ದರ್ಶನ್ ಬಗ್ಗೆ ನಾನು ಕೆಟ್ಟದ್ದು ಮಾತಾಡಿಲ್ಲ, ಅನ್ ಫಾಲೋ ಮಾಡಿಲ್ಲ

ಸಮಸ್ಯೆ ಏನು ಎಂಬುದು ನನಗೆ ಗೊತ್ತಿಲ್ಲ

'ದರ್ಶನ್ ವಿಚಾರದಲ್ಲಿ ಇಲ್ಲಿಯವರೆಗೂ ಸಮಸ್ಯೆ ಏನಾಗಿದೆ ಎಂಬುದೇ ನನಗೆ ಗೊತ್ತಿಲ್ಲ'' ಎಂದು ಸುದೀಪ್ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ದರ್ಶನ್ ಮಾತ್ರ ಟ್ವಿಟ್ಟರ್ ನಲ್ಲಿ 'ನಾವಿಬ್ಬರು ಸ್ನೇಹಿತರಲ್ಲ' ಎಂದಿದ್ದರು. ಬಟ್, ಸುದೀಪ್ ಈ ಬಗ್ಗೆ ಎಲ್ಲಿಯೂ ಮಾತನಾಡಿರಲಿಲ್ಲ.

ನಾನು ಅನ್ ಫಾಲೋ ಮಾಡಿಲ್ಲ

''ನಾನು ಅವರ ಬಗ್ಗೆ ಎಲ್ಲಿಯೂ ಕೆಟ್ಟದ್ದು ಮಾತನಾಡಿಲ್ಲ, ಟ್ವಿಟ್ಟರ್ ನಲ್ಲಿ ಅನ್ ಫಾಲೋ ಮಾಡಿಲ್ಲ. ನಾನೆಲ್ಲೂ ಬಿಟ್ಟುಕೊಟ್ಟಿಲ್ಲ. ಏನು ನಡೆದಿದೆ, ಏನಾಗಿದೆ ಎಂಬುದು ಅವರಿಗೆ ಗೊತ್ತು. ನನ್ನ ಕಡೆಯಿಂದ ಏನ್ ಮಾಡ್ಬೇಕು ನಾನು ಅದನ್ನೇ ಮಾಡ್ತಿದ್ದೀನಿ. ನನ್ನ ಸಹ ಕಲಾವಿದರಿಗೆ ಎನ್ ಗೌರವ ಕೊಡಬೇಕೋ ಅದನ್ನ ಕೊಡ್ತಿದ್ದೀನಿ'' '' ಎಂದು ಸುದೀಪ್ ಮತ್ತೊಮ್ಮೆ ಈ ವಿಷ್ಯದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ಬಲವಂತ ಆಗಬಾರದು

''ಎಲ್ಲಿ ನಿಮಗೆ ಗೌರವ ಸಿಕ್ತಿಲ್ಲ ಅಂದ್ಮೇಲೆ ಆ ಫ್ರೆಂಡ್ ಷಿಪ್ ಗೆ ಗೌರವ ಎಲ್ಲಿದೆ. ಯಾರೋ ಒಬ್ಬರಿಗೆ ಆಗ್ತಿಲ್ಲ ಅಂದಾಗ ಅದು ಬಲವಂತ ಆಗಬಾರದು'' ಎಂದು ಹೇಳುವ ಮೂಲಕ, ನೀವಿಬ್ಬರು ಒಟ್ಟಿಗೆ ಯಾವಾಗ ಸಿನಿಮಾ ಮಾಡ್ತೀರಾ ಎಂದು ಕೇಳುತ್ತಿದ್ದವರಿಗೆ ಉತ್ತರ ನೀಡಿದ್ದಾರೆ.

ಮೆಜಿಸ್ಟಿಕ್ ಕಾರಣನಾ?

ಈ ಹಿಂದೆ ಸ್ವತಃ ದರ್ಶನ್ ಅವರೇ ಹೇಳಿಕೊಂಡಿರುವ ಪ್ರಕಾರ, ಸುದೀಪ್ ಜೊತೆಗಿನ ಮನಸ್ತಾಪಕ್ಕೆ ಮೆಜಿಸ್ಟಿಕ್ ಚಿತ್ರಕ್ಕೆ ಸಂಬಂಧಪಟ್ಟಂತೆ ಬೆಳವಣಿಗೆಯೇ ಕಾರಣ. ಬಟ್, ನಿಜಕ್ಕೂ ಅದೊಂದೇ ಕಾರಣನಾ ಗೊತ್ತಿಲ್ಲ.

ಮುಖಾ ಮುಖಿ ಮಾತಾಡಿದ್ರೆ ಕ್ಲಿಯರ್.!

ಈ ಟ್ವಿಟ್ಟರ್ ಜಗಳ ಆದ್ಮೇಲೆ ಸುದೀಪ್ ಮತ್ತು ದರ್ಶನ್ ಇಬ್ಬರು ಮುಖಾಮುಖಿ ಭೇಟಿ ಅಥವಾ ಮಾತುಕತೆ ಆಗಿಲ್ಲ ಎಂಬುದು ನಿಜ. ಒಮ್ಮೆ ಇವರಿಬ್ಬರು ಭೇಟಿಯಾಗಿ ಈ ಬಗ್ಗೆ ಮಾತಾಡಿಕೊಂಡ್ರೆ ಖಂಡಿತವಾಗಿಯೇ ಈ ಸಮಸ್ಯೆ ಕ್ಲಿಯರ್ ಆಗುತ್ತೆ ಎಂಬುದು ಅಭಿಮಾನಿಗಳ ನಿರೀಕ್ಷೆ.