ವಿಶೇಷ ಅಭಿಮಾನಿಯ ಮಾತು ಕೇಳಿ ಭಾವುಕರಾದ ಕಿಚ್ಚ ಸುದೀಪ್

ಮನೆಗೆ ಯಾಕೆ ಬಂದಿಲ್ಲ ಎಂದ ಅಭಿಮಾನಿ

ಸುದೀಪ್ ಅವರನ್ನು ನೋಡುತ್ತಿದ್ದಂತೆ ಪುಟ್ಟ ಅಭಿಮಾನಿ ದೀಪಿಕಾ ತಬ್ಬಿಕೊಂಡು ಸಂತಸಪಟ್ಟಿದ್ದಾರೆ. ನಂತರ ಸುದೀಪ್ ಪಕ್ಕದಲ್ಲಿಯೆ ಕೂರಿಸಿಕೊಂಡು ಪ್ರೀತಿಯಿಂದ ಮಾತನಾಡಿದ್ದಾರೆ. ದೀಪಿಕಾ ಸುದೀಪ್ ಅವರ ಬಳಿ ನಮ್ಮ ಮನೆಗೆ ಯಾಕೆ ಬಂದಿಲ್ಲ ಎಂದು ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಸುದೀಪ್ ಮಂಗಳೂರಗೆ ಬಂದಾಗ ಖಂಡಿತ ಬರ್ತಿನಿ ಎಂದು ಹೇಳಿ ಸಮಾಧಾನ ಮಾಡಿದ್ದಾರೆ.

ಸುದೀಪ್ ಭೇಟಿ ಮಾಡಿಸುವುದಾಗಿ ಹೇಳಿ ಊಟ ಮಾಡಿಸಬೇಕು

ಸುದೀಪ್ ಅವರನ್ನು ಭೇಟಿ ಮಾಡುವವರೆಗೂ ಊಟ ಮಾಡುವುದಿಲ್ಲ ಎಂದು ಹಠ ಮಾಡಿ ದೀಪಿಕಾ, ಸುದೀಪ್ ಅವರನ್ನು ಭೇಟಿ ಮಾಡಿದ್ದಾರೆ. ಇನ್ನು ಪ್ರತಿದಿನ ಮನೆಯಲ್ಲಿ ಊಟ ಮಾಡುವುದಿಲ್ಲ ಮತ್ತು ಔಷದಿ ತೆಗೆದುಕೊಳ್ಳುವುದಿಲ್ಲ ಎಂದು ಅಳುತ್ತಿರುತ್ತಾರಂತೆ. ಪ್ರತಿ ದಿನ 10ಕ್ಕು ಹೆಚ್ಚು ಮಾತ್ರೆಗಳನ್ನು ತೆಗೆದುಕೊಳ್ಳಬೇಕಂತೆ. ಆಗ ಸುದೀಪ್ ಅವರನ್ನು ಭೇಟಿ ಮಾಡಿಸುವುದಾಗಿ ಹೇಳಿ ಸಮಾಧಾನ ಪಡಿಸಿ ಊಟ ಮಾಡಿಸಬೇಕಂತೆ.

ನಿಮ್ಮ ಮನೆಗೆ ಬರಬೇಕು ಅಂದರೆ ಊಟ ಮಾಡಬೇಕು

'ನಿಮ್ಮ ಮನೆಗೆ ಬರಬೇಕು ಅಂದರೆ ದಿನ ಊಟ ಮಾಡಬೇಕು ಜೊತೆಗೆ ಔಷದಿ ತೆಗೆದುಕೊಳ್ಳಬೇಕು ಇಲ್ಲವಾದರೆ ನಿಮ್ಮ ಮನೆಗೆ ಬರುವುದಿಲ್ಲ' ಎಂದು ದೀಪಿಕಾ ಅವರನ್ನು ಸಂತೈಸುತ್ತಾರೆ. ಪ್ರತೀ ದಿನ ಊಟ ಮಾಡುವಂತೆ ಪ್ರೋಮಿಸ್ ಮಾಡಿಸಿಕೊಂಡಿದ್ದಾರೆ. ನಂತರ ಸುದೀಪ್ ಅವರಿಗೆ ಧನ್ಯವಾದ ಹೇಳುತ್ತಾರೆ ದೀಪಿಕಾ.

ಅಭಿಮಾನಿಯ ಹಾಡು ಕೇಳಿ ಸುದೀಪ್ ಭಾವುಕ

ಸುದೀಪ್ ಅವರಿಗೆ 'ನಗುತಾ ನಗುತಾ ಬಾಳು ನೀನು ನೂರು ವರುಷ.....' ಎಂದು ಹಾಡು ಹೇಳುತ್ತಿದ್ದಂತೆ ಸುದೀಪ್ ಕಣ್ಣಾಲಿ ಒದ್ದೆಯಾಗಿದ್ದು. ಆಗ 'ಬೇಜಾರು ಆಯಿತಾ ಮಾಮ' ಎಂದು ಪುಟ್ಟ ಬಾಲಕಿ ಸುದೀಪ್ ಅವರನ್ನು ಕೇಳುತ್ತಾರೆ. ಸುದೀಪ್ 'ನನಗೆ ಬೇಜಾರು ಆಗಿಲ್ಲ. ನಿಮ್ಮನ್ನ ಭೇಟಿ ಮಾಡಿ ಸಂತೋಷವಾಯಿತು' ಎಂದು ಹೇಳುತ್ತಾರೆ. ಒಂದಿಷ್ಟು ಸಮಯ ಅಭಿಮಾನಿಯ ಜೊತೆ ಕಳೆದು ಪ್ರೀತಿಯಿಂದ ಬೀಳ್ಕೊಟ್ಟಿದ್ದಾರೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.