ಈ ವರ್ಷ ಸಪ್ತಪದಿ ತುಳಿದ ಪರಭಾಷಾ ಕಲಾವಿದರು ಯಾರು?

ವಿಕ್ರಮ್ ಮಗಳ ಮದುವೆ

ತಮಿಳು ಸ್ಟಾರ್ ನಟ ವಿಕ್ರಮ್ ಅವರ ಮಗಳ ಮದುವೆ ಅಕ್ಟೋಬರ್ 30 ರಂದು ಬೆಳಿಗ್ಗೆ ಸಂಪ್ರದಾಯವಾಗಿ ನೆರವೇರಿತ್ತು. ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ, ಡಿ.ಎಂ.ಕೆ ಅಧ್ಯಕ್ಷ ಎಂ.ಕರುಣಾನಿಧಿ ಅವರ ಮರಿ ಮೊಮ್ಮಗ ಮನು ರಂಜಿತ್ ಜೊತೆ ವಿಕ್ರಮ್ ಮಗಳು ಅಕ್ಷಿತಾ ಸಪ್ತಪದಿ ತುಳಿದು ಹೊಸ ಜೀವನ ಆರಂಭಿಸಿದ್ದಾರೆ.

ಸಮಂತಾ-ನಾಗಚೈತನ್ಯ ವಿವಾಹ

ಟಾಲಿವುಡ್ ತಾರಾಜೋಡಿ ಅಕ್ಕಿನೇನಿ ನಾಗಚೈತನ್ಯ ಮತ್ತು ಸಮಂತಾ ಮದುವೆಗೆ 2017 ಸಾಕ್ಷಿಯಾಗಿತ್ತು. ಅಕ್ಟೋಬರ್ 7 ರಂದು ಗೋವಾದ ಕಡಲತೀರಾದಲ್ಲಿ ಹಿಂದೂ ಮತ್ತು ಕ್ರಿಶ್ಚಿಯನ್ ಸಂಪ್ರದಾಯದಲ್ಲಿ ಇವರಿಬ್ಬರ ಮದುವೆ ಜರುಗಿತು.

ರಿಯಾ ಸೇನ್ ಕಲ್ಯಾಣ

ಬಾಲಿವುಡ್ ನಟಿ ರಿಯಾ ಸೇನ್ ತಮ್ಮ ಗೆಳೆಯ ಶಿವಂ ತೆವಾರಿ ಅವರೊಂದಿಗೆ ಆಗಸ್ಟ್ ತಿಂಗಳಲ್ಲಿ ಮದುವೆಯಾದರು.

ಸಪ್ತಪದಿ ತುಳಿದ ನಮಿತಾ

ಬಹುಭಾಷಾ ತಾರೆ ನಮಿತಾ ನವೆಂಬರ್ 24 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತಿರುಪತಿ ತಿಮ್ಮಪ್ಪನ ಆಶೀರ್ವಾದದೊಂದಿಗೆ ನಟಿ ನಮಿತಾ ವೈವಾಹಿಕ ಜೀವನಕ್ಕೆ ಅಡಿಯಿಟ್ಟಿದ್ದು, ತಮ್ಮ ಗೆಳೆಯ ವೀರೇಂದ್ರ ಜೊತೆ ಹಸೆಮಣೆ ಏರಿದ್ದಾರೆ.