ನನ್ನ ಮಾಂಗಲ್ಯ ಉಳಿಸಿದ್ದೀರಿ, ಸಾಯೋವರೆಗೂ ನಿಮ್ಮ ಹೆಸರಲ್ಲಿ ದೀಪ ಹಚ್ಚುವೆ; ಕಿಚ್ಚನ ಅಭಿಮಾನಿ

ನನ್ನ ಮಾಂಗಲ್ಯ ಉಳಿಸಿದ್ದೀರಿ ಸುದೀಪ್ ಸರ್..

'ನನ್ನ ಮಾಂಗಲ್ಯ ಉಳಿಸಿದ್ದೀರಾ ಸುದೀಪ್ ಸರ್. ನಿಮಗೆ ಕೋಟಿ ಕೋಟಿ ಧನ್ಯವಾದ ಹೇಳಿದ್ರು ಸಾಕಾಗಲ್ಲ. ತುಂಬಾ ವರ್ಷಗಳಿಂದ ನಾನು ನಿಮ್ಮ ಅಭಿಮಾನಿ. ನೀವು ಮಾಡುತ್ತಿದ್ದ ಕೆಲಸಗಳನ್ನು ನಾನು ನೋಡುತ್ತಿದೆ. ನನ್ನ ಗಂಡನಿಗೆ ತುಂಬಾ ಹುಷಾರಿರಲಿಲ್ಲ. ಆಸ್ಪತ್ರೆಗೆ ಸೇರಿಸಿದ್ವಿ. ಆಗ 1.5 ಯಿಂದ 2 ಲಕ್ಷ ರೂ ಖರ್ಚಾಗಿತ್ತು. ಮನೆಗೆ ಕರೆದುಕೊಂಡು ಬಂದ್ವಿ. ಆದರೆ ಮತ್ತೆ ಕೊರೊನಾ ಪಾಸಿಟಿವ್ ಬಂತು.' ಎಂದಿದ್ದಾರೆ.

ಬ್ಲಾಕ್ ನಲ್ಲಿ ರೆಮ್‌ಡೆಸಿವಿರ್‌ ಪಡೆದ ಸೌಮ್ಯಾ

'ಆಸ್ಪತ್ರೆ ದಾಖಲಿಸಲು ಹೋದ್ರೆ ರೆಮ್‌ಡೆಸಿವಿರ್‌ ಇಂಜೆಕ್ಷನ್ ತಂದರೆ ಮಾತ್ರ ದಾಖಲಿಸಿಕೊಳ್ಳುತ್ತೇವೆ ಅಂತ ಹೇಳಿದ್ರು. ಎಷ್ಟು ಹುಡುಕಿದ್ರು ರೆಮ್‌ಡೆಸಿವಿರ್‌ ಸಿಗಲಿಲ್ಲ. ಬಳಿಕ ಬ್ಲಾಕ್ ನಲ್ಲಿ 20 ಸಾವಿರ ಕೊಟ್ಟು ರೆಮ್‌ಡೆಸಿವಿರ್‌ ತೆಗೆದುಕೊಂಡೆ. 1.5 ಲಕ್ಷ ರೂ ಕೊಟ್ಟು 5 ಇಂಜೆಕ್ಷನ್ ತೆಗೆದುಕೊಂಡೆ' ಎಂದು ಹೇಳಿದ್ದಾರೆ.

1.30 ಲಕ್ಷ ರೂ. ಆಸ್ಪತ್ರೆ ಬಿಲ್ ಕಟ್ಟಿದ ಸುದೀಪ್

'50 ಸಾವಿರ ರೂ. ಕೊಟ್ಟು ನೀಡಬೇಕು ಎಂದು ಆಸ್ಪತ್ರೆಯವರು ಹೇಳಿದ್ರು. ಹೇಗೋ ಹೊಂದಿಸಿ ಕಷ್ಟಪಟ್ಟು ಕಟ್ಟಿದ್ದೀವಿ. ಚಿಕಿತ್ಸೆ ಮುಗಿದ ಮೇಲೆ 1.30 ಲಕ್ಷ ರೂ. ಬಿಲ್ ಆಗಿತ್ತು. ಅಷ್ಟೊಂದು ದುಡ್ಡು ನಮ್ಮ ಬಳಿ ಇರಲಿಲ್ಲ. ಎಷ್ಟೆ ಪ್ರಯತ್ನ ಮಾಡಿದ್ರು ದುಡ್ಡು ಹೊಂದಿಸಲು ಆಗಲಿಲ್ಲ. ಆಗ ಸಹಾಯಕ್ಕೆ ಬಂದವರು ಸುದೀಪ್.'

ಸುದೀಪ್ ಹೆಸರು ಹೇಳಿ ದೀಪ ಹಚ್ಚುತ್ತೇನೆ

'ಸುದೀಪ್ ಅವರ ಟ್ರಸ್ಟ್ ಮೊದಲ ಮಾನವನಾಗು ಬಗ್ಗೆ ಮಾಹಿತಿ ಪಡೆದುಕೊಂಡು, ಸಂಪರ್ಕಿಸಿದೆ. ನಂತರ ಸುದೀಪ್ ಅವರಿಗೆ ಮಾಹಿತಿ ತಲುಪಿಸಿದೆ. ಕೂಡಲೇ ಸೌಮ್ಯಾಗೆ ಆರ್ಥಿಕ ಸಹಾಯ ಮಾಡಿದ್ದಾರೆ. ಸುದೀಪ್ ಅವರಿಗೆ 10 ವರ್ಷಗಳಿಂದ ಅಭಿಮಾನಿ. ನಾನು ಗುಣ, ವ್ಯಕ್ತಿತ್ವ ನೋಡಿ ಅಭಿಮಾನಿಯಾದವಳು. ಈಗ ನಮಗೆ ಸಹಾಯ ಮಾಡಿದ್ದಾರೆ. ಮುಂದಿನ ಜನ್ಮದಲ್ಲೂ ನಾನು ಅವರ ಅಭಿಮಾನಿಯಾಗಿಯೇ ಹುಟ್ಟುತ್ತೇನೆ. ಸಾಯುವವರೆಗೂ ಸುದೀಪ್ ಅವರ ಹೆಸರು ಹೇಳಿ ದೀಪ ಹಚ್ಚುತ್ತೇನೆ' ಎಂದು ಹೇಳಿದ್ದಾರೆ.