'ವಿಕ್ರಾಂತ್ ರೋಣ' ಪ್ಯಾನ್ ಇಂಡಿಯಾ ಅಲ್ಲ, ಪ್ಯಾನ್ ವರ್ಲ್ಡ್ ಸಿನಿಮಾ!

'ವಿಕ್ರಾಂತ್ ರೋಣ' ಕನ್ನಡದ ಮತ್ತೊಂದು ಮೈಲಿಗಲ್ಲು!

ನಟ ಸುದೀಪ್ ಇಂದು, ನಿನ್ನೆ ಕನ್ನಡದ ಗಡಿ ದಾಟಿದವರಲ್ಲ. ಹಲವು ವರ್ಷಗಳ ಹಿಂದೆಯೇ ಸುದೀಪ್ ಬಾಲಿವುಡ್, ಟಾಲಿವುಡ್ ಚಿತ್ರಗಳ ಮೂಲಕ ಛಾಪು ಮೂಡಿಸಿದ್ದಾರೆ. ಈಗ ಸುದೀಪ್ 'ವಿಕ್ರಾಂತ್ ರೋಣ' ಸಿನಿಮಾದ ಮೂಲಕ ಮತ್ತೊಂದು ಹೊಸ ದಾಖಲೆ ಮಾಡಲು ಸಜ್ಜಾಗಿದ್ದಾರೆ. ಈ ಚಿತ್ರದ ಬಗ್ಗೆ ಈಗ ಒಂದೊಂದೇ ಮಾಹಿತಿಗಳು ಹೊರ ಬೀಳುತ್ತಿದೆ. ಹಾಗೆ ನೋಡಿದರೆ ಈ ಚಿತ್ರ ಕನ್ನಡದ ಮತ್ತೊಂದು ಮೈಲಿಗಲ್ಲು ಆಗುವುದರಲ್ಲಿ ಅನುಮಾನವಿಲ್ಲ.

'ವಿಕ್ರಾಂತ್ ರೋಣ' ಪ್ಯಾನ್ ವರ್ಲ್ಡ್ ಸಿನಿಮಾ!

'ವಿಕ್ರಾಂತ್ ರೋಣ' ಸಿನಿಮಾ ಬಹು ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ಹಾಗಂತ ಈ ಚಿತ್ರವನ್ನು 'ಕೆಜಿಎಫ್ 2', ಲಿಸ್ಟ್‌ಗೆ ಸೇರಿಸಲು ಆಗುವುದಿಲ್ಲ. ಯಾಕೆಂದರೆ 'ವಿಕ್ರಾಂತ್ ರೋಣ' ಕೆಜಿಎಫ್ 2' ಸಿನಿಮಾಗಿಂತಲೂ ಒಂದು ಹೆಜ್ಜೆ ಮುಂದೆ ಹೋಗಿದೆ. 'ವಿಕ್ರಾಂತ್ ರೋಣ' ಚಿತ್ರವನ್ನು ಪ್ಯಾನ್ ಇಂಡಿಯಾ ಇಲ್ಲ. ಪ್ಯಾನ್ ವರ್ಲ್ಡ್ ಸಿನಿಮಾ ಅಂತಲೇ ಕರೆಯಬೇಕು. ಯಾಕೆಂದರೆ ಭಾರತೀಯ ಭಾಷೆಗಳನ್ನು ಹೊರತುಪಡಿಸಿ ವಿಶ್ವದ ಕೆಲವು ದೇಶಿಯ ಭಾಷೆಗಳಲ್ಲಿ 'ವಿಕ್ರಾಂತ್ ರೋಣ' ರಿಲೀಸ್ ಆಗುತ್ತಿದೆ.

ಜರ್ಮನ್, ರಷ್ಯನ್, ಇಂಗ್ಲೀಷ್‌ನಲ್ಲಿ 'ವಿಕ್ರಾಂತ್ ರೋಣ'!

'ವಿಕ್ರಾಂತ್ ರೋಣ' ಸಿನಿಮಾ ಭಾರತದಲ್ಲಿ ಕನ್ನಡ, ಹಿಂದಿ, ತಮಿಳು, ತೆಲುಗು, ಮಲಯಾಳಂ ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ಇಷ್ಟಕ್ಕೆ 'ವಿಕ್ರಾಂತ್ ರೋಣ' ಸೀಮಿತ ಆಗಿಲ್ಲ. ಮತ್ತೊಂದು ಹೆಜ್ಜೆ ಮುಂದೆ ಹೋಗಿ ಜರ್ಮನ್, ರಷ್ಯನ್, ಮತ್ತು ಇಂಗ್ಲೀಷ್ ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ಇದು 'ವಿಕ್ರಾಂತ್ ರೋಣ' ವಿಶೇಷತೆ. ಹಾಗಾಗಿ ಈ ಚಿತ್ರವನ್ನು ಪ್ಯಾನ್ ಇಂಡಿಯಾ ಅಲ್ಲ ಪ್ಯಾನ್ ವರ್ಲ್ಡ್ ಸಿನಿಮಾ ಎಂದು ಕರೆಯಬೇಕಾಗುತ್ತದೆ.

ಬಾಕ್ಸಾಫೀಸ್ ಗಳಿಕೆ ಅಷ್ಟೇ ಇತಿಹಾಸ ಅಲ್ಲ!

'ವಿಕ್ರಾಂತ್ ರೋಣ' ಸಿನಿಮಾ ವಿಶ್ವದಾದ್ಯಂತ ತೆರೆಕಾಣಲಿದೆ. ಹಾಗಾಗಿ ಇಂಗ್ಲೀಷ್, ಜರ್ಮನ್, ರಷ್ಯನ್ ಭಾಷೆಗಳಲ್ಲಿ 'ವಿಕ್ರಾಂತ್ ರೋಣ' ಹೇಗೆ ಅಬ್ಬರಿಸಲಿದ್ದಾನೆ ಎನ್ನುವ ಕುತೂಹಲ ಹುಟ್ಟುಕೊಂಡಿದೆ. ಇನ್ನು ಚಿತ್ರದ ಬಾಕ್ಸಾಫೀಸ್ ನಂಬರ್‌ಗಳು, ಗಳಿಕೆ ಮಾತ್ರ ಇತಿಹಾಸ ಆಗುವುದಿಲ್ಲ. ಹಾಗಾಗಿ 'ವಿಕ್ರಾಂತ್ ರೋಣ' ಚಿತ್ರದ ಕೆಲವು ಹೊಸ ಪ್ರಯತ್ನಗಳು ಕೂಡ ಇತಿಹಾಸವಾಗಿ ಉಳಿಯುವ ಸಾಧ್ಯತೆ ಹೆಚ್ಚಾಗಿದೆ.