ಮದುವೆ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಸುದೀಪ್ ತಂದೆ-ತಾಯಿ

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ತಂದೆ-ತಾಯಿಗೆ ಇಂದು ಮದುವೆ ವಾರ್ಷಿಕೋತ್ಸವದ ಸಂಭ್ರಮ. 54 ವರ್ಷಗಳ ಕಾಲ ಸುಖಕರ ದಾಂಪತ್ಯ ಜೀವನ ನಡೆಸಿರುವ ಸುದೀಪ್ ತಂದೆ-ತಾಯಿಗೆ, ಸ್ನೇಹಿತರು, ಅಭಿಮಾನಿಗಳು ಪ್ರೀತಿಯ ಶುಭಾಶಯ ತಿಳಿಸುತ್ತಿದ್ದಾರೆ.

Recommended Video

ಕನ್ನಡ ಚಿತ್ರರಂಗಕ್ಕೆ ಅಭಿನಯ ಚಕ್ರವರ್ತಿ ಸುದೀಪ್ ಅಂತಹ ಅದ್ಭುತ ನಟನನ್ನು ನೀಡಿದ ಸಂಜೀವ್ ಮಂಜಪ್ಪ ಮತ್ತು ಸರೋಜ ಅವರು ಮದುವೆಯಾಗಿ ಇಂದಿಗೆ 54 ವರ್ಷಗಳು ಕಳೆದಿವೆ. ಈ ಸಂಭ್ರಮವನ್ನು ಸುದೀಪ್ ಕುಟುಂಬ ಮನೆಯಲ್ಲಿಯೆ ಆಚರಿಸುತ್ತಿದೆ.

ಅಪ್ಪ-ಅಮ್ಮನ ಮದುವೆ ವಾರ್ಷಿಕೋತ್ಸವಕ್ಕೆ ಕಿಚ್ಚ ಸುದೀಪ್ ಟ್ವಿಟ್ಟರ್ ನಲ್ಲಿ ಶುಭಕೋರಿದ್ದಾರೆ. "ನನಗೆ ಜನ್ಮ ನೀಡಿ, ನನ್ನನ್ನು ದೊಡ್ಡವನಾಗಿ ಬೆಳೆಸಿ, ನನಗೆ ಬುದ್ದಿ ಕಲಿಸಿದವರು. ನನಗೆ ಆಶೀರ್ವಾದ ಮಾಡುತ್ತಾರೆ, ನನಗಾಗಿ ಪ್ರಾರ್ಥನೆ ಮಾಡುತ್ತಾರೆ. 54 ವರ್ಷ ಒಟ್ಟಿಗೆ ಜೀವನ ನಡೆಸಿದ ಅಪ್ಪ-ಅಮ್ಮನಿಗೆ ಶುಭಾಶಯ. ಇನ್ನೂ ಹಲವು ವರ್ಷಗಳು ನಮ್ಮ ಜೊತೆ ಹೀಗೆ ಇರಿ. ಯಾವಾಗಲು ನಿಮ್ಮನ್ನು ಪ್ರೀತಿಸುತ್ತೇನೆ" ಎಂದು ಬರೆದುಕೊಂಡಿದ್ದಾರೆ.

ಸುದೀಪ್ ಅಭಿಮಾನಿಗಳು ಸಹ ಮದುವೆ ವಾರ್ಷಿಕೋತ್ಸವದ ಶುಭಾಶಯ ತಿಳಿಸುತ್ತಿದ್ದಾರೆ. ಕಿಚ್ಚನಿಗೆ ತಂದೆ-ತಾಯಿಯೇ ದೊಡ್ಡ ಶಕ್ತಿ. ಅಪ್ಪ-ಅಮ್ಮನನ್ನು ತುಂಬಾ ಪ್ರೀತಿಸುವ ಕಿಚ್ಚ ಮನೆಯಿಂದ ಹೊರಗೆ ಹೋಗುವಾಗ ಅವರ ಆಶೀರ್ವಾದ ಪಡೆಯದೆ ಹೋಗುವುದಿಲ್ಲ. ಕಿಚ್ಚನಿಗೆ ದೊಡ್ಡ ಶಕ್ತಿಯಾಗಿ, ಅವರ ಬೆನ್ನಹಿಂದೆ ನಿಂತಿದ್ದರೆ.