ಕಿಚ್ಚ ಸುದೀಪ್ ಅಭಿಮಾನಿಗಳ ವೆಬ್ ಸೈಟ್ ಆರಂಭ

ಸುದೀಪ್

ಸಿನೆಮಾ ತಾರೆಗಳು ಒಂದು ಹಂತಕ್ಕೆ ಏರುತ್ತಿದ್ದಂತೆ ಅವರದೇ ಆದಂತಹ ಅಭಿಮಾನಿ ಬಳಗ ಹುಟ್ಟಿಕೊಳ್ಳುವುದು ಸಹಜ. ಸುದೀಪ್ ಅವರಿಗೂ ಕರ್ನಾಟಕ ಕಿಚ್ಚ ಸುದೀಪ್ ಅಭಿಮಾನಿ ಸಂಘವಿದೆ. ಈ ಅಭಿಮಾನಿಗಳು ಕಿಚ್ಚನಂತೆ ಸುಮ್ಮನೆ ಕೂರುವ ಜಾಯಮಾನದವರಲ್ಲ. ಕಿಚ್ಚ ಸುದೀಪ್ ಹೆಸರಲ್ಲಿ ಒಂದು ವೆಬ್ ಸೈಟನ್ನು ಆರಂಭಿಸಿದ್ದಾರೆ. ವೆಬ್ ಸೈಟ್ ವಿಳಾಸ: www.kicchasudeepkksfa.com

ಈ ವೆಬ್ ಸೈಟ್ ಗೆ ನೀವು ಭೇಟಿ ನೀಡಿದರೆ ಕಿಚ್ಚ ಸುದೀಪ್ ಬಗೆಗಿನ ಸಂಪೂರ್ಣ ಮಾಹಿತಿ ನಿಮಗೆ ಲಭ್ಯ. ಸುದೀಪ್ ಅವರ ಮುಂಬರುವ ಚಿತ್ರಗಳು, ಅಭಿನಯಿಸಿದ ಚಿತ್ರಗಳು, ಓದಿದ್ದು ಎಲ್ಲಿ, ಹುಟ್ಟಿದ್ದೆಲ್ಲಿ...ಸುದೀಪ್ ಬಯೋಡೇಟಾ ಸಂಪೂರ್ಣ ಇಲ್ಲಿದೆ.

ಈ ವೆಬ್ ಸೈಟಿನ ಹಿಂದಿರುವವರು ವಿಶ್ವನಾಥ್, ಜಗದೀಶ್, ಶ್ರೀನಿವಾಸ್, ಸುನಿಲ್, ಮಾರುತಿ ಹಾಗೂ ತೇಜಸ್. ಕಿಚ್ಚ ಟ್ರಸ್ಟ್ ನಡೆಸುವ ರಕ್ತದಾನ, ವಿದ್ಯಾದಾನ ಮುಂತಾದ ಸೇವಾಕಾರ್ಯಗಳಿಗೆ ಈ ಅಭಿಮಾನಿ ಸಂಘವೂ ತನ್ನ ಕೈಜೋಡಿಸಿ ಅಳಿಲು ಸೇವೆ ಸಲ್ಲಿಸಲಿದೆ.

ತಮ್ಮ ಅಭಿಮಾನಿಗಳು ಆರಂಭಿಸಿರುವ ಈ ವೆಬ್ ಸೈಟ್ ಗೆ ಸುದೀಪ್ ಟ್ವಿಟ್ಟರ್ ಖಾತೆಯಲ್ಲಿ ಕೃತಜ್ಞತೆಗಳನ್ನು ತಿಳಿಸಿದ್ದಾರೆ. ಅವರ ಶ್ರಮಕ್ಕೆ ಸುದೀಪ್ ಬೆನ್ನು ತಟ್ಟಿ ಪ್ರೋತ್ಸಾಹಿಸಿದ್ದಾರೆ. ಇಷ್ಟಕ್ಕೂ ಈ ವೆಬ್ ಸೈಟಿನಲ್ಲಿ ಅಂಥಹದ್ದೇನಿದೆ ಎಂದರೆ, ವರ್ಣರಂಜಿತ ಗ್ಯಾಲರಿ, ಕಿಚ್ಚನ ಕಿರುಪರಿಚಯ, ಮುಂಬರುವ ಚಿತ್ರಗಳು ಇತ್ಯಾದಿ ಇತ್ಯಾದಿ. (ಒನ್ ಇಂಡಿಯಾ ಕನ್ನಡ)