'ಸೈರಾ' ಸೆಟ್ ನಲ್ಲಿ ಅಮಿತಾಭ್ ಬಚ್ಚನ್ - ಸುದೀಪ್

ಕನ್ನಡ ನಟ ಸುದೀಪ್ ಮತ್ತೊಂದು ದೊಡ್ಡ ಅವಕಾಶವನ್ನು ಪಡೆದುಕೊಂಡಿದ್ದಾರೆ. ನಟ ಅಮಿತಾಭ್ ಜೊತೆಗೆ ಸಿನಿಮಾ ಮಾಡುವ ಗೋಲ್ಡನ್ ಚಾನ್ಸ್ ಅವರಿಗೆ ಸಿಕ್ಕಿದೆ.

ಟಾಲಿವುಡ್ ನ 'ಸೈರಾ' ಸಿನಿಮಾದಲ್ಲಿ ಅಮಿತಾಭ್ ಹಾಗೂ ಸುದೀಪ್ ಇಬ್ಬರೂ ನಟಿಸುತ್ತಿದ್ದಾರೆ. ಈ ಇಬ್ಬರು ನಟರು ಈಗ ಚಿತ್ರೀಕರಣದ ಸೆಟ್ ನಲ್ಲಿ ಎದುರಾಗಿದ್ದಾರೆ. ಬಚ್ಚನ್ ಜೊತೆಗೆ ಸುದೀಪ್ ಫೋಟೋ ತಗೆದುಕೊಂಡಿದ್ದಾರೆ.

ಬಚ್ಚನ್ ಜೊತೆಗಿನ ಫೋಟೋವನ್ನು ಸುದೀಪ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಂದಹಾಗೆ, ಈ ಹಿಂದೆಯೂ ಬಚ್ಚನ್ ಜೊತೆ ಸುದೀಪ್ ಸಿನಿಮಾ ಮಾಡಿದ್ದರು.

ಈ ಬಗ್ಗೆ ಟ್ವೀಟ್ ಮಾಡಿರುವ ಸುದೀಪ್ ಹತ್ತು ವರ್ಷದ ಹಿಂದೆ 'ರಣ್' ಸಿನಿಮಾದಲ್ಲಿ ನಟಿಸಿದ್ದೆ. ‌ಅದರ ನಂತರ ಮತ್ತೆ ಲೆಜೇಂಡ್ ನಟನ ಜೊತೆಗೆ ನಟಿಸುವ ಅವಕಾಶ ಸಿಕ್ಕಿದೆ ಎಂದು ಬಚ್ಚನ್ ಗುಣಗಾನ ಮಾಡಿದ್ದಾರೆ.

'ಸೈರಾ' ಮೆಗಾಸ್ಟಾರ್ ಚಿರಂಜೀವಿ ನಟನೆಯ 151 ನೇ ಸಿನಿಮಾವಾಗಿದೆ. ಈ ಸಿನಿಮಾವನ್ನು ಸುರೇಂದರ್ ರೆಡ್ಡಿ ನಿರ್ದೇಶನ ಮಾಡುತ್ತಿದ್ದಾರೆ. ತೆಲುಗಿನ ಈ ವರ್ಷದ ದೊಡ್ಡ ಪ್ರಾಜೆಕ್ಟ್ ಇದಾಗಿದೆ. ಅವುಕು ರಾಜ್ಯದ ರಾಜನಾಗಿ ಕಿಚ್ಚ ಕಂಗೊಳ್ಳಿಸಿದ್ದಾರೆ.