'ಮಾಣಿಕ್ಯ'ದ ಮಧುರ ನೆನಪುಗಳನ್ನು ಹಂಚಿಕೊಂಡ ಕಿಚ್ಚ ಸುದೀಪ್

ಆ ದಿನ ಮರೆಯಲಾರೆ...

''ನಮ್ಮನ್ನೆಲ್ಲ ಒಟ್ಟಿಗೆ ಸೇರಿಸಿದ ಕೆಲ ಕ್ಷಣಗಳು, ವ್ಯಕ್ತಿಗಳು ಹಾಗೂ ಸನ್ನಿವೇಶಗಳನ್ನು ಮತ್ಯಾವುದರಿಂದಲೂ ತುಂಬಲು ಸಾಧ್ಯವಿಲ್ಲ. ತಾಂತ್ರಿಕ ಬ್ರಹ್ಮ ರವಿಚಂದ್ರನ್ ಅವರಿಗೆ 'ಅಕ್ಷನ್' ಎಂದು ಹೇಳಿದ ಆ ದಿನವನ್ನು ನಾನು ಮರೆಯಲಾರೆ'' ಎಂದು ಕಿಚ್ಚ ಸುದೀಪ್ ಬರೆದುಕೊಂಡಿದ್ದಾರೆ.

ಸವಾಲಿನ ಕೆಲಸ

''ಮಾನವೀಯತೆ ಹಾಗೂ ಸಂಬಂಧಗಳ ಮೌಲ್ಯಗಳನ್ನು ಸಾರುವ 'ಮಾಣಿಕ್ಯ' ಚಿತ್ರದಲ್ಲಿ ದೊಡ್ಡ ತಾರಾಬಳಗವೇ ಇತ್ತು. ಮಿತವಾದ ಬಜೆಟ್ ನಲ್ಲಿ ಅದ್ಭುತವಾದ ಸೆಟ್ ಹಾಕಿ ಚಿತ್ರೀಕರಣ ಮಾಡುವುದು ನಿಜಕ್ಕೂ ಸವಾಲಿನ ಕೆಲಸ. ಆ ಸವಾಲನ್ನ ನಾನು ಸ್ವೀಕರಿಸಿ, ಜಯಿಸಿದೆ'' - ಕಿಚ್ಚ ಸುದೀಪ್

ಸಾರ್ಥಕ ಭಾವ ಮೂಡಿತು

''ಸಿನಿಮಾದ ಪ್ರೀ-ಪ್ರೊಡಕ್ಷನ್, ಮೇಕಿಂಗ್ ಹಾಗೂ ಪೋಸ್ಟ್ ಪ್ರೊಡಕ್ಷನ್ ಕೆಲಸವೇ ಒಂದು ಅತ್ಯದ್ಭುತ ಅನುಭವ ನೀಡಿತು. ಚಿತ್ರದ ಮೊದಲ ಪ್ರತಿ ನಾನು ನೋಡಲಾದಿದ್ದರೂ, ಬಿಡುಗಡೆಯಾದ ಮೊದಲ ದಿನ ಅಭಿಮಾನಿಗಳ ಜೊತೆ 'ಮಾಣಿಕ್ಯ' ನೋಡಿದ್ದು ಖುಷಿ ತಂತು. ಸಿನಿಮಾ ನೋಡಿದ ಅಭಿಮಾನಿಗಳ ಮೊಗದಲ್ಲಿ ಮಂದಹಾಸ ಕಂಡು ಸಾರ್ಥಕ ಭಾವ ಮೂಡಿತು'' - ಕಿಚ್ಚ ಸುದೀಪ್

ಸ್ಫೂರ್ತಿ ನೀಡುತ್ತವೆ

''ಮಾಣಿಕ್ಯ ಸಿನಿಮಾ ನನಗೆ ಒಳ್ಳೆಯ ನೆನಪುಗಳನ್ನು ನೀಡಿವೆ. ಆ ನೆನಪುಗಳೇ ಪ್ರತಿ ದಿನ ನನ್ನನ್ನ ಎಚ್ಚರಗೊಳಸಿ, ಮತ್ತಷ್ಟು ಒಳ್ಳೆ ಸಿನಿಮಾಗಳನ್ನು ಮಾಡಲು ಸ್ಫೂರ್ತಿ ನೀಡುತ್ತವೆ'' - ಕಿಚ್ಚ ಸುದೀಪ್