'ಪೈಲ್ವಾನ್' ಬಗ್ಗೆ ಅಪಪ್ರಚಾರ : ಸುದೀಪ್ ಪ್ರತಿಕ್ರಿಯೆ ಹೀಗಿದೆ

ಟ್ವಿಟ್ಟರ್ ನಲ್ಲಿ ಸುದೀಪ್ ಪ್ರತಿಕ್ರಿಯೆ

ಗಾಳಿ ಸುದ್ದಿ ಹಬ್ಬಿಸುವವರ ಬಗ್ಗೆ ಟ್ವಿಟ್ಟರ್ ನಲ್ಲಿ ಸುದೀಪ್ ಪ್ರತಿಕ್ರಿಯೆ ನೀಡಿದ್ದಾರೆ. ಮೈಸೂರಿನ ಗಾಯತ್ರಿ ಚಿತ್ರಮಂದಿರದಲ್ಲಿ ಸಿನಿಮಾ ಹೌಸ್ ಫುಲ್ ಆಗಿರುವ ವಿಡಿಯೋ ಮೂಲಕ ವೈರಿಗಳಿಗೆ ಸರಿಯಾದ ಉತ್ತರ ನೀಡಿದ್ದಾರೆ. ''ಯಾರು ಸಿನಿಮಾದ ಬಗ್ಗೆ ಕೆಟ್ಟ ಸುದ್ದಿಗಳನ್ನು ಹಬ್ಬಿಸುತ್ತಿದ್ದಾರೋ, ಅವರಿಂದ ನಾನು ಖುಷಿಯಾಗಿ ಇದ್ದೇವೆ'' ಎಂದು ತಿರುಗೇಟು ನೀಡಿದ್ದಾರೆ.

ಒಳ್ಳೆಯ ಕೆಲಸ ಮಾಡುವಾಗಲೇ ಕೆಟ್ಟದನ್ನು ಹಬ್ಬಿಸುವುದು

''ಯಾರು ಕೆಟ್ಟ ಸುದ್ದಿಗಳನ್ನು ಹರಡಿಸುತ್ತಿದ್ದಾರೋ ಅವರಿಂದ ನಾನು ಖುಷಿಯಾಗಿ ಇದ್ದೇನೆ. ಅವರು ಇನ್ನೊಂದು ಕಡೆ, ಈಗಲೂ ಪೈಲ್ವಾನ್ ಬಗ್ಗೆ ಮಾತಾನಾಡಲು ಸಮಯ ಮತ್ತು ಶ್ರಮವನ್ನು ಹಾಕುತ್ತಿದ್ದಾರೆ. ನಾನು ಅದನ್ನು ಗಮನಿಸುತ್ತಿದ್ದೇನೆ. ಯಾವಾಗ ಎಲ್ಲರೂ ನಮ್ಮ ಬಗ್ಗೆ ಕೆಟ್ಟದನ್ನು ಹಬ್ಬಿಸಲು ಸಾಧ್ಯ?. ನಾವು ಒಳ್ಳೆಯದನ್ನು ಮಾಡುತ್ತಿರುವಾಗ ಅಲ್ಲವೇ. ಅದಕ್ಕೆ ಈ ಕ್ಷಣವನ್ನು ಖುಷಿಪಡಿ.'' ಎಂದು ಸುದೀಪ್ ಟ್ವೀಟ್ ಮಾಡಿದ್ದಾರೆ.

ಅಪಪ್ರಚಾರದ ಜೊತೆಗೆ 'ಪೈಲ್ವಾನ್' ಇದೆ ಪೈರಸಿ ಕಾಟ

ಗಾಳಿ ಸುದ್ದಿ ಹಬ್ಬಿಸುವವರ ಜೊತೆಗೆ ಪೈರಸಿ ಕೂಡ 'ಪೈಲ್ವಾನ್' ಸಿನಿಮಾಗೆ ಕಾಟ ನೀಡಿದೆ. tamilrockers ವೆಬ್ ಸೈಟ್ ನಲ್ಲಿ 'ಪೈಲ್ವಾನ್' ಕನ್ನಡ, ತಮಿಳು ಹಾಗೂ ತೆಲುಗು ವರ್ಷನ್ ಗಳು ಲೀಕ್ ಆಗಿದೆ. ಇಡೀ ಸಿನಿಮಾ ಪೈರಸಿ ಆಗಿದ್ದು, ಜನ ಚಿತ್ರಮಂದಿರಕ್ಕೆ ಬರುವುದು ಕಡಿಮೆ ಆಗುತ್ತಿದೆ. ಪ್ಯಾನ್ ಇಂಡಿಯಾ ಸಿನಿಮಾ 'ಪೈಲ್ವಾನ್' ಮೂರು ಭಾಷೆಗಳಲ್ಲಿಯೂ ಪೈರಸಿ ಆಗಿದೆ.

ಎರಡನೇ ದಿನ ಕಲೆಕ್ಷನ್ ಕಡಿಮೆ ಆಗಿದೆ

ಐದು ಭಾಷೆಗಳಲ್ಲಿ ಬಿಡುಗಡೆಯಾದ ಪೈಲ್ವಾನ್' ಸಿನಿಮಾ ಮೊದಲ ದಿನ ಕನ್ನಡದಲ್ಲಿ 10 ಕೋಟಿ ಗಳಿಕೆ ಮಾಡಿತ್ತು. ಆದರೆ, ಅದು ಎರಡನೇ ದಿನ 9 ಕೋಟಿಗೆ ಇಳಿದಿದೆ. ಎಲ್ಲ ಭಾಷೆಗಳು ಸೇರಿದರೆ ಒಟ್ಟು 18 ಕೋಟಿ ಮೊದಲ ದಿನ ಕಲೆಕ್ಷನ್ ಆಗಿತ್ತು. ಆದರೆ, ಎರಡನೇ ದಿನದ ಕಲೆಕ್ಷನ್ 15ಕ್ಕೆ ಕುಸಿದಿದೆ. ಹಿಂದಿ ಮತ್ತು ತೆಲುಗಿನಲ್ಲಿ ಬೇರೆ ಚಿತ್ರಗಳು ಬಿಡುಗಡೆ ಆಗಿದ್ದು, ಪೈಪೋಟಿ ಶುರುವಾಗಿದೆ.