ಮುಖಪುಟ

ಸಿನಿ ಸಮಾಚಾರ

ಕಿಚ್ಚ ಸುದೀಪ್ ಕನ್ನಡ ಚಿತ್ರರಂಗದ ಮಲ್ಟಿ ಟ್ಯಾಲೆಂಟೆಡ್ ನಟ. ಅಭಿನಯ, ನಿರ್ದೇಶನ, ನಿರೂಪಣೆ ಜೊತೆಯಲ್ಲಿ ಸುಮದುರವಾಗಿ ಹಾಡುವ ಸಾಮರ್ಥ್ಯ ಹೊಂದಿರುವ ಕಲಾವಿದ. ಇಷ್ಟೆಲ್ಲಾ ಪ್ರತಿಭೆ ಇರುವ ನಾಯಕನ ಹೆಂಡತಿ ಕೂಡ ಅವ್ರಂತೆಯೇ. ಮನೆಯನ್ನ ನಿಭಾಯಿಸುವುದರ ಜೊತೆಯಲ್ಲಿ ಇವೆಂಟ್ ಕಂಪನಿ ಹಾಗೂ ನಿರ್ಮಾಣ ಸಂಸ್ಥೆಯನ್ನೂ ನೋಡಿಕೊಳ್ಳುತ್ತಿದ್ದಾರೆ ಪ್ರಿಯಾ ಸುದೀಪ್.

ಇವುಗಳ ಮಧ್ಯೆ ತಮ್ಮ ಆಸೆಯನ್ನ ಬಚ್ಚಿಡದೆ ಪ್ರಿಯಾ ಸುದೀಪ್ ಇತ್ತೀಚಿಗಷ್ಟೇ ಮೌಂಟ್ ಎವೆರೆಸ್ಟ್ ಪರ್ವತವನ್ನ ಸುತ್ತಿ ಬಂದಿದ್ದಾರೆ. ವಿಶೇಷ ಅಂದರೆ ಪ್ರಿಯಾ ಸುದೀಪ್ ಜೊತೆಯಲ್ಲಿ ಮಗಳು ಸ್ವಾನಿ ಕೂಡ ಮೌಂಟ್ ಎವೆರೆಸ್ಟ್ ನೋಡಿಕೊಂಡು ಬಂದಿದ್ದಾರೆ.

ವಿಮಾನದಲ್ಲಿ ಮೌಂಟ್ ಎವರೆಸ್ಟ್ ಒಂದು ಸುತ್ತು ಹಾಕಿರುವ ಅಮ್ಮ ಮಗಳು ಅಲ್ಲಿಂದ ಬಂದ ನಂತ್ರ ಅದರ ಅನುಭವವನ್ನ ಹಂಚಿಕೊಂಡಿದ್ದಾರೆ. ಪೋಟೋ ಜೊತೆಗೆ "ಹದ್ದಿನ ರೀತಿಯಲ್ಲಿ ಪರ್ವತವನ್ನ ಸುತ್ತಿದ ಹಾಗೆ ಅನುಭವ ಆಯ್ತು. ಭವ್ಯವಾದ ಮೌಂಟ್ ಎವೆರೆಸ್ಟ್ ನೋಡಿದ ಅನುಭವ ಎಂದಿಗೂ ಮರೆಯಲಾಗದು" ಎಂದು ಟ್ವಿಟ್ ಮಾಡಿದ್ದಾರೆ.

ಪ್ರಿಯಾ ಸುದೀಪ್ ಸದಾ ಯಾವುದಾದರೂ ಕೆಲಸಗಳಲ್ಲಿ ತಮ್ಮನ್ನ ತಾವು ತೊಡಗಿಸಿಕೊಳ್ಳುತ್ತಾರೆ. ಸುದೀಪ್ ಅವರಂತೆ ಗಾರ್ಡನಿಂಗ್ ನಲ್ಲಿ ಇಂಟ್ರೆಸ್ಟ್ ಇದ್ದು ತಮ್ಮ ಮನೆಯಲ್ಲೇ ಟೆರೆಸ್ ಗಾರ್ಡನ್ ನಲ್ಲಿ ತರಕಾರಿ ಸೊಪ್ಪನ್ನ ಬೆಳೆಯುತ್ತಾರೆ.