'ಫಿಲ್ಮಿಬೀಟ್ ಕನ್ನಡ'ದ ಲೇಖನಕ್ಕೆ ಸುದೀಪ್ ಅಭಿನಂದನೆ

ನಟ ಸುದೀಪ್ 'ಫಿಲ್ಮಿಬೀಟ್ ಕನ್ನಡ'ದ ಲೇಖನಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ. ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಪೈಲ್ವಾನ್ ಸಿನಿಮಾದ ಬಗ್ಗೆ ಬಗ್ಗೆ ಲೇಖನಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ.

'ಪೈಲ್ವಾನ್' ಸಿನಿಮಾ ಪ್ರಾರಂಭ ಆದಾಗಿನಿಂದ, ಆ ಚಿತ್ರಕ್ಕೂ ಹಿಂದಿಯ 'ಸುಲ್ತಾನ್' ಹಾಗೂ 'ದಂಗಲ್' ಸಿನಿಮಾಗಳಿಗೂ ಹೋಲಿಕೆ ಮಾಡಲಾಗುತ್ತಿತ್ತು. ಆದರೆ, ಸಿನಿಮಾ ವೀಕ್ಷಿಸಿದ ನಂತರ ಈ ಬಗ್ಗೆ ಫಿಲ್ಮಿಬೀಟ್ ಕನ್ನಡದ ಲೇಖನ ಪ್ರಕಟ ಮಾಡಿದ್ದು, ಆ ಚಿತ್ರಗಳಿಗೂ ಈ ಸಿನಿಮಾಗೆ ಸಂಬಂಧ ಇಲ್ಲ ಎಂದು ಸ್ವಷ್ಟಪಡಿಸಿತ್ತು.

''ಆ 'ಸುಲ್ತಾನ್', 'ದಂಗಲ್' ಬೇರೆ, ಈ ಪೈಲ್ವಾನೇ ಬೇರೆ'' ಎನ್ನುವ ಶೀರ್ಷಿಕೆಯಲ್ಲಿ ಬಂದ ಲೇಖನವನ್ನು ರೀ ಟ್ವೀಟ್ ಮಾಡಿರುವ ಸುದೀಪ್, ''ನಾನು ಈ ಮಾತಿಗಾಗಿ ಕಾಯುತ್ತಿದ್ದೆ'' ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

ಅದೇ ಬೇರೆ ಇದೇ ಬೇರೆ
'ದಂಗಲ್' ಹಾಗೂ 'ಸುಲ್ತಾನ್' ಚಿತ್ರಗಳ ರೀತಿ 'ಪೈಲ್ವಾನ್' ಕೂಡ ಕುಸ್ತಿಯ ಬಗ್ಗೆ ಇರುವ ಸಿನಿಮಾ. ಹೀಗಾಗಿ ಅನೇಕರು ಇದನ್ನು ಆ ಚಿತ್ರಗಳಿಗೆ ಹೋಲಿಕೆ ಮಾಡುತ್ತಿದ್ದರು. ಆದರೆ, ಆ ಸಿನಿಮಾಗಳ ಕಥೆಗೂ ಈ ಸಿನಿಮಾದ ಕಥೆಗೂ ಯಾವುದೇ ಸಂಬಂಧ ಇಲ್ಲ. ಚಿತ್ರದ ನಿರೂಪಣೆ ಕೂಡ ಸಂಪೂರ್ಣ ಬೇರೆ ಇದೆ.