ಅಭಿಮಾನಿಗಳ ಈ ಕೆಲಸದ ಹಿಂದೆ ಇದ್ದಾರೆ ಕಿಚ್ಚ ಸುದೀಪ್

ಅಂಧರಿಗೆ ನೆರವಾದ ಕಿಚ್ಚನ ಅಭಿಮಾನಿಗಳು

ತುಮಕೂರಿನ "ರಾಷ್ಟ್ರೀಯ ಅಂಧರ ಕ್ಷೇಮಾಭಿವೃದ್ಧಿ ಸಂಸ್ಥೆ" ವಾರ್ಷಿಕೋತ್ಸವದಲ್ಲಿ 'ಅಖಿಲ ಕರ್ನಾಟಕ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸೇನಾ ಸಮಿತಿ' ತಂಡದವರು ಭಾಗಿ ಆಗಿದ್ದರು. ಕಾರ್ಯಕ್ರಮದಲ್ಲಿ ಕೇವಲ ಕಾಣಿಸಿಕೊಳ್ಳುವುದು ಮಾತ್ರವಲ್ಲದೆ ಅಂಧ ಮಕ್ಕಳ ಶಿಕ್ಷಣಕ್ಕಾಗಿ ಕಂಪ್ಯೂಟರ್ ಗಳನ್ನ ನೀಡಿದ್ದಾರೆ.

ಕಂಪ್ಯೂಟರ್ ನೀಡಿ ಶಿಕ್ಷಣಕ್ಕೆ ಸಾಥ್

ಅಖಿಲ ಕರ್ನಾಟಕ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸೇನಾ ಸಮಿತಿಯನ್ನ ನವೀನ್ ಗೌಡ ಹಾಗೂ ಜಗದೀಶ್ ನಡೆಸಿಕೊಂಡು ಹೋಗುತ್ತಿದ್ದಾರೆ. ಈಗಾಗಲೇ ಈ ಸಂಘಟನೆ ಮೂಲಕ ಸಾಕಷ್ಟು ಸಮಾಜಮುಖಿ ಕೆಲಸ ಮಾಡಿದ್ದು ಈ ವರ್ಷದ ಮೊದಲ ಕೆಲಸ ಅಂಧ ಮಕ್ಕಳ ಸಂಸ್ಥೆಗೆ ಉಚಿತವಾಗಿ ಕಂಪ್ಯೂಟರ್ ಗಳನ್ನ ನೀಡಿರುವುದು.

ವರ್ಷ ಪೂರ್ತಿ ಒಳ್ಳೆ ಕೆಲಸದ ಉದ್ದೇಶ

ಕಿಚ್ಚ ಸುದೀಪ್ ಅವರ ಹೆಸರಿನಲ್ಲಿ ನಡೆಯುತ್ತಿದುವ ಈ ಸಂಘಟನೆ ವರ್ಷ ಪೂರ್ತಿ ಇಂತಹ ಕೆಲಸ ಮಾಡುವಲ್ಲಿ ತೊಡಗಿಸಿಕೊಂಡಿದೆ. ಸ್ಟಾರ್ ಗಳ ಹುಟ್ಟುಹಬ್ಬದಂದು ಮಾತ್ರ ಸಮಾಜಮುಖಿ ಕೆಲಸಗಳನ್ನ ಮಾಡುವುದಕ್ಕೆ ಬ್ರೇಕ್ ಹಾಕಿ ವರ್ಷಪೂರ್ತಿ ಒಳ್ಳೆ ಕೆಲಸಗಳನ್ನ ಮಾಡುವುದು ಇವರ ಮುಖ್ಯ ಉದ್ದೇಶ.

ಉತ್ತಮ ಕೆಲಸದ ಹಿಂದೆ ಕಿಚ್ಚನ ಕಾಣದ ಕೈ

ನವೀನ್ ಗೌಡ ಹಾಗೂ ಜಗದೀಶ್ ನಡೆಸುತ್ತಿರುವ ಅಖಿಲ ಕರ್ನಾಟಕ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸೇನಾ ಸಮಿತಿಯ ಪ್ರತಿ ಕೆಲಸಗಳ ಹಿಂದೆ ಕಿಚ್ಚ ಸುದೀಪ್ ಅವರು ಇದ್ದಾರೆ. ಹಿರಿಯ ಕಲಾವಿದರು ಸಂಕಷ್ಟದಲ್ಲಿ ಇದ್ದಾಗ, ಅನಾರೋಗ್ಯದ ಸಮಸ್ಯೆಯಿಂದ ಬಳಲುತ್ತಿದ್ದಾಗ, ಅಭಿಮಾನಿಗಳಿಗೆ ಸಮಸ್ಯೆ ಆದಾಗ ಹೀಗೆ ಸಾಕಷ್ಟು ಸಮಯದಲ್ಲಿ ಕಿಚ್ಚ ಸುದೀಪ್ ಅವರೇ ನಿಂತು ಧನ ಸಹಾಯ ಮಾಡಿದ್ದಾರೆ.