ರಕ್ಷಿತಾ ತಮ್ಮ 'ರಾಣಾ'ಗೆ ಸುದೀಪ್ ಸ್ವಾಗತ

Recommended Video

ನಟಿ ರಕ್ಷಿತಾ ಪ್ರೇಮ್ ಸಹೋದರ ರಾಣಾ ಹೆಸರಿನಲ್ಲಿ ಕನ್ನಡ ಚಿತ್ರರಂಗದ ಮೂಲಕ ತನ್ನ ಸಿನಿ ಕೆರಿಯರ್ ಶುರು ಮಾಡಿದ್ದಾರೆ. ಸಿನಿಮಾಗಾಗಿ ಅಭಿಷೇಕ್ ಎಂಬ ಹೆಸರನ್ನು ರಾಣಾ ಎಂದು ಬದಲು ಮಾಡಲಾಗಿದೆ.

ಚಿತ್ರರಂಗಕ್ಕೆ ರಾಣಾ ಎಂಟ್ರಿ ನಿನ್ನೆಯ ಅದ್ಧೂರಿ ಕಾರ್ಯಕ್ರಮದ ಮೂಲಕ ಆಗಿದೆ. ಹೊಸ ನಾಯಕನಿಗೆ ಟ್ವಿಟರ್ ಖಾತೆಯಿಂದ ಕಿಚ್ಚ ಸುದೀಪ್ ಸ್ವಾಗತ ಮಾಡಿದ್ದಾರೆ.

"ರಾಣಾಗೆ ನಿನಗೆ ನನ್ನ ಪ್ರೀತಿಯ ಶುಭಾಶಯಗಳು‌. ನನಗೆ ತಿಳಿದಿದೆ ನೀನು ರಾಕ್ ಮಾಡುವೆ. ಚಿತ್ರದ ಟೈಟಲ್ ಹಾಗೂ ಫೋಟೋ ಚೆನ್ನಾಗಿದೆ. ಪ್ರೇಮ್ ನಿಮಗೆ ಶುಭವಾಗಲಿ. ರಕ್ಷಿತಾ ಮತ್ತೆ ನೀವು ನಿಮ್ಮ ಪ್ರೊಡಕ್ಷನ್ಸ್ ನಲ್ಲಿ ಸಿನಿಮಾ ಮಾಡುತ್ತಿರುವುದಕ್ಕೆ ಖುಷಿ ಆಗುತ್ತಿದೆ.'' ಎಂದು ಟ್ವೀಟ್ ಮಾಡಿ ವಿಶ್ ಮಾಡಿದ್ದಾರೆ.

ರಕ್ಷಿತಾ ಹಾಗೂ ಪ್ರೇಮ್ ಜೊತೆಗೆ ಸುದೀಪ್ ಒಳ್ಳೆಯ ಗೆಳೆತನ ಹೊಂದಿದ್ದಾರೆ. ಇಬ್ಬರ ಜೊತೆ ಸಿನಿಮಾ ಸಹ ಮಾಡಿದ್ದಾರೆ.

ಅಂದಹಾಗೆ, ಪ್ರೇಮ್ ತಮ್ಮ ಹೊಸ ಸಿನಿಮಾಗೆ 'ಏಕ್ ಲವ್ ಯಾ' ಎಂದು ಹೆಸರಿಟ್ಟಿದ್ದಾರೆ. ರಕ್ಷಿತಾ ಫಿಲ್ಮ್ ಫ್ಯಾಕ್ಟರಿ ಮೂಲಕ ಚಿತ್ರ ನಿರ್ಮಾಣ ಆಗುತ್ತಿದೆ. ಅರ್ಜುನ್ ಜನ್ಯ ಸಿನಿಮಾಗೆ ಸಂಗೀತ ನೀಡುತ್ತಿದ್ದಾರೆ.