ಫಸ್ಟ್ ಡೇ 'A' ಸಿನಿಮಾ ನೋಡಿದ್ದ ಸುದೀಪ್ ಏನ್ ಹೇಳಿದ್ರು ಕೇಳಿ !

ಇನ್ನು ಚಿತ್ರರಂಗಕ್ಕೆ ಬಂದಿರಲಿಲ್ಲ

ಸುದೀಪ್ 'ಎ' ಸಿನಿಮಾ ನೋಡಿದ ಟೈಂ ನಲ್ಲಿ ಅವರು ಇನ್ನು ಚಿತ್ರರಂಗಕ್ಕೆ ಬಂದಿರಲಿಲ್ಲ. ಒಳ್ಳೆಯ ಪಾತ್ರದ ಅವಕಾಶಕ್ಕಾಗಿ ಅನೇಕ ನಿರ್ಮಾಪಕ, ನಿರ್ದೇಶಕ ಹತ್ತಿರ ಸುತ್ತುತ್ತಿದ್ದರು. ಈ ವೇಳೆ ಗುರುಕಿರಣ್ ಕೂಡ ಹೀರೋ ಆಗಬೇಕು ಅಂತ ಅಲೆದಾಡುತ್ತಿದ್ದರು.

ಸಂಜೆ ಶೋ

ಆ ವೇಳೆಗಾಗಲೇ ಸುದೀಪ್ ಮತ್ತು ಗುರುಕಿರಣ್ ಸ್ನೇಹಿತರಾಗಿರುವ ಕಾರಣ ಉಪೇಂದ್ರ ಪರಿಚಯ ಕೂಡ ಸುದೀಪ್ ಅವರಿಗೆ ಇತ್ತು. ಅದೇ ಕಾರಣಕ್ಕೆ 'ಎ' ರಿಲೀಸ್ ಆದ ಮೊದಲ ದಿನದ ಸಂಜೆ ಶೋ ಸುದೀಪ್, ಗುರುಕಿರಣ್ ಜೊತೆಗೆ ಸಿನಿಮಾ ನೋಡಿದ್ದರು.

ಸಿಕ್ಕಾಪಟ್ಟೆ ಖುಷಿ

ಸಿನಿಮಾ ನೋಡಿ ಆಚೆ ಬಂದ ತಕ್ಷಣ ಸುದೀಪ್ ಸಿಕ್ಕಾಪಟ್ಟೆ ಖುಷಿ ಆಗಿದ್ದರಂತೆ. ಅದೇ ರೀತಿ ಈ ಸಿನಿಮಾವನ್ನು ನೋಡಿ ಏನು ಹೇಳಬೇಕೋ ತಿಳಿಯದೆ ನಿಂತುಬಿಟ್ಟರಂತೆ. ಅದರಲ್ಲಿಯೂ ಗುರುಕಿರಣ್ ಅವರ ಹಾಡುಗಳನ್ನು ಕೇಳಿ ''ಗುರು ನೀನು ನಿಂತು ಕೊಂಡೆ'' ಎಂದು ಅಂದೇ ಹೇಳಿದ್ದರಂತೆ.

ಮುಕುಂದ ಮುರಾರಿ

'ಎ' ಸಿನಿಮಾಕ್ಕೂ ಮುಂಚೆಯಿಂದ ಸ್ನೇಹ ಹೊಂದಿದ್ದ ಉಪೇಂದ್ರ ಮತ್ತು ಸುದೀಪ್ ಇಬ್ಬರು ಸದ್ಯ ಸ್ಟಾಂಡಲ್ ವುಡ್ ಸ್ಟಾರ್ ನಟರಾಗಿದ್ದಾರೆ. 'ಮುಕುಂದ ಮುರಾರಿ' ಸಿನಿಮಾದಲ್ಲಿ ಮೊದಲ ಬಾರಿಗೆ ಇವರಿಬ್ಬರು ಒಟ್ಟಿಗೆ ನಟಿಸಿದ್ದಾರೆ.

ನನ್ನ ಮೊದಲ ಸಿನಿಮಾ

'ಎ' ಸಿನಿಮಾದ ಬಗ್ಗೆ ಈ ರೀತಿಯ ಅನೇಕ ಕುತೂಹಲಕಾರಿ ಮತ್ತು ಎಲ್ಲಿಯೂ ರಿವೀಲ್ ಆಗಾದ ಅನೇಕ ವಿಷಯಗಳನ್ನು ಗುರುಕಿರಣ್ 'ಫಿಲ್ಮಿಬೀಟ್ ಕನ್ನಡ'ದ ಸರಣಿ ಲೇಖನ 'ನನ್ನ ಮೊದಲ ಸಿನಿಮಾ'ದಲ್ಲಿ ಹಂಚಿಕೊಂಡಿದ್ದಾರೆ. ಗುರುಕಿರಣ್ ಅವರ 'ನನ್ನ ಮೊದಲ ಸಿನಿಮಾ'ದ ಸಂಪೂರ್ಣ ಸಂದರ್ಶನವನ್ನು ಓದಲು ಈ ಲಿಂಕ್ ಕ್ಲಿಕ್ಕಿಸಿ.

ನನ್ನ ಮೊದಲ ಸಿನಿಮಾ : ಎಲ್ಲೂ ರಿವೀಲ್ ಆಗದ 'A' ಚಿತ್ರದ ರೋಚಕ ಕತೆ