ಕಿಚ್ಚ ಸುದೀಪ್ ಟ್ವಿಟ್ಟರ್ ನಲ್ಲಿ ಹೊಸ ಮೈಲಿಗಲ್ಲು

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಸ್ಯಾಂಡಲ್ ವುಡ್ ನಲ್ಲಿ ಅತಿ ದೊಡ್ಡ ಅಭಿಮಾನಿ ಬಳಗವನ್ನ ಹೊಂದಿದ್ದಾರೆ. ತಮ್ಮ ಚಿತ್ರಗಳ ಮೂಲಕ ಮಾತ್ರವಲ್ಲದೇ, ಸಾಮಾಜಿಕ ಕಾಳಜಿ ಮೂಲಕವೂ ಕಿಚ್ಚ ಅಭಿಮಾನಿಗಳನ್ನ ಗಳಿಸಿದ್ದಾರೆ.

ಸುದೀಪ್ ಗೆ ಕರ್ನಾಟಕದ ಆಚೆಯೂ ಅಭಿಮಾನಿಗಳು ಇದ್ದಾರೆ ಎಂಬುದರಲ್ಲಿ ಅನುಮಾನವಿಲ್ಲ. ಯಾಕಂದ್ರೆ, ಸುದೀಪ್ ಕೇವಲ ಸ್ಯಾಂಡಲ್ ವುಡ್ ನಲ್ಲಿ ಮಾತ್ರವಲ್ಲ, ತಮಿಳು, ತೆಲುಗು, ಹಿಂದಿ ಚಿತ್ರರಂಗದಲ್ಲೂ ತಮ್ಮ ಪ್ರತಿಭೆಯಿಂದ ಗುರುತಿಸಿಕೊಂಡಿರುವ ನಟ.

ಇಷ್ಟೇಲ್ಲಾ ಯಾಕೆ ಹೇಳುತ್ತಿದ್ದೇವೆ ಅಂದ್ರೆ, ಸುದೀಪ್ ಅವರು ಈಗೊಂದು ಹೊಸ ಸಾಧನೆ ಮಾಡಿದ್ದಾರೆ. ಹೌದು, ಟ್ವಿಟ್ಟರ್ ನಲ್ಲಿ 5 ಲಕ್ಷ ಪಾಲೋವರ್ಸ್ ಹೊಂದುವ ಮೂಲಕ ಕನ್ನಡದ ಮೊದಲ ಹಾಗೂ ಏಕೈಕ ನಟ ಎನಿಸಿಕೊಂಡಿದ್ದಾರೆ.

ಟ್ವಿಟ್ಟರ್ ನಲ್ಲಿ 5 ಲಕ್ಷ ಪಾಲೋವರ್ಸ್ ಹೊಂದುವ ಮೂಲಕ ಹೊಸ ದಾಖಲೆ ಬರೆದ ಸುದೀಪ್ ಅಭಿಮಾನಿಗಳಿಗೆ ಧನ್ಯವಾದಗಳನ್ನ ತಿಳಿಸಿದ್ದು, ''500k ಫಾಲೋವರ್ಸ್, ಥ್ಯಾಂಕ್ ಯೂ ಆಲ್'' ಎಂದು ಟ್ವೀಟ್ ಮಾಡಿದ್ದಾರೆ.

ಇನ್ನೂ ಕಿಚ್ಚ ಸುದೀಪ್ ಹೊರತು ಪಡಿಸಿದರೇ, ನಟ ಉಪೇಂದ್ರ 1.7 ಲಕ್ಷ, ದರ್ಶನ್ 1.2 ಲಕ್ಷ ಫಾಲೋವರ್ಸ್ ಗಳನ್ನ ಟ್ವಿಟ್ಟರ್ ನಲ್ಲಿ ಹೊಂದಿದ್ದಾರೆ.