ಒಟ್ಟಿಗಿದ್ದರೂ ದೂರ-ದೂರ: ಮಗ ಅಭಿಷೇಕ್ ಹಂಚಿಕೊಂಡ ಸುಮಲತಾ ಚಿತ್ರ

ಕೊರೊನಾದಿಂದ ಗುಣಮುಖರಾದ ಸುಮಲತಾ

ಪ್ರಸ್ತುತ, ನಟಿ, ಸಂಸದೆ ಸುಮಲತಾ ಕೊರೊನಾದಿಂದ ಗುಣಮುಖವಾಗಿದ್ದಾರೆ ಆದರೆ ಮನೆಯಲ್ಲೇ ಕ್ವಾರಂಟೈನ್‌ನಲ್ಲಿರುವಂತೆ ವೈದ್ಯರು ಸೂಚಿಸಿದ್ದಾರೆ. ಅದೇ ಮನೆಯಲ್ಲಿರುವ ಮಗ ಅಭಿಷೇಕ್‌ಗೆ ಕೊರೊನಾ ಇಲ್ಲ. ಆದರೆ ಒಂದೇ ಮನೆಯಲ್ಲಿದ್ದರೂ ಅಮ್ಮ-ಮಗ ದೂರ-ದೂರ.

ಅಭಿಷೇಕ್ ತೆಗೆದಿರುವ ಚಿತ್ರ ವೈರಲ್

ಅಮ್ಮ ಅನಾರೋಗ್ಯದಲ್ಲಿದ್ದರೂ ಹತ್ತಿರ ಹೋಗಿ ಸಮಾಧಾನಪಡಿಸದ ಸ್ಥಿತಿ ಮಗ ಅಭಿಷೇಕ್‌ನದ್ದು. ಮಾಸ್ಕ್ ಧರಿಸಿ ದೂರ ನಿಂತ ಅಮ್ಮನ ಚಿತ್ರವನ್ನು ಅಭಿಷೇಕ್ ಸೆರೆಹಿಡಿದು ಹಂಚಿಕೊಂಡಿದ್ದಾರೆ. ಈ ಚಿತ್ರ ಅಮ್ಮ-ಮಗನನ್ನು ದೂರ ಮಾಡಿದ ಕೊರೊನಾ ಕತೆಯನ್ನು ಈ ಚಿತ್ರ ಹೇಳುತ್ತಿದೆ.

ಜುಲೈ 6 ರಂದು ಕೊರೊನಾ ಪಾಸಿಟಿವ್ ವರದಿ

ಸಂಸದೆ ಸುಮಲತಾ ಅವರಿಗೆ ಜುಲೈ 6 ರಂದು ಕೊರೊನಾ ಪಾಸಿಟಿವ್ ಆಗಿರುವ ವರದಿ ಬಂದಿತ್ತು. ವೈದ್ಯರ ಸಲಹೆ ಮೇರೆಗೆ ಅಂದಿನಿಂದಲೂ ಸುಮಲತಾ ಅವರು ಮನೆಯಲ್ಲೇ ಐಸೋಲೇಶನ್‌ಗೆ ಒಳಪಟ್ಟಿದ್ದರು.

ಇನ್ನೂ ಕೆಲವು ದಿನ ಮನೆಯಲ್ಲೇ ಉಳಿಯಲಿದ್ದಾರೆ

ಇದೀಗ ತಾವು ಕೊರೊನಾದಿಂದ ಗುಣಮುಖರಾಗಿರುವುದಾಗಿ ಸುಮಲತಾ ಹೇಳಿದ್ದಾರೆ. ಆದರೆ ವೈದ್ಯರ ಸಲಹೆ ಮೇರೆಗೆ ಇನ್ನೂ ನಾಲ್ಕು ವಾರ ಮನೆಯಲ್ಲೇ ಇರುವುದಾಗಿಯೂ ಸುಮಲತಾ ಹೇಳಿದ್ದು, ಕ್ವಾರಂಟೈನ್‌ ಅನ್ನು ಮುಂದುವರೆಸಲಿದ್ದಾರೆ. ಮನೆಯಲ್ಲೇ ಇದ್ದರೂ ಅಮ್ಮನ ಬಳಿ ಸುಳಿಯಲಾಗದೆ ಪರಿತಪಿಸುತ್ತಿದ್ದಾರೆ ಅಭಿಷೇಕ್.