾ ಟ್ರೋಲ್ ಮಾಡಿದ್ದಾರೆ.
ಊಹಿಸಿಕೊಳ್ಳುವುದು ಉತ್ತಮ
''ನನ್ನನ್ನು ಸ್ವಾಗತಿಸಲು ಒಂದು ಕೋಟಿ ಜನರು ಬಂದಿದ್ದಾರಾ ಎಂದು ಟ್ರಂಪ್ ಲೆಕ್ಕ ಹಾಕಲು ಸಾಧ್ಯವಾಗಲ್ಲ. ಅದೇ ನಮಗೆ ವರ್ಕೌಟ್ ಆಗುತ್ತೆ'' ಎಂದು ಹೇಳುವ ಮೂಲಕ ಈ ವಿಚಾರವನ್ನು ಕೆದಕಿ ಮತ್ತಷ್ಟು ಟೀಕಿಸಿದ್ದಾರೆ ವರ್ಮಾ.