ಕಿಚ್ಚನ ರಾಜಕೀಯ ಪ್ರವೇಶಕ್ಕೆ ಅಭಿಮಾನಿಗಳ ಅಭಿಪ್ರಾಯ

ರಾಜಕೀಯ ಪ್ರವೇಶಕ್ಕೆ ಅಭಿಮಾನಿಗಳ ವಿರೋಧ

ಕಿಚ್ಚ ಸುದೀಪ್ ಪೊಲಿಟಿಕ್ಸ್ ಗೆ ಬರುತ್ತಾರೆ ಎನ್ನುವ ಸುದ್ದಿಗಳು ಹರಿದಾಡುತ್ತಿರುವಾಗಲೇ ಅಭಿಮಾನಿಗಳು ಕಿಚ್ಚನಿಗೆ ರಾಜಕೀಯಕ್ಕೆ ಬರದಂತೆ ಮನವಿ ಮಾಡಿದ್ದಾರೆ. ಕಳೆದ ಎರಡು ದಿನಗಳಿಂದ ಟ್ವಿಟ್ಟರ್ ಮೂಲಕ ಕಿಚ್ಚನ ಬಳಿ ಈ ಬೇಡಿಕೆಯನ್ನು ಇಟ್ಟಿದ್ದಾರೆ.

ಕಿಚ್ಚನಿಗೆ ಬೇಡವಂತೆ ರಾಜಕೀಯ ಗರಿ

"ಅಣ್ಣ ನಿಮ್ಮ ಕಿರೀಟ ಈಗಾಗಲೇ ಸುಮಾರು ಗರಿಗಳನ್ನೊಳಗೊಂಡಿದೆ ಈಗ ಅದಕ್ಕೆ ರಾಜಕೀಯ ಎಂಬ ಗರಿ ಮಾತ್ರ ಏರಿಸದಿರಿ. ಅಣ್ಣ ಇದು ನಿಮ್ಮೆಲ್ಲಾ ಅಭಿಮಾನಿಗಳ ಕಳಕಳಿಯ ಮನವಿ: ಎಂದು ಅಣ್ಣ ನೀವು ಯಾವುದೋ ಪಕ್ಷಕ್ಕೆ ,ಪಂಗಡಕ್ಕೆ ಸೇರದವರಲ್ಲ ನೀವು ಕನ್ನಡಿಗರ ಆಸ್ತಿ..ದಯವಿಟ್ಟು ರಾಜಕೀಯಕ್ಕೆ ಹೋಗಬೇಡಿ ಟ್ವಿಟ್ ಮಾಡಿದ್ದಾರೆ ಕಿಚ್ಚನ ಅಭಿಮಾನಿಗಳು

ರಾಜಕೀಯ ಪ್ರವೇಶ ಮಾಡದಿರಲು ಒತ್ತಾಯ

ಎರಡು ದಿನಗಳಿಂದ ಅಭಿಮಾನಿಗಳು "ಕಿಚ್ಚ ಡೋಂಟ್ ಎಂಟರ್ ಪಾಲಿಟಿಕ್ಸ್" ಎನ್ನುವ ಟ್ವಿಟ್ಟರ್ ಕ್ಯಾಂಪೇನ್ ಮಾಡುತ್ತಿದ್ದಾರೆ. ಅಭಿಮಾನಿಗಳು ಹ್ಯಾಷ್ ಟ್ಯಾಗ್ ಬಳಸಿ ಸುದೀಪ್ ರಾಜಕೀಯಕ್ಕೆ ಬರುವುದನ್ನ ವಿರೋಧಿಸಿದ್ದಾರೆ.

ಕಿಚ್ಚನ ಪ್ರತಿಕ್ರಿಯೆಗಾಗಿ ಕಾದಿರುವ ಅಭಿಮಾನಿಗಳು

ಸದ್ಯ ಅಭಿಮಾನಿಗಳು ಮಾಡುತ್ತಿರುವ ಟ್ವಿಟ್ ಗೆ ಕಿಚ್ಚನ ಕಡೆಯಿಂದ ಯಾವುದೇ ರೀತಿಯ ಉತ್ತರ ಸಿಕ್ಕಿಲ್ಲ. ರಾಜಕೀಯಕ್ಕೆ ಬರುತ್ತೇನೆ ಬರುವುದಿಲ್ಲ ಎಂದು ಎಲ್ಲಿಯೂ ಸ್ಪಷ್ಟ ಪಡಿಸದ ಕಿಚ್ಚನ ಉತ್ತರಕ್ಕಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ.

ರಾಜಕೀಯ ಮಾಡಲು ಸಮಯವಿಲ್ಲ

ಕಿಚ್ಚ ಸುದೀಪ್ ಹೇಳಿರುವಂತೆ ಈ ವರ್ಷ ಮೂರು ಸಿನಿಮಾಗಳಲ್ಲಿ ಬ್ಯುಸಿ ಆಗಲಿದ್ದಾರೆ. ದಿ ವಿಲನ್ ನಂತರ ಕೋಟಿಗೊಬ್ಬ3, ಪೈಲ್ವಾನ್ ಹಾಗೂ ಹಾಲಿವುಡ್ ಚಿತ್ರಗಳು ಇದೇ ವರ್ಷ ಚಿತ್ರೀಕರಣ ಆಗಲಿದೆ. ಹಾಗಾಗಿ ರಾಜಕೀಯ ಮಾಡಲು ಕಿಚ್ಚನ ಬಳಿ ಸಮಯವಿಲ್ಲ.