'ಇದು ನನ್ನ ಕೊನೆ ಪ್ರಯತ್ನ' ರಕ್ತದಲ್ಲಿ ಪತ್ರ ಬರೆದ ಅಭಿಮಾನಿ: ಸುದೀಪ್ ಬೇಸರ

ಪ್ಲೀಸ್ ಅಣ್ಣ ಭೇಟಿ ಮಾಡಿ

''ನನ್ನ ಹೆಸರು ಸೌಮ್ಯ. ನನಗೆ ತಂದೆಯಿಲ್ಲ. ನಿಮ್ಮನ್ನು ಭೇಟಿ ಮಾಡಲು ತುಂಬಾ ಪ್ರಯತ್ನ ಪಟ್ಟಿದ್ದೀನಿ. ಆದ್ರೆ, ಸಾಧ್ಯವಾಗುತ್ತಿಲ್ಲ. ಈಗ ನಾನು ರಕ್ತದಲ್ಲಿ ಬರೆದು ನಿಮ್ಮನ್ನು ಕೇಳಿಕೊಳ್ಳುತ್ತಿದ್ದೇನೆ. ನನ್ನನ್ನು ಭೇಟಿ ಮಾಡಿ ಎಂದು'' ಆ ಯುವತಿ ವಿನಂತಿಸಿಕೊಂಡಿದ್ದಾಳೆ.

ಇದು ನನ್ನ ಕೊನೆಯ ಪತ್ರ

ದಾವಣೆಗೆರೆ ಮೂಲದ ಸುದೀಪ್ ಅಭಿಮಾನಿಗಳನ್ನ ಸಂಪರ್ಕಿಸಿ ಭೇಟಿಯಾಗಲು ಪ್ರಯತ್ನ ಪಟ್ಟಿದ್ದರಂತೆ ಈ ಯುವತಿ. ಆದ್ರೆ, ಅವರಿಂದಲೂ ಭೇಟಿ ಮಾಡಿಸಲು ಆಗಲಿಲ್ಲ ಎಂಬ ನಿರಾಸೆಯಿಂದ ''ಇದು ನನ್ನ ಕೊನೆಯ ಪ್ರಯತ್ನ, ಎರಡು ದಿನದಲ್ಲಿ ಪ್ರತಿಕ್ರಿಯೆ ಬೇಕು'' ಎಂದು ಎಚ್ಚರಿಕೆ ಕೊಟಿದ್ದಾರೆ.

ಸುದೀಪ್ ಪ್ರತಿಕ್ರಿಯೆ

''ಇದರ ಬಗ್ಗೆ ನಾನು ಹೆಮ್ಮೆ ಪಡಬೇಕೇ? ನೀವು ನಿಮ್ಮ ರಕ್ತದಿಂದ ಪತ್ರ ಬರೆದಿರುವುದು ನನಗೆ ತೀರಾ ನೋವು ತಂದಿದೆ. ಆದ್ರೂ ನಿಮ್ಮ ನೋವು ನನಗೆ ಅರ್ಥವಾಗುತ್ತೆ. ನಾನು ನಿಮ್ಮನ್ನು ಸದ್ಯದಲ್ಲೇ ಭೇಟಿಯಾಗುತ್ತೇನೆ'' ಎಂದು ಕಿಚ್ಚ ಸುದೀಪ್ ಸಮಾಧಾನ ಪಡಿಸಿದ್ದಾರೆ.

ಇಂತಹ ಕೆಲಸ ಆಗಬಾರದು

ಸಿನಿಮಾ ನಟರನ್ನ ಇಷ್ಟಪಡುವುದು, ಅವರು ಮಾತಿಗೆ ಗೌರವ ನೀಡುವುದು, ಅವರ ಒಳ್ಳೆಯ ಕೆಲಸಗಳನ್ನ ಅನುಸರಿಸಿರುವುದು ಎಲ್ಲವೂ ಅಭಿಮಾನಿ ಎಂಬುದು ಒಪ್ಪಬೇಕು. ಆದ್ರೆ, ಭೇಟಿಯಾಗಿಲ್ಲ ಎಂಬ ಕಾರಣಕ್ಕೆ ''ರಕ್ತದಲ್ಲಿ ಪತ್ರ ಬರೆಯುವುದು, ಇದು ನನ್ನ ಕೊನೆ ಪ್ರಯತ್ನ ಎನ್ನುವುದು'' ಉತ್ತಮವಲ್ಲ ಮತ್ತು ಇದು ಸಮಂಜಸವಲ್ಲ. ಇದರಿಂದ ಸ್ವತಃ ನಟರಿಗೂ ಆತಂಕ ಮತ್ತು ಬೇಸರ ಉಂಟುಮಾಡುತ್ತೆ. ಅಭಿಮಾನಿಗಳು ಅಭಿಮಾನವನ್ನ ಹೀಗೆಲ್ಲಾ ಪ್ರದರ್ಶಿಸಬಾರದು. ಇದನ್ನ ಸ್ವತಃ ನಟರು ಕೂಡ ನಿರೀಕ್ಷೆ ಮಾಡಲ್ಲ.