'ವಿಕ್ರಾಂತ್‌ ರೋಣ' ಅಡ್ವಾನ್ಸ್ ಬುಕ್ಕಿಂಗ್‌: 2Dಗಿಂತ 3Dಗೆ ಒಳ್ಳೆ ರೆಸ್ಪಾನ್ಸ್?

3D ವರ್ಷನ್‌ ಟಿಕೆಟ್ ಬುಕ್ಕಿಂಗ್ ಜೋರು

27 ಗಂಟೆಗಳ ಹಿಂದೆ 'ವಿಕ್ರಾಂತ್‌ ರೋಣ' ಸಿನಿಮಾ ಅಡ್ವಾನ್ಸ್ ಟಿಕೆಟ್‌ ಬುಕ್ಕಿಂಗ್ ಶುರುವಾಯಿತು. ಪ್ರೇಕ್ಷಕರು ಸಿನಿಮಾ ನೋಡೋಕೆ ಕಾತರರಾಗಿದ್ದು, ಟಿಕೆಟ್‌ ಬುಕ್ ಮಾಡಲು ಮುಗಿಬಿದ್ದಿದ್ದಾರೆ. ಆದರೆ 2Dಗಿಂತ 3D ವರ್ಷನ್ ನೋಡೋಕೆ ಪ್ರೇಕ್ಷಕರು ಹೆಚ್ಚು ಉತ್ಸುಕರಾಗಿರುವಂತೆ ಕಾಣುತ್ತಿದೆ. ಈಗಾಗಲೇ ಬೆಂಗಳೂರಿನಲ್ಲಿ 3D ವರ್ಷನ್‌ನ ಹಲವು ಶೋಗಳ ಟಿಕೆಟ್‌ ಸೋಲ್ಡ್‌ಔಟ್ ಆಗೋಗಿದೆ. 2D ಹೋಲಿಸಿದರೆ 3D ವರ್ಷನ್‌ಗೆ ರೆಸ್ಪಾನ್ಸ್ ಸಖತ್ ಆಗಿ ಸಿಗುತ್ತಿದೆ.

ಪುನೀತ್- ಸುದೀಪ್ ಅದ್ಬುತ ಕಟೌಟ್: ಪ್ರಚಾರದ ಗಿಮಿಕ್ ಎಂದು ಮೊಸರಲ್ಲಿ ಕಲ್ಲು ಹುಡುಕಿದರು!

ಮುಂಜಾಬೆ ಶೋಗಾಗಿ ಫ್ಯಾನ್ಸ್ ಕಾತರ!

'ವಿಕ್ರಾಂತ್‌ ರೋಣ' ಸಿನಿಮಾ ಮಿಡ್‌ ನೈಟ್‌ ಶೋಗಳು ಇರುವುದಿಲ್ಲ ಅನ್ನಲಾಗುತ್ತಿದೆ. ಬೆಳಗ್ಗೆ 6 ಗಂಟೆ ಹಾಗೂ 8 ಗಂಟೆಗೆ ಮೊದಲ ಪ್ರದರ್ಶನ ಶುರುವಾಗುವ ನಿರೀಕ್ಷೆಯಿದೆ. ಆದರೆ ಆ ಶೋಗಳ ಸಂಖ್ಯೆ ಬುಕ್‌ ಮೈ ಶೋನಲ್ಲಿ ಕಮ್ಮಿ ತೋರಿಸುತ್ತಿದೆ. ಎಲ್ಲರಿಗಿಂತ ಮೊದಲು ಸಿನಿಮಾ ನೋಡಲು ಕಾಯುತ್ತಿರುವ ಅಭಿಮಾನಿಗಳು ಮಾರ್ನಿಂಗ್ ಶೋಗಳ ಟಿಕೆಟ್‌ ಬುಕ್ಕಿಂಗ್‌ಗಾಗಿ ಕಾಯುತ್ತಿರುವಂತೆ ಕಾಣುತ್ತಿದೆ. ಇದು ಕೂಡ ಟಿಕೆಟ್ ಬುಕ್ಕಿಂಗ್ ಹಿನ್ನಡೆಗೆ ಕಾರಣ ಇರಬಹುದು.

ಚೆನ್ನೈ, ಹೈದರಾಬಾದ್‌ನಲ್ಲೂ ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್

ಕರ್ನಾಟಕ ಮಾತ್ರವಲ್ಲದೇ ಹೊರರಾಜ್ಯಗಳಲ್ಲೂ 5 ದಿನ ಮೊದಲೇ 'ವಿಕ್ರಾಂತ್‌ ರೋಣ' ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದೆ. ಹೈದರಾಬಾದ್‌ನಲ್ಲಿ ಸಾಕಷ್ಟು ಶೋಗಳು ಕೊಟ್ಟಿದ್ದು, ಟಿಕೆಟ್ ಬುಕ್ಕಿಂಗ್‌ಗೆ ಅದ್ಭುತ ರೆಸ್ಪಾನ್ಸ್ ಸಿಕ್ತಿದೆ. ಹೊರರಾಜ್ಯಗಳಲ್ಲಿ ಕನ್ನಡದಲ್ಲೂ ಸಿನಿಮಾ ರಿಲೀಸ್ ಆಗುತ್ತಿದ್ದು, ಟಿಕೆಟ್‌ ಬುಕ್ಕಿಂಗ್ ಶುರುವಾಗಿದೆ.

ಮೊದಲ ದಿನ 50 ಕೋಟಿ ಗಳಿಸುತ್ತಾ ಸಿನಿಮಾ?

ಮೊದಲ ದಿನ ಭಾರತದಾದ್ಯಂತ 'ವಿಕ್ರಾಂತ್ ರೋಣ' ಸಿನಿಮಾ ಸುಮಾರು 25 ರಿಂದ 30 ಕೋಟಿ ರೂ. ಗಳಿಸುವ ನಿರೀಕ್ಷೆ ಇದೆ. ಇನ್ನು ಸ್ಕ್ರೀನ್‌ಗಳ ಸಂಖ್ಯೆ ಹೆಚ್ಚಾದರೆ ಮತ್ತಷ್ಟು ದೊಡ್ಡ ಮಟ್ಟದ ಓಪನಿಂಗ್ ಪಡೆದುಕೊಳ್ಳಲಿದೆ. ಅಲ್ಲದೇ ಇದು ಕೇವಲ ದೇಶಾದ್ಯಂತ ಸಿನಿಮಾ ಫಸ್ಟ್‌ ಡೇ ಕಲೆಕ್ಷನ್ ಲೆಕ್ಕಾಚಾರ. ವಿದೇಶದ 1200ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ಸಿನಿಮಾ ರಿಲೀಸ್‌ ಆಗಲಿದ್ದು, ಅನಾಯಾಸವಾಗಿ 50 ಕೋಟಿ ರೂ. ಗಡಿ ದಾಟುವ ನಿರೀಕ್ಷೆಇದೆ.