ಸೂಪರ್ ಸ್ಟಾರ್ ರಜನಿಕಾಂತ್ ಚಿತ್ರದಲ್ಲಿ ಸುದೀಪ್ ನಟನೆ.!

ಸೂಪರ್ ಸ್ಟಾರ್ ಜೊತೆ ಸುದೀಪ್

ಸೂಪರ್ ಸ್ಟಾರ್ ರಜನಿಕಾಂತ್ ಸದ್ಯ ಶಂಕರ್ ನಿರ್ದೇಶನದಲ್ಲಿ '2.0' ಸಿನಿಮಾ ಮುಗಿಸಿ, 'ಪೆಟ್ಟಾ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಕಡೆ ಸುದೀಪ್ 'ದಿ ವಿಲನ್' ಸಿನಿಮಾ ಮುಗಿಸಿ, 'ಕೋಟಿಗೊಬ್ಬ 3', 'ಪೈಲ್ವಾನ್' ಹಾಗೂ ತೆಲುಗಿನ 'ಸೈರಾ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಮಧ್ಯೆ ರಜನಿಕಾಂತ್ ಜೊತೆ ಆಕ್ಟ್ ಮಾಡಿರುವ ಫೋಟೋ ವೈರಲ್ ಆಗಿದೆ.

ಲಿಂಗಾ ಚಿತ್ರದಲ್ಲಿ ಸುದೀಪ್.!

ರಜನಿಕಾಂತ್ ಅಭಿನಯಿಸಿದ್ದ 'ಲಿಂಗಾ' ಸಿನಿಮಾದಲ್ಲಿ ಕಿಚ್ಚ ಸುದೀಪ್ ಅಭಿನಯಿಸಿದ್ದರು. ಹೌದು, 2014ರಲ್ಲಿ ತೆರೆಕಂಡಿದ್ದ 'ಲಿಂಗಾ' ಚಿತ್ರದಲ್ಲಿ ಸುದೀಪ್ ಅತಿಥಿ ಪಾತ್ರ ನಿರ್ವಹಿಸಿದ್ದರು. ಆದ್ರೆ, ದುರಾದೃಷ್ಟವಶಾತ್ ಆ ದೃಶ್ಯವನ್ನ ಚಿತ್ರದಿಂದ ತೆಗೆದು ಹಾಕಲಾಯಿತು.

ಚಿತ್ರಕೃಪೆ: RAJINISTS

ಆಗಲೇ ಸುದ್ದಿಯಾಗಿತ್ತು

ಈ ಸಿನಿಮಾ ಶೂಟಿಂಗ್ ಆಗುತ್ತಿರುವಾಗಲೇ ಸುದೀಪ್ 'ಲಿಂಗಾ' ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ ಎಂಬ ಸುದ್ದಿ ಆಗಿತ್ತು. ಆದ್ರೆ, ಅದನ್ನ ಯಾರೂ ಖಚಿತ ಪಡಿಸಿರಲಿಲ್ಲ. ಬಟ್, ಸಿನಿಮಾ ಸುದೀಪ್ ಬಣ್ಣ ಹಚ್ಚಿದ್ದರು, ನಂತರ ಕಾರಣಾಂತರಗಳಿಂದ ಆ ದೃಶ್ಯವನ್ನ ಡಿಲೀಟ್ ಮಾಡಲಾಗಿತ್ತು. ಇದು ಸುದೀಪ್ ಅಭಿಮಾನಿಗಳಲ್ಲಿ ಬೇಸರ ತಂದಿದೆ.

'ಈಗ' ನೋಡಿ ಮೆಚ್ಚಿಕೊಂಡಿದ್ದ ರಜನಿ

ಸುದೀಪ್ ಅಭಿನಯಿಸಿದ್ದ ಈಗ ಸಿನಿಮಾ ನೋಡಿ ರಜನಿಕಾಂತ್ ಫುಲ್ ಖುಷ್ ಆಗಿದ್ದರು. ಸ್ವತಃ ರಜನಿಕಾಂತ್ ಸುದೀಪ್ ಗೆ ಫೋನ್ ಮಾಡಿ, ಹೊಗಳಿದ್ದರು. ಸ್ಟೈಲ್ ಕಿಂಗ್ ಎಂದು ಬಣ್ಣಿಸಿದ್ದರಂತೆ.

ರವಿಕುಮಾರ್ ಜೊತೆ ಸಿನಿಮಾ

'ಲಿಂಗಾ' ಸಿನಿಮಾ ನಿರ್ದೇಶನ ಮಾಡಿದ್ದ ಕೆ ಎಸ್ ರವಿಕುಮಾರ್ ಆಗಲೇ ಸುದೀಪ್ ಅವರನ್ನು ಮೆಚ್ಚಿಕೊಂಡು ವಿಶೇಷ ಪಾತ್ರ ಮಾಡಿಸಿದ್ದರು. ನಂತರ ಆ ದೃಶ್ಯ ಡಿಲೀಟ್ ಆಯ್ತು. ಎರಡು ವರ್ಷಗಳ ಬಳಿಕ ಅದೇ ರವಿಕುಮಾರ್ ಸುದೀಪ್ ಜೊತೆ 'ಕೋಟಿಗೊಬ್ಬ-2' ಸಿನಿಮಾ ಮಾಡಿ ಯಶಸ್ಸು ಕಂಡರು.