'ಆ ಕರಾಳ ರಾತ್ರಿ' ಸಿನಿಮಾ ನೋಡಿ ಮೆಚ್ಚಿಕೊಂಡ ಕಿಚ್ಚ

'ಆ ಕರಾಳ ರಾತ್ರಿ' ನೋಡಿದ ಸುದೀಪ್

ದಯಾಳ್ ಪದ್ಮನಾಭನ್ ನಿರ್ದೇಶನದ 'ಆ ಕರಾಳ ರಾತ್ರಿ' ಸಿನಿಮಾವನ್ನು ನಟ ಸುದೀಪ್ ಇಂದು ಅನುಪಮ ಗೌಡ ಹಾಗೂ ನಾಯಕ ನಟ ಜೆಕೆ ಜೊತೆಯಲ್ಲಿ ವೀಕ್ಷಣೆ ಮಾಡಿದ್ದಾರೆ. ಸಿನಿಮಾ ನೋಡಿ ಖುಷಿಯಾಗಿರುವ ಸುದೀಪ್ ಚಿತ್ರತಂಡದ ಬಗ್ಗೆ ಮೆಚ್ಚುಗೆ ಮಾತುಗಳನ್ನು ಹೇಳಿದ್ದಾರೆ.

ಸುದೀಪ್ ಪ್ರಕಾರ 'ಆ ಕರಾಳ ರಾತ್ರಿ'

"ನಾನು ನೋಡಿದ ಅದ್ಬುತ ಸಿನಿಮಾ 'ಆ ಕರಾಳ ರಾತ್ರಿ'. ಸಿನಿಮಾ ಮೊದಲಿನಿಂದ ಕೊನೆಯವರೆಗೂ ಯಾವುದೇ ತಪ್ಪು ಹುಡುಕಲು ಸಾಧ್ಯವೇ ಆಗಲಿಲ್ಲ. ರಂಗಾಯಣ ರಘು ಅದ್ಬುತವಾಗಿ ಅಭಿನಯ ಮಾಡಿದ್ದಾರೆ. ಅನುಪಮ ತುಂಬಾ ಚೆನ್ನಾಗಿ ಅಭಿನಯ ಮಾಡಿದ್ದಾರೆ. ನಾನು ನಿರೀಕ್ಷೆಯನ್ನೇ ಮಾಡಿರಲಿಲ್ಲ. ಜೆಕೆ ಈ ಹಿಂದಿನ ಚಿತ್ರಗಳಿಗಿಂತಲೂ ಚೆನ್ನಾಗಿ ನಟಿಸಿದ್ದಾರೆ"

ಸಂಗೀತಕ್ಕಾಗಿ ಸಿನಿಮಾ ನೋಡಲೇಬೇಕು

"ಸಿನಿಮಾದಲ್ಲಿ ಸಂಗೀತ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ. ಆರ್ ಆರ್ ಅದ್ಬುತವಾಗಿದೆ. ಅದಕ್ಕಾಗಿ 'ಆ ಕರಾಳ ರಾತ್ರಿ' ಚಿತ್ರವನ್ನು ನೋಡಬೇಕು. ಸಂಗೀತ ನಿರ್ದೇಶಕರು ಸಾಕಷ್ಟು ವರ್ಷದಿಂದ ಪರಿಚಯ ಆದರೆ ಈ ಚಿತ್ರದಲ್ಲಿ ಒಳ್ಳೆ ಕೆಲಸ ಮಾಡಿದ್ದಾರೆ".

ಚೆನ್ನಾಗಿರುವ ಸಿನಿಮಾ ನೋಡಿ

'ಆ ಕರಾಳ ರಾತ್ರಿ' ಸಿನಿಮಾ ಒಳ್ಳೆ ಸಿನಿಮಾ. ಈ ರೀತಿಯ ಚಿತ್ರಗಳನ್ನು ಮಿಸ್ ಮಾಡಿಕೊಳ್ಳಬೇಡಿ. ಕೆಲ ಸಿನಿಮಾಗಳು ಚೆನ್ನಾಗಿ ಇದ್ದರೂ ಥಿಯೇಟರ್ ನಲ್ಲಿ ಓಡುವುದಿಲ್ಲ. ಅದೇ ರೀತಿ 'ಆ ಕರಾಳ ರಾತ್ರಿ' ಆಗುವುದು ಬೇಡ. ಎಂದಿದ್ದಾರೆ ಕಿಚ್ಚ ಸುದೀಪ್.