ಹಾಲಿವುಡ್ ಸ್ಟಂಟ್ ಮಾಸ್ಟರ್ ಜೊತೆ ಅಭಿನಯ ಚಕ್ರವರ್ತಿ

Recommended Video

ನಟ ಕಿಚ್ಚ ಸುದೀಪ್ ಸದ್ಯ ಮೂರ್ನಾಲ್ಕು ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಕನ್ನಡದಲ್ಲಿ 'ದಿ ವಿಲನ್', 'ಕೋಟಿಗೊಬ್ಬ 3', 'ಪೈಲ್ವಾನ್' ಸುದೀಪ್ ಅವರ ಮುಂದಿನ ಸಿನಿಮಾಗಳಾಗಿವೆ. ಇವುಗಳ ಜೊತೆಗೆ ತೆಲುಗಿನ 'ಸೈರಾ' ಸಿನಿಮಾದಲ್ಲಿ ಕೂಡ ಕಿಚ್ಚ ಕಂಗೊಳಿಸಲಿದ್ದಾರೆ.

ಈ ನಡುವೆ ಈಗ ಹಾಲಿವುಡ್ ಸ್ಟಂಟ್ ಮಾಸ್ಟರ್ Greg Powell ಅವರ ಜೊತೆಗೆ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಲಂಡನ್ ಮೂಲದ Greg Powell ಹಾಲಿವುಡ್ ನಲ್ಲಿ 'ಸ್ಕೈ ಫಾಲ್', 'ಹ್ಯಾರಿ ಪೋಟರ್' ಸೇರಿದಂತೆ ಸಾಕಷ್ಟು ಸಿನಿಮಾಗಳಿಗೆ ಕೆಲಸ ಮಾಡಿದ್ದಾರೆ. ಈ ವಿಷಯವನ್ನು ಸ್ವತಃ ಸುದೀಪ್ ತಮ್ಮ‌ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Greg Powell ಮಾಸ್ಟರ್ ಜೊತೆಗೆ 'ದಿ ವಿಲನ್' ಸಿನಿಮಾದಲ್ಲಿ ಕೆಲಸ ಮಾಡಬೇಕಿತ್ತು. ಆದರೆ ಅದು ಆಗಿರಲಿಲ್ಲ. ಈಗ 'ಸೈರಾ' ಸಿನಿಮಾದಲ್ಲಿ ಅವರ ಜೊತೆ ಕೆಲಸ ಮಾಡಿದ್ದೇನೆ ಎಂದು ಸುದೀಪ್ ಹೇಳಿದ್ದಾರೆ.

ಅಂದಹಾಗೆ, 'ಸೈರಾ' ಮೆಗಾಸ್ಟಾರ್ ಚಿರಂಜೀವಿ ನಟನೆಯ ಸಿನಿಮಾವಾಗಿದೆ. 'ಈಗ' ನಂತರ ಮತ್ತೆ ಸುದೀಪ್ ಟಾಲಿವುಡ್ ಗೆ ಪ್ರವೇಶ ಪಡೆದಿದ್ದಾರೆ.