ಡಾಲಿಯ 'ಭೈರವ' ಲುಕ್ ಗೆ ಥ್ರಿಲ್ ಆದ ಸುದೀಪ್ ಹೇಳಿದ್ದೇನು.?

ನಿಮ್ಮ ಬಗ್ಗೆ ಖುಷಿ ಇದೆ

'ಭೈರವ ಗೀತಾ' ಚಿತ್ರದ ಫಸ್ಟ್ ಲುಕ್ ನೋಡಿ ಕಾಮೆಂಟ್ ಮಾಡಿರುವ ಸುದೀಪ್ ''ನಿಮ್ಮ ಬಗ್ಗೆ ನನಗೆ ತುಂಬಾ ಖುಷಿ ಆಗ್ತಿದೆ. ನೀವು ಇದಕ್ಕೆ ಸಂಪೂರ್ಣವಾಗಿ ಅರ್ಹರಾಗಿದ್ದು, ಖಂಡಿತವಾಗಿಯೂ ನೀವು ಗುರಿ ಮುಟ್ಟುವಿರಿ. ಅದಕ್ಕಾಗಿ ನೀವು ದೊಡ್ಡ ಮಟ್ಟದ ಪ್ರಯತ್ನ ಮಾಡಿ ಮತ್ತು ನಿಮ್ಮ ನಂಬಿಕೆಯನ್ನ ಹೆಚ್ಚಿಸಿಕೊಳ್ಳಿ'' ಎಂದು ಸುದೀಪ್ ಅಭಿಪ್ರಾಯಪಟ್ಟಿದ್ದಾರೆ.

ವರ್ಮಾ ಜೊತೆ ಸಿನಿಮಾ ಒಳ್ಳೆಯ ಆಯ್ಕೆ

''ರಾಮ್ ಗೋಪಾಲ್ ವರ್ಮಾ ಬ್ಯಾನರ್ ನಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ. ಅವರು ನಿಮ್ಮನ್ನ ಪರಿಚಯಿಸುತ್ತಿದ್ದಾರೆ. ಇದಕ್ಕಿಂತ ಉತ್ತಮವಾದ ಅವಕಾಶ ನಿಮಗೆ ಬೇರೊಂದು ಇಲ್ಲ ಎನಿಸುತ್ತಿದೆ. ಆಲ್ ದಿ ಬೆಸ್ಟ್ ಮೈ ಫ್ರೆಂಡ್'' ಎಂದು ಸುದೀಪ್ ಶುಭಕೋರಿದ್ದಾರೆ.

ಕಿಚ್ಚನ ಮಾತಿಗೆ ಖುಷ್ ಆದ ಡಾಲಿ

ಇನ್ನು ಸುದೀಪ್ ಅವರು ಹೇಳಿರುವ ಉತ್ತೇಜನದ ಮಾತುಗಳನ್ನ ಕೇಳಿದ ಧನಂಜಯ್, ಸುದೀಪ್ ಗೆ ಹೃದಯಪೂರ್ವಕ ಧನ್ಯವಾದಗಳನ್ನ ತಿಳಿಸಿದ್ದಾರೆ.

ಶೂಟಿಂಗ್ ನಡೆಯುತ್ತಿದೆ

ಅಂದ್ಹಾಗೆ, 'ಭೈರವ-ಗೀತಾ' ಸಿನಿಮಾ ಒಂದು ನೈಜ ಕಥೆಯಾಗಿದ್ದು, ಹಿಂಸಾತ್ಮಕ ಲವ್ ಸ್ಟೋರಿಯಾಗಿದೆ. ಕನ್ನಡ ಮತ್ತು ತೆಲುಗು ಎರಡು ಭಾಷೆಯಲ್ಲಿ ಈ ಸಿನಿಮಾ ಸಿದ್ಧವಾಗುತ್ತಿದ್ದು, ಬಾಸ್ಕರ್ ರಿಷಿ ಮತ್ತು ವರ್ಮಾ ನಿರ್ಮಾಣ ಮಾಡುತ್ತಿದ್ದಾರೆ.