ದರ್ಶನ್ ನನ್ನ ದೊಡ್ಡ ಮಗ, ಯಶ್ ಮನೆ ಮಗ: ಸುಮಲತಾ

ದರ್ಶನ್ ನನ್ನ ದೊಡ್ಡ ಮಗ

ರೆಬೆಲ್ ಸ್ಟಾರ್ ಅಂಬರೀಶ್ ಇದ್ದಾಗಲೂ ಇದೇ ಮಾತನ್ನ ಹೇಳುತ್ತಿದ್ದರು. 'ದರ್ಶನ್ ನನ್ನ ದೊಡ್ಡ ಮಗ' ಇದ್ದಂತೆ ಅಂತ. ಈಗ ಅದೇ ಮಾತನ್ನ ಸುಮಲತಾ ಅವರು ಹೇಳಿದ್ದಾರೆ. ''ದರ್ಶನ್ ನನ್ನ ದೊಡ್ಡ ಮಗ. ನಾನು ಏನೇ ಕೇಳಿದ್ರು ಮಾಡಿಕೊಡ್ತಾರೆ'' ಎಂದು ಮಂಡ್ಯದಲ್ಲಿ ಹೇಳಿದ್ದಾರೆ.

ಕೇಳಿದ್ದಕ್ಕಿಂತ ಹೆಚ್ಚು ಮಾಡ್ತಾನೆ ದರ್ಶನ್

ದರ್ಶನ್ ಗೆ ನಾನು ನೋಡಪ್ಪ, ನಾನು ಅಭಿಷೇಕ್ ಕಡೆಯಿಂದ ಏನು ಎದುರು ನೋಡುತ್ತೇನೋ ಅದನ್ನ ನಿನ್ನಿಂದಲೂ ಎದುರು ನೋಡುತ್ತೀನಿ ಅಂದ್ರೆ, ಅದಕ್ಕೆ ದರ್ಶನ್ ''ನೀವು ಅಭಿಷೇಕ್ ನಿಂದ ಏನು ಎದುರು ನೋಡುತ್ತೀರೋ ಅದಕ್ಕಿಂತ ಎರಡರಷ್ಟು ನನ್ನಿಂದು ಎದುರು ನೋಡಬೇಕು ಅಂತ ದರ್ಶನ್ ಹೇಳ್ತಾನೆ'' ಎಂದು ಸುಮಲತಾ ಹೇಳಿದ್ರು.

ದರ್ಶನ್ ಮತ್ತು ಯಶ್ ನಮ್ಮ ಮನೆ ಮಕ್ಕಳು

ಕೇವಲ ದರ್ಶನ್ ಮಾತ್ರವಲ್ಲ ಯಶ್ ಕೂಡ ನಮ್ಮ ಮನೆ ಮಗ. ''ದರ್ಶನ್ ಮತ್ತು ಯಶ್ ನಮ್ಮ ಮನೆ ಮಕ್ಕಳು'' ಎಂದು ಸುಮಲತಾ ಅವರು ಹೇಳುವ ಮೂಲಕ, ಮಂಡ್ಯದಲ್ಲಿ ಪ್ರಚಾರ ಮಾಡೋಕೆ ಪಕ್ಕಾ ಇವರಿಬ್ಬರು ಬರ್ತಾರೆ ಎಂದು ಸುಳಿವು ನೀಡಿದ್ದಾರೆ.

ದರ್ಶನ್ ಏನಂದ್ರು?

ಇನ್ನು ಸುಮಲತಾ ಅವರ ಪರವಾಗಿ ಪ್ರಚಾರ ಮಾಡ್ತೀರಾ ಎಂದು ಕೇಳಿದ್ದಕ್ಕೆ ನಟ ದರ್ಶನ್ ''ಸುಮಲತಾ ಅವರು ನನಗೆ ಅಮ್ಮ, ಅವರು ಎಲ್ಲೇ ಹೋದರು ಅವರ ಜೊತೆ ನಾನು ಇರ್ತೀನಿ, ನನಗೆ ಯಾವುದೇ ಪಕ್ಷ ಬೇಕಿಲ್ಲ. ನನ್ನವರು ಬೇಕು. ಸೋ, ಸುಮಲತಾ ಅವರ ಜೊತೆ ನಾನಿದ್ದೀನಿ'' ಎಂದು ಹೇಳುವ ಮೂಲಕ ಬಲ ತುಂಬಿದ್ದಾರೆ.