ಅಂಬರೀಶ್ ಗೆ ಏನಾಗಿಲ್ಲ.! ಸುಮ್ನೆ ಗಾಳಿ ಸುದ್ದಿ ಹಬ್ಬಿಸ್ಬೇಡಿ..!

ಇಂದು ಮಧ್ಯಾಹ್ನದಿಂದ ಒಂದೇ ಗುಲ್ಲು. ರೆಬೆಲ್ ಸ್ಟಾರ್ ಆರೋಗ್ಯದಲ್ಲಿ ಮತ್ತೆ ಏರುಪೇರಾಗಿದೆ. ಅಂಬರೀಶ್ ಅವರನ್ನ ಮತ್ತೆ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಅಂತ.

ಕಾಡ್ಗಿಚ್ಚಿನಂತೆ ಹಬ್ಬಿದ ಈ ಸುದ್ದಿಯನ್ನ ಕೇಳಿ ಅಂಬರೀಶ್ ಅಭಿಮಾನಿಗಳು ಆತಂಕಕ್ಕೆ ಒಳಗಾದರು. ಆದ್ರೆ, ಯಾರೂ ಗಾಬರಿ ಪಡುವ ಅವಶ್ಯಕತೆ ಇಲ್ಲ. ಮಂಡ್ಯದ ಗಂಡು ಅಂಬರೀಶ್ ಗೆ ಏನೂ ಆಗಿಲ್ಲ. ಅವರು ಆರೋಗ್ಯವಾಗಿದ್ದಾರೆ.

ಅಂಬರೀಶ್ ಪತ್ನಿ ಸುಮಲತಾ ಅವರಿಗೂ ಈ ಗಾಳಿ ಸುದ್ದಿ ಮುಟ್ಟಿದ ಪರಿಣಾಮ, ಸಾಮಾಜಿಕ ಜಾಲತಾಣದಲ್ಲಿ ಸ್ಪಷ್ಟನೆ ನೀಡಿದ್ದಾರೆ. [ವಿಕ್ರಂ ಆಸ್ಪತ್ರೆಯಿಂದ ಅಂಬರೀಶ್ ಡಿಸ್ಚಾರ್ಜ್.!]

''ಇಂದು ನಮ್ಮ ಮನೆಯಲ್ಲಿ ನನ್ನ ಸಹೋದರಿಯ ಮೊಮ್ಮಗುವಿನೊಂದಿಗೆ ಅಂಬರೀಶ್ ಆಟವಾಡುತ್ತಿದ್ದಾರೆ. ಸುಮ್ಮನೆ ಗಾಳಿ ಸುದ್ದಿ ಹಬ್ಬಿಸುವುದನ್ನ ನಿಲ್ಲಿಸಿ. ಅಂಬರೀಶ್ 100% ಆರೋಗ್ಯವಾಗಿದ್ದಾರೆ'' ಅಂತ ಸುಮಲತಾ ಅಂಬರೀಶ್ ಟ್ವೀಟ್ ಮಾಡಿದ್ದಾರೆ.

ಜೊತೆಗೆ ಮನೆಯಲ್ಲಿ ಅಂಬರೀಶ್ ಕಾಲ ಕಳೆಯುತ್ತಿರುವ ಫೋಟೋ ಕೂಡ ಹಾಕಿದ್ದಾರೆ. ಇಷ್ಟು ಸಾಕಲ್ವಾ, ಅಂಬರೀಶ್ ಆರೋಗ್ಯದ ಬಗ್ಗೆ ಕೇಳಿ ಬರುತ್ತಿರುವ ಮಾತುಗಳು ಸುಳ್ಳು ಅನ್ನೋಕೆ.